الموضوع: لازم كمبيوتر المرة الجاية، شغل الدفاتر والبركة دة مينفعش

لازم يكون الانتخاب فى اللجان عن طريق الكمبيوتر، وكل لنجة تبقى متصله بسرفير مركزى، علشان تبقى العملية أدق وأسرع وأكثر أحكام

لكن شغل الامضاء والدفترة والحبر الفسفورى دة، ويقعدوا يعدوا الورق ورقة ورقة مينفعش

ولو على التمويل، فى ناس كتير ورجال أعمال مستعدة تتبرع

لو على التكنولوجيا، دة مش سحر ولا أحنا هنخترعه، بالاضافة ان فى رجال أعمال مستعدين يوفروا الدعم الفنى

لو على الثقة والتلاعب فى الكلام دة، يبقى من باب أولى نلغى الانتخابات بشكلها الحالى

على الاقل هنوفر وقت وجهد، ومش هيجى حد ويقول لى معلش، الورق خلص (إلا لو الكهرباء قطعت بقى، ودى ليها حل برضة)

المشاركة الأصلية كتبت بواسطة shaddadfalcon1

الموضوع مش سهل ياجماعه
فيه requirement لازم تبقي موجوده وhardware و infrastructure تستحمل الكلام ده كله ده غير التدريب للناس او الموظفين وال failover واهم من كل ده ال security

تخيل لو واحد عمل hack علي الليله دي هيقدر يقلب نتيجه التصويت في ثانيه

أرجع واقول لحضرتك ان اللى هيعمل الكلام دة ناس متخصصة، ومش هنكون اول دولة تعمل الكلام دة
والتدريب مش هيكون بالصورة اللى حضرتك متصورها، خصوصا فى وجود القضاء ودول ناس مثقفه وعلى وعى عالى

والامكانيات، مفيش اسهل من تدبيرها فى ظل وجود رجال أعمال وشعب على أستعداد لتمويل الكلام دة
وممكن كمان نطلب منح من الدول اللى عندها الكلام دة

طالما توفرت الارادة، ذُلت الصعاب

المشاركة الأصلية كتبت بواسطة amro1965

عدد الذين صوتوا فى الانتخابات الاخيرة 19 مليون قول 25 مليون
فى حل
ممكن كمان اصوت وانا من بيتى طالما انا قادر على الدخول على موقع التصويت وضمان لعدم اسخدام بطاقتك من طرف اخر
يكون خانه لكتابه رقم البطاقة وخانه لعدد احرف اسم الام لو مطابقة هتظهر بياناتك وبعدها تصوت لكن لو خطا مش هتصوت
فى هذه الحاله هيصوت على الاقل 40 فى المائه اما 60 فى المائه ممكن يصوتوا ورقيا وبعدها يتم ادخالها كمبيوتر
فى تلك الحالة اللى صوت ليس له حق التصويت مرتين حتى لو صوت فى القاهرة وحب يصوت من اى بلد اخر سوف يمنع
ونكون بذلك خفينا الحمل

المشاركة الأصلية كتبت بواسطة م.احمد زكريا

مش مهم المواطن يتعامل مع الشاشة او الزرار او غيره

كفاية انه يمرر بطاقة الرقم القومي على ماسح ضوئي scanner بحيث ان البطاقة تتقري مرة واحدة بس

وبكده تكون ضمنت تسجيل بيانات المواطن وضمنت عدم الادلاء بصوته في اي مكان اخر

ولا دفاتر ولا حبر ولا يحزنون

اما الورق والفرز اليدوي لسة شوية على ما نغيرها

المشاركة الأصلية كتبت بواسطة mailo

المشكلة في التكلفة اللي عشان تجيب hw لكل اللجان دي

بس دي ممكن تتحل لو الإنتخابات ماكانش لازم تخلص في يوم واحد يعني على 3 4 أيام مثلا كل يوم كام محافظة كده
لحد ماربنا يفرجها علينا ما إني برده متخيل إن كل المدارس فيها pcs

يعني لو وصلوا انترنت هيبقى التصويت ده سهل قوي يعني بس طبعا يكون فيه الريدر بتاع البطاقة أو جهاز ياخد البصمة من الناخب عشان يبطل الصوت لو اتكرر

فيه حلول كتير قوي وأنا ممكن أعمل سيستم زي ده في وقت قصير قوي بس مين اللي هيطبق ؟؟

كل دى حلول حلوة جدا لأى مشكلة ممكن تخطر على بال اى حد

يا جماعة الموضوع مش صعب، هما بيخيلوا لنا انه مستحيل لغرض فى نفس ابن يعقوب

الأرادة