ايوه
بعد كده طلع راسك من الشباك وقوله بصوت عالي
:C_laugh[1]:
عرض للطباعة
بص يا باشا عامة تكييف التمبرا مش جامد اوي زي الياباني بس بيسقع العربية بعد فتره وبيلطف الجو نوعا ما عامة اكشف على الشحن ممكن يكون ناقص ونقص الفريون يكون السبب
سخونة العربية مع التكييف اتأكد من ان المروحة شغاله على السرعتين كويس ونظف السرينتينه بتاعة التكييف وراجع على دورة التبريد
المصفحة بصراحة مش عارف
الرجرجه ممكن تكون حاجه في العفشه وممكن تكون الجنوط والعربية محتاجه ترصيص اكشف على العفشه ورصص وان شاء الله الرجه تروح
كالون الشنطه اكشف عليه عند الكهربائي ممكن تكونقربه بتاعته فيها مشكله او السلك مش واصل
الإكصدام الأمامي في رنج ال 400 بالفوجات وانت وحظك ممكن تلاقي لون عربيتك وممكن ما تلاقيش وفي الحاله دي هاترشه
الميكانيكي اللي اعرفه في المعادي عادل سيينا في عمارات صقر قريش بس غالي شويه
موضوع التعليه اكشف عند العفشجي برده وهو يقولك عشان ممكن تأثر على ثبات العربية
وعليكم السلام ورحمه الله وبركاته
مبروك عليك
1 معنديش تكييف فمقدرش افيدك بس ممكن يكون شحن الفريون ناقص او نوع الفريون وحش
2 هي واطيه من قدام ومن ورا يا تتعود عليها يا تركب علايات ( انا مش مركب ) يا اما تجيب سوستتين بتوع ال 2000 سي سي المفروض انهم يرفعوها شويه من قدام
3 شغل اللي فكها ...مادام الميكانيكي فكها يبقى يركبها تاني لو معرفش يجيب هو حد يركبها لكن مش مشكلتك خالص
4 غالبا العجل عايز ترصيص ... عند اي بتاع كاوتش بيرصص الفرده ب 5 جنيه لو جنط حديد عادي لو جنط سبور من 10 ل 15 جنيه
5 وديها لبتاع كوالين وسنتر وانذار وهو يشوف ماله
6 الشبكه تقريبا ب 140 جنيه والاكصدام فيه منه الوان بس اللي بالفوجات مش موجود كتير ومش فاكر تمنه كام
7 لو انت عرفت ميكانيكي وكهربائي كويسين في المعادي ابقى قولي هههههههه
شىء عجيب حصل اليوم وانا قاعد اسخن العربية لقيت لمبة البنزين بتدى اشارة ان التنك خلاص طبعا انا طنشت لانى متعود
على كده وتلاقى نص التنك مليان حبه كده ولقيت صوت تنبيه تيت تيت بس ضعيف وجاى من مكان بعيد وساد الصمت لبرهة
وانا انتظر ان اجد من يعلن عن نفسه فى لحظات من الترقب و الحذر .... بس خلاص حد باه يقلى اباه استغطى وانته نايم ..
الخ .. السؤال باه الذكى جدا الى محدش يتوقعه .. صوت ايه ده ؟؟؟؟؟؟؟؟:Copy of m-s5:
و عليكم السلام و رحمة الله و بركاتة .
بص الاخوة التمبراوية جاوبو اجابات وافية و شاملة بس بعد أذنهم حا اقول رأيى
بالنسبة أن العربية عندك الاكصدام بيحل فى الارض دة معناة حاجتين السوست و المساعدين فى الطراوة بايظين و مستهلكين جدا جدا
المساعدين افضل تجيبهم جداد مش أستعمال السوست تتغير بس دول جداد غالين شويتين تمنهم من الكيلانى 350 جنية دول ممكن تجيبهم أستيراد بيكونو ب 120 جنية و خلى بالك فية منهم نوعين نوع 5 لفة و نوع أكبر 6 لفات و أتخن شوية بس دول صعب تلاقيهم شوية أو على حسب انت و حظك .
ممكن تركب علايات من الامام بس ال 3 سنتى فقط و نوع كويس بيبقو ب 20 جنية تقريبا كدة تبقى رفعت وش العربية و مفيش مشكلة من التعلية دىبالنسبة لموضوع التكيف دة قصة طويلة شوية و لازم تجيب العيب من فين العربية بتبرد لما التتكيف بيشتغل لان المروحة بتشتغل أوتوماتيك على السرعة العالية فتلاقى الحرارة وصلت ل 70 و ممكن 90 لو فى عز الظهر و الشمس .
دى صور للسوست علشان تعرف الفرق و المساعدين بالعلايات .
معرفش ميكانيكى فى المعادى و لا بتاع التكيف الى أعرفة فى المعادى بس التكيف لو أتظبت الهواء الى خارج منة بيبقى كويس بصورة مرضية جدا خصوصا لو مفيش شمس مباشرة الحرارة الى بتطلع لو قولت لك الرقم مش حا تصدق
الصورة الاولى لاحظ الفرق بيت أرتفاع السوست ال 5 لفة و ال 6 لفة
http://img153.imageshack.us/img153/176/180120114177.jpg
الصورة دة الى راكب فيها العلايات
http://img251.imageshack.us/img251/5...0120114182.jpghttp://img855.imageshack.us/img855/3...0120114220.jpg
و التصفيح الى راكب تحت بالشكل دة كدة و لا مش زية
http://img821.imageshack.us/img821/4996/fgndxfg.png
والله يا هشام اول مرة اسمع عن الأمبوليزر ده انته عارف انا من الشغل للبيت ومليش فى الشقاوة ممكن ايضاح للامر لما تفضى بس انا عارف انك مضغوط الله يكون فى عونك .. هو الصوت شوية كده وبعدها سكت انا حصل مرة فكرته موبايل بتاع واحد فى العربية هو نفسه قالى صوت ايه ده طبعا انا ملقتش جواب انا فكرته موبايله الصينى وده تتوقع منه اى شىء .. هههههههه فكرنى باغنية محمد منير صوت من بعيد يلا اروح انام شوية عشان اروح اجيب الحجة من عند الميكانيكى بيظبطلى ضعف السحب ربنا يسهل الا السرقة كتيرة اوى ممكن اروح الاقى السحب وملقيش العربية هههههههههه
والله يا جماعه مش عارف اشكركم ازاى ربنا يبارك فيكم
بالنسبة للتصفيح اللى عندى هو لما فكها انا شفتهخا هى تقريبا شبه دى بس مساميرها ورا وقدام مش على الجانبين