الموضوع: رابطة مالكي وعشاق التمبرا (الجزء الرابع)

المشاركة الأصلية كتبت بواسطة zendo

ممكن حد خبير يقولى اية اسباب الاتى:
- غياب العربية فى الدوارة الصبح ايضا وهى باردة بتغيب فى الدوارة
- خروج عادم اسود من العربية بصفة مستمرة ويزداد العادم مع زيادة الضغط على البنزين
- رجرجة السيارة اثناء تهدية السرعة خصوصا ومروحة التبريد شغالة الرجة بتزيد
- مروحة التبريد شغالة بصفة مستمرة
- كيف يمكن ان اعرف ان عربيتى مااخرة كهرباء او كهربتها مظبوطة
ارجو الرد والافادة ضرورى

عربتك كاربيراتير ولا انجيكشن
مبدئيا لو كاربيراتير عشان ده اللي اعرفه
تأخير الدوارة ممكن يكون اكتر من حاجه ممكن تكون بوجيهات ممكن تكون موبينه ممكن يكون مشط الكتروني
العادم الإسود ده غاليا خليط الهواء والبنزبن في الكاربيراتير مش مظبوط ممكن تكون محتاجه ظبط هوا او الكاربيراتير عايز يتنضف ويتظبط
رجرجة السياة مع رفع الرجل على دواسة البنزين كده العربية ممكن تكون واطيه او يكون بيك السلانسيه عندك فيه مشكله أو مسدود يالنسبه لمروحة التبريد ممكن هل هي كانت بتشتغل وتفصل ولا من ساعة ما جبت العربية وهي كده لازم تراجع على فيش المروحة وهل العربية فيها تكييف ولا لا يعني المروحة سرعه واحده ولا سرعتين وانت بتقول المروحة شغاله على طول يعني حضرتك اول ما بتدور العربية المروحة بتشتغل ولا ايه انا مش فاهم
بالنسبه لتأخير الكهربا لما بتبطل العربية بتبطل معاك على طول ولا بتفضل دايرة ثواني وبعدين تفصل
هل العربية عندك بتضرب مدافع وانت ماشي ولا لا
ياريت تجاويني على الأسئله دي عشان نحاول نساعدك

نرجو من يعرف طريقة توصيل الفكيوم والحساس الموجود بفرن الشكمان ارفقه مع الصور لان السلاك مقطعة السيارة تمبرا 90 كاربرتير وعداد ديجتال

مجود جزاء فى اسبرتير التمبرا شبه منظم البتوجاز وبه مكان خرطوم ممكن لو سمحتم اعرف هذا الجزا
واعرف هو متوصل على ايه المكانيكى قال بيتوصل على الكربرتير ممكن اعرف مكان توصيله

يا باشا العربية بتاعتك غالبا كانت انجيكشن ومقلوبه كاربيراتير او متسقطلها موتور عاده لأن العداد الديجيتال بيكون الموتور انجيكشن على حد علمي

المشاركة الأصلية كتبت بواسطة nevozaky

السلام عليكم يا شباب التمبرا والكيا واللانشيا

عليكم السلام ورحمة الله وبركاته
إزيك يا أستاذه مبارك العربية ربنا يديكي خيرها ويكفيكي شرها