السلام عليكم ورحمة الله وبركاته
أنا بعت عربتى الانوس وبفكر فى النيسان صنى ... وكنت عايز اعرف اسعارها كام وممكن اجيبها منين ... ياريت تقولولى ... وكمان لو عندك رأى تانى بس انا مش عايز ازود فى السعر كتير
عرض للطباعة
السلام عليكم ورحمة الله وبركاته
أنا بعت عربتى الانوس وبفكر فى النيسان صنى ... وكنت عايز اعرف اسعارها كام وممكن اجيبها منين ... ياريت تقولولى ... وكمان لو عندك رأى تانى بس انا مش عايز ازود فى السعر كتير
يا باشا ... ونعم الاختيار ان شاء الله .....
بالنسبة للاسعار ...
صني اي اكس مانيوال من غير abs سعرها 85000
صني اي اكس مانيوال مع abs سعرها 88000
صني اي اكس اوتو من غير abs سعرها 90000
صني اي اكس اوتو مع abs سعرها 93000
صني سوبر صالون 100000
صني سوبر صالون هاي لاين 101000
أما بالنسبة لمنين ....
اعتقد في اماكن كتير موثوق فيها و ناس كتير بتتعامل معاها ....
لكن خليك في الموزعين المعتمدين احسن
و ربنا ييسر لك الخير ان شاء الله
زي الفل ... تسلم ايدك يا بو نجيب ... :w6266d
واعتقد ديه العربية الوحيده اللي ممكن تدفع فيها فلوس وانت مطمن بأمر الله واخد حقك تالت ومتلت
وتوكيل محترم وقطع غيار متوفرة وعربية عفية ماشاء الله
توكل علي الله وصلي الاستخارة ومش هاتندم بأمر الله
اقعد بالعافية :bye:
بضم صوتى لصوت الصقور فعلا
عربية محترمة جدا ومنتشرة فى السوق انتشار جيد جداااا وقطع غيار معمرة جدا ماتور يابانى وفتيس يابانى , وكفاية سمعة نيسان فى المواتير ,بتفضل معمرة لفترة كبيرة جدااااااا
قرر بس انت عايز اى فئة منها
وبخصوص تجبها منين خاليك مع الموزعين المعتمدين
اتو ايجيبت - موردن - السبع - يونايتد جروب
تحياتى
انا اشتريت عربيتى من المحمل موتورز من سنتين وكانو احسن سعر وقتها علشان وكيل لنيسان
وعلى فكره السبع نفس الكلام ويمكن اقوى وكيل لنيسان فى مصر انصحك تسال عنده الاول وتشوف الالوان الى انته عيزها بنسبه للون الخارجى والصالون وتشوف يقدر يجبلك الى انته عيزو و لاء
و نصيحه اشترى من وكيل لنيسان وسيبك من شغل المعارض الى فى الشارع
ولو هتجيب قسط عندك أوتو سمير الريان ثم المصريه للسيارات
اتمنالك التوفيق باذن الله واكيد هتحس بفرق شاسع و مع مرور الوقت مع العربيه هتعرف انك اخترت احسن سياره فى فئتها السعريه وهتحبها جداا جدا جدا وتعرف ان كل الى بتقال عليها مبالغ فيه وفي بعض الاحيان (هكص) !!!! وخاصتا لما تتعامل مع صيانه السبع و مودرن موترز ابو رواش بالاضافه الى المكسب الحقيقى وبدون مجامله الا وهي ((اعضاء منتدا نيسان المحترمين جدااااااااااااا))
اختيار موفق جدا لحضرتك و طبعا معاك افضل وكيل في مصر و مش هقدر اقول اكتر من اللي قالوه اخواتي في القسم
و اهلا بيك بقسم نيسان
يا جماعة والله انا زادت محبتى للعربية النيسان من ردودكم ومشاركاتكم الفعالة ... وانا حبيت ان انضم لمالكى الصنى لأنى هكون معاكم وبصحبتكم