المشاركة الأصلية كتبت بواسطة hany121
أستاذ محمد. الاعراض اللي حضرتك بتقولها ده معناها ان الشكمان عندك مكتوم وده سبب سخونه العربيه واحمرار الفرن وزيادة السخونه مع زيادة السرعه والله اعلم..
ما تسمعش كلام الميكانيكي وتخليه يلعب في الموتور.. روح اكشف علي الشكمان ولو تخميني صح غيره من عند ابو اليزيد. الشكمان كامل ما عدا الفرن بحوالي 550 جنيه عليه ضمان سنه بس لازم تتأكد انهم ربطوا الافيز اللي بيمسك العلبه الاماميه بالخلفيه كويس وتقلهم يغيروا (السيل رينج) وتدور العربيه وتخلي حد يسد الشكمان من ورا ( تكبسه ) وتحط ايدك عند الافيزعلشان تتاكد انه مفيش تنفيس..
بعد تغيير الشكمان العربيه هتفوق اكتر في السحب والحراره هترجع زي ما كانت قبل كده..