بص يا استاذ هشام هو كان بيحطها على المنجلة و يربطها كويس من عند الجزء اللي في النص اللي مكتوب عليه trw تمام و بعدين بيمسك الجزء المشرشر عند السهم الابيض كده بايده و يحرك
لو العلبة سليمة يبقا المفروض متتحركش او تتهز معاه
على كلامه يعني
عرض للطباعة
مساء الفل يا رجاله
بمناسبه الجزء الرابع عايز اسال سؤال بس الاجابه بصراحه من غير تحيز بعد اذنكوا ..ولا كلام الناعم اللى مبياكلش عيش
بصراحــــــــــــــــــــ ـــــــــــه
ايه رايكو فى التمـــــبرا؟؟؟
-------
انا هقول راى
اكتر عربيه شوفتها فيها مشاكل
فعلا عربيه كلها مشاكل
بقالنا 4 اجزاء ب 12 الف مشاركه على الاقل 5 الاف منها مشاكل فعلا
انا عمرى مشوفت عربيه كدا كل حاجه عايز تتصلح فيها وتتغير وبردو بتبوط تانى
ودا مع كل الناااااااااااااااااااس اللى هنا ..ومحدش يقولى انه لا
مفيش حد مغيرش الاتى ( علبه دركسيون -بارات داخليه وخارجيه - كبالن - مساعدين - تلت تربع الماتور - قربه ميه - قربه مساحات - موتور مساحات - مساحات نفسها - - كاوتشه مساحات - تابلوه وعدادات ودا اعرب حاجه فى العالم عمرى مشوفت كدا - لوحه تكييف -عوامه بنزبن - طرمبه بنزين - شويه حشكله مكلفه فى الصاج -........................... الخ)
وبعد كل دا مفيش حد بيستمر معاه الحاجات دى اكتر من سنتين فى احسن الحالاااااااااااااااات
فى حين ان اى عربيه تانيه مفيش الكلام الفاااااااااااضى دا ..الصمت الرهيب
انا بقيت عامل زى المكانيكى وسط اصحابي بمختلف الاشكال والانواع فى العربيات
ونبي تفكروا قبل متردوا والله هتلاقى كلامى مقنع والعربيه فعلا اكتر عربيه بتاعت مشاكل
استاذ هشام والمجهود الرائع اللى عامله فى العربيه ربنا يقويه -- يعنى بس متقولش انا بحبطك والله ولا حاجه بس والله كونت جبت لانسر احسن من الكلام دا فعلا مش عايزك تزعل منى بس والله عربيه مشاكل بس
يا راااااااااااااااااااااااج ل حرام عليك انت شوهت العربية خاااااااااااااااااااااااا لص هههههههههههههههه
بص انا هتكلم عن عربيتي اللي هي هتكمل معايا 4 سنين شهر سبتمبر القادم
اولا الموتور : طوال المدة اللي فاتت من يوم ماجبتها الحاجات اللي عملتها في الموتور (بعيدا عن السرفيس و تغيير الزيت ..... الخ لان الكلام ده بيتعمل في اي عربية)
صلحت الدينامو مرة و غيرت الرادياتير و قربة المية و الثرموستات وعملت جوان الفرن بتاع الشكمان و جوان التاكيهات و عملت الكاربيراتير و الشكمان كان واقع من تحت و عملته مرة و عملت برضو طقم اصلاح للفرامل الفردة الشمال قدام
يعني الموتور انا شايف انه ممتاز ما شاء الله و اعطاله قليلة جدا
ثانيا العفشة : و دي مشكلتي فعلا في العربية و اكتر حاجة بتزهقني فعلا بس انا لازم اقول اني غلطان برضو لان المفروض العفشة كانت تتلم كلها مرة واحدة و خلصنا لو اتعملت كده انساها تماما واحنا اتكلمنا في الموضوع ده قبل كدة
الصاج بتاع العربية قوي جدا و اكيد يعني انت مش هتعمل فيه حاجة الا اذا اتخبطت منك ههههههههههههههه
ده مش ذنب العربية ههههههههههههههه
الحاجات اللي انا شايفها نقطة ضعف في العربية هي
الاسكترا ناس كتيييييييييييييير غيرتها و موالها رخم جدا
فبر العدادات بيتكسر او بتلاقيه بيتخربش
فاكيوم الكاربيراتير و مشكلة استهلاك البنزين (ده للعربيات الكاربيراتير فقط)
العربية عايزة معاملة خاصة شوية في الصيانة ولازم تكون فاهم فيها و ادينا بنتعلم ههههههههههههههه
و انتظر برضو نعرف رأي باقي اعضاء الرابطة
السلام عليكم
ازيك يا هندسه ايه يا عم النظرة التشاؤميه اوى دى اعتقد ده من تجربتك مع عربيتك بس ما اظنش ان الموضوع عام
اولا انا عاوزك تفهم انك طبعا عندى احسن من ميت عربيه وانى مش مختلف معاك لمجرد الاختلاف بس انا هقولك تجربتى مع العربيه من وقت ما اشتريتها حتى الان وانت احكم
بص ياسيدى انا اشتريت عربيتى من شهر 3 - 2010 يعنى من حوالى سنه بالتمام والكمال
وعملت فيه الاتى اول ما جبتها
1- غيرت علبه الدركسيون
2- غيرت السيور
3- غيرت الزيوت
5- تيل فرامل
6- فلتر الهواء
7- بوجيه واحد فقط كان قاطع غيرته
واستمريت بالعربيه بدون مشاكل وكل شويه اروح اعمل حاجه مش اساسيه فى العربيه بس بعملها لنفسى
يعنى لما اقولك غيرت المرايات يبقى ده مش عيب فى العربيه
او الكاوتش اشتريت فردتين اماميتين ده مش عيب فى العربيه
غيرت المقصات من شهر تقريبا بعد استخدام سنه وانا كنت مبهدل العربيه لانى ما كنتش بسوق قبل كده واساسا اول ما جبت العربيه بتاع العفشه قالى المقصات عاوزة تتغير
غيرت الاكصدام الامامى لانه كان مكسر من صاحب العربيه الاصلى وكمان كنت عاوز اكصدام بالفوجات
غيرت الاكصدام الخلفى لانى عملت حادثه لو اى عربيه تانيه عملتاها كانت اترمت فى الشارع انا كل اللى حصل عندى ان كورنر العربيه الشمال الخلفى حصل فيه انبعاج والاكصدام شكله ما باقاش عاجبنى بس العربيه اللى دخلت فيه عربيه بيجو اللى كانت بتنزل للشرطه دى مش فاكر رقمها تقريبا 405 باظت خالص
غيرت كالون باب السواق كان فيه مشكله من وقت ما اشتريت العربيه
ان شاء الله ناوى اغير فبرة التابلوة لانها مشروخه من ساعه ما اشتريت العربيه
طيب تعالى كده نراجع مع بعض انا عملت ايه فى العربيه من اساسياتها
1- عليه الدركسيون ودى كانت بايظه من صاحبها الاولانى اللى كان خابطها فى مطب وكانت بتجيب زيت
2- المقصات الى برضه كانت مش كويسه من بدايه ما اشتريت العربيه
3- كالون باب السواق
ماعدا ذلك ما عملتش حاجه فى العربيه
انا تقريبا ما بعملش حاجه غير انى اغير الزيت واحط بنزين فقط لا غير
انا سعيد جدا بالعربيه
ها ايه رايك بقى يمكن عشان انا ماركبتش عربيات غيرها ما سوقتش يعنى عربيات تانيه مش عارف بس العربيه مريحانى جدا
بسبب الاتى
واسعه جدا بركب فيها انا وولادى وزوجتى ووالدى ووالدتى وبسافر بيها ما بتقولش لا
ناعمه على قدر معرفتى بالعربيات كل ما تقف جنبى فى اى اشارة او زحمه عربيه ابقى سامع صوت موتورها وعربيتى لا
ثبات رائع والحمد لله بمشى بيها لحد 140 وانا حاسس انى ماشى على 60 وجربت اجيب 160 بس ما حاولتش اكررها تانى
مريحه فى القياده يعنى ما بنزلش عظمى مكسر زى ما الناس بتقول
سعرها معقول بالنسبه للامكانيات
تكييف باور سنتر زجاج كهرباء موتور 1600
اعتقد ان مشكلتك شخصيه يعنى فيها بعض سوء الحظ مع العربيه بتاعتك ممكن كان ملعوب فيها قبل كده وهو ده اللى تاعبك او يكون صاحبها اللى قبلك كان هاينها شويتين او مش مهتم بيها
ان شاء الله ربنا يوفقك لواحده من اثنين اما يصلح لك حال عربيتك او يوفقك لبيعها وشراء العربيه اللى تريحك باذن الله
شوف يا باشا العربية دي بقالها سنتين معايا انا اكبر مشاكل واجهتني في العربية كانت مشاكل تتعلق بدورة التبريد عشان كده انا غيرت كل ما يخص دورة التبريد من رادياتير ومروحة وضفيرة مروحة وقربة ميه كل حاجه واحيانا برده المروحه بتقف فيشه تسيح ثرموستات تبوظ ده عشان القطع الجديده اللي في السوق مش تمام مش عيب في العربية وعلى فكره انا شفت واحد معاه لانسر 98 الكريستاله عند الكهربائي وكان بيشتكي برده من المروحة والتبريد يعني الموضوع ده مش ثابت بس لازم تبقى فاهم عربيتك وعامل احتياطك كويس مفتاح تشغيل احتياطي لمبه للمروحة كده
علبة الدركسيون انا صلحتها مره وهاغيرها واظن ان علبة الدركسيون في التمبرا ضعيفه نوعا ما بس لو العربية موديل 94 بالعلبة الفابريكة لحد النهارده اظن يبقى كتر خيرها اوي وما فيش علبة عربية هاتقعد دا كله من غير تغيير مشكلتها ارتفاع سعرها جديده وأعتقد ان من الحاجات اللي عادي انه يمر عليها 18 سنه وتبوظ المساحات موتور المساحات صرمبة ميه طرمبة بنزين كل ده وارد انه يتغير في اي عربية حتى لو bmw وقعدت العمر ده كله
بس على الأقل قطع غيار التمبرا على اد ايدك ومجود منها استيراد
مةضةع بأه ان الحاجات بتتغير كتير ده لأن القطع الغيار اللي في السوق منها كتير مضروب او ما بيتعملش بجودة الأصلي وده اتجاه عام في كل قطع الغيار على الأقل اللي بتبجي مصر عشان التجار يكسبوا بس انت عندك البديل الإستيراد
قلي انت بأه على عربية في السوق هاتديلك ثبات وسرعه ووسع وراحة التمبرا لو كل حاجه فيها مظبوطه وبسعرها او اسعار قطع غيارها زيها اقرب حاجه ليها انا مش بقول انها ما فيهاش عيوب لا فيها عيوب بس لازم نراعي ان العربيه داخله على 20 سنه استخدام فطبعا فيها حاجات لازم تتغير شوف انت بأه ال 28 لو من نفس عمر التمبرا هاتكون غيرت فيها ايه أظن العفشه اللي هاتغيرها مره في التمبرا هاتكون غيرت قصادها 3 عفشات في ال 28 العربية في المجمل كويسه بس لازم تراعيها كويس جدا عشان تحس بده ولو حاسس ان المصاريف كتير الجديد برده بيصرف صيانات مش رخيصة ولو قارنتها هاتلاقيها محصله بعضها
صباح الفل يا عدولة أنتو حا تروحو الاربعاء الساعة كام لان التوقيت حا يفرق جدا معايا لان احتمال العربية التيبو تبقى مع الكهربائى فقولى رايحين الساعة كام
السلام عليكم
ازيك يا h
ربنا معاك وارجو ان الناس تدعى لهشام ربنا يسترها معاه ويتمهاله على خير ان شاء الله
بص يا باشا انا بخرج من الشغل 3.30 تقريبا يعنى اوصل هناك على 4.15 تقريبا وده اقل موعد ممكن اوصل فيه وطبعا ممكن يكون بعد كده فى اى وقت تتفقوا عليه
انا فى انتظار ردك انت وزلبانى
صباح الفل يا رجالة أزيك يا عدولة بص و الله دا أنا نازل دلوقتى لانى حا أقابل الكهربائى فى العزبة و طالع وراة على عين شمس علشان أعرف مكان المحل بتاعة فين مش عارف حا أتأخر عندة أد أية بس حا أقابلة و نطلع على عين شمس نتفق بالموبيل لو كنت قريب هناك حا أقولكم
ممكن رينجات الاسعار بتاعت الفيات تمبرا