الموضوع: لما ما تتكسفش .. بجح

انا كرهت السواقة الأيام اللي فاتت ده
ده بقت حرب مش سواقة
دائري من فوق وتلاقي واحد ماشي عكس
منازل الدائري بيطلعوها عكس
أغلب الطرق ماشيين عكس
الطرق واقفة في كل حتة
طريق بياخد نص ساعة أخدة في ساعتين
كل اللي بعمله
شتيمة بالكلاكس
لو بالليل .. نور عالي .. الحمد لله جايب نور 260 وات .. وناوي أجيب زينون .. هعميه يعني هعميه
من كام يوم كنت ماشي في النص والحارة اللي علي يميني شايف واحد جاي عكس .. طبعا انا بشتم
واحد بميكروباص ورايا عايز يطلع
جه يمين وجري فجأة لقي اللي جاي في وشه
والله كنت هخليهم يلبسوا في بعض
الميكروباص مرضيش يرمي عليا .. مع انه كان يقدر
والمعاكس ضرب فرامل وبقوا خلاص وش في وش
بتاع الميكروباص بص في مرايته .. انا قلت بس ده هيلبسوا
فرملت وراح الميكروباص داخل قدامي
علي فكرة كنا ماشيين 80 والكلام ده في لحظات
نفسي كنت أودي بتاع المعاكس ده للجيش يخزوقوه

فيديو كدة شفته وحرق دمي
بس مش عارف هو عنده حق ولا أيه !

Videos Posted by ط®ط±ط¨طھ ط±ط³ظ…ظٹ: ط±ط§ط¬ظ„ ظ…ط³طھظپط² ط¬ط¯ط§ | Facebook

السواقة بقت حاجة متعبة و بتحرق دمي جداً
امبارح على الأتوستراد و انا على الشمال على 80 تقريباً
اللي قدامي كبس فرامل..مع إن بينه و بين اللي قدامه ما لا يقل عن 150 متر
و مفيش و لا مطب و لا حفرة و لا أي حاجة..كبس فرامل ليه معرفش
النقل البطئ على الشمال بيقتل الدائري
اللي ماشي 40 على الدائري على الشمال
اللي من أقصى اليمين إلى أقصى الشمال علشان اليوترن
الناس اللي بتخش يمين أو شمال فجأة
اللي بيطلع من حارته في الملفات و غير الملفات كمان
التاكسيات اللي بتقف فجأة
المحطات اللي على مطالع و منازل الكباري
اللي عربيته بتحدف علشان سرحان

و فيه حاجات تانية كثيرة تحرق الدم
مش عارف هتخلص امتى حرقة الدم دي