المواصفات المصريه لعضو مجلس الشعب
انا كنت من المويدين لكلمة لا فى التعديلات الدستوريه بسبب واحد فقط هو
المواصفات المصريه لعضو مجلس الشعب كانت ومازالت فى الدستور هباب اسود
عشان كدة كنت اتمنى بناء دستور جديد
انا اويد بقوة ان ترشيح اى انسان فى رئاسه الجمهوريه لكن عضو مجلس الشعب هو الرهان الحقيقى للبلد
نفسى فى دستور جديد يقوم بعمل التالى
1- الغاء كوته المراة
2- الغاء 50% عمال وفلاحين
3- الغاء الانتخاب الفردى
4- التفريق بين عضو مجلس الشعب وعضو المجلس المحلى
بالغاء ومسح فكرة ابن الدايرة عضو مجلس الشعب هو عضو للشعب وليس للدائرة
وينسى خالص هو واهل الدايرة ان الراجل دة بتاعهم دة بتاع الشعب
5-وضع شرط التخرج من الجامعة للترشيح
6- اختيازة اختبار icdl فى الكمبيوتر (جديدة منى دى)
7- تخليه عن اى منصب خاص او عام اثناء الفترة البرلمانيه
8-لكل عضو فترتين فقط مدى حياته منفصلين او متلازمين
(نفسى تطبق ايضا على رائسه الحمهوريه لانها تمنعه فى الفترة الثالثه ولكنها تسمح فى الرابعة راجع التعديلات الدستوريه)
بالنسبه للمجلس عامة
1- نقل مكان المجلس من وسط البلد الى ارض الله الواسعة
2- التصويت فى القاعة تصويت الكترونى
3- جلسات مجلس الشعب علانيه امام التليفزيون
4- موقع الكترونى محترم على النت يقوم فيه المواطنين بمراجعة كافة الجلسات فى اى وقت
4- نظام حضور وانصراف الكترونى لكل الاعضاء يمكن متابعته عن طريق الموقع الالكترونى للشعب (عشان الى بيزوغ ومبيحضرش)
5- اقرار ذمة ماليه واضح لكل الاعضاء على النت لكل اعضاء المجلس