الموضوع: ليه دايمآ تقييم سيارات البروتون سىء على المواقع الأجنبية

المشاركة الأصلية كتبت بواسطة mohamed ibiza

اعتقد ان الناس دي بيقيموا العربية بطريقة غيرنا تماما و كمان دول ناس بتقيم عربيات احنا عمرنا ما شفناها في بلدنا تقريبا بورش بي ام مرسيدس فولكس حاجات مش بتجيلنا لازم الجين 2 تكون كده












Ibiiiiiiiiiiiiiiiiiiiiiiiiiiiiiiiiiiiizzzzzzzzzzzz zzzzzzzzzaaaaaaaaaaaaaaaaaaaa For Ever

عارف ليه؟ علشان احنا معتبرين ان الجين 2 ديه عربيه رياضيه بالدرجه الاولى، فلما نييجى نقيمها بنبص على الثبات و الجرى و الهبل ده، و طبعا بنقارنها باللانوس و الفيرنا فالجين2 تبان وحش.

فى الخارج بيبقى تقريبا كل بيت عنده فى حدود اربع عربيات...عربيه 4x4 مبتقلش عن 3500 سى سى لزوم السفر و العزال و بيركبوها كلهم لما يكونو خارجين مع بعض...عربيه تانيه بتبقى بتاعت الابن و ديه بتكون عربيه رياضيه بجد زى نيسان سكاى لاين و بتبقى تربو و بتجيب 100 فى 5 ثوانى بالميت او بتبقى تويوتا سوبرا او نيسان سيلفيا كده يعنى...لو فى بنت فى البيت بتبقى معاها هوندا سيفيك، مازدا 2 او 3 علي حسب الحاله الماديه و ممكن بى ام الفءه التالته لكن مبتقلش عن تويوتا ياريس...عربيه رابعه بتاعت التوفير فى البنزين و بتاعت المدام و عادة فى استراليا بتكون مازدا3 او كامرى و مبتقلش عن 2000 سى سى و اتوماتيك.

بالنسبالهم موتور 1.6 ده صغير جدا، هو هيشتريها ليه؟ متنفعش عربيه 4x4، و مستحيل عربيه رياضيه، ممكن تنفع لبنت بس هتختار عربيه اريح و اعتماديه اكتر زى الياريس ، ده لو مش عايزه تصرف و طبعا مش فارق معاها الثبات و الجرى، ده غير ان مخالفات الجرى قاسيه جدا و بتوصل للسجن. لما بيعوزو يجروا بيروحوا حلبات الدراج و طبعا العربيات بتتراوح بين ايفو و سوبرا و سكاى لاين التربو، تقوم انت طبعا داخل بالحته الجين2 و مش هاقول هيحصلك ايه...

انا لما جيت استراليا جديد و قلتلهم ان كان معايا بولو 1000 سي سي مكنوش مصدقينى خالص و اللى صدقنى فيهم سألنى اذا كانت بتتحرك من مكانها و كان بيسأل بجد، البولو هنا 1.6 اقل حاجه....و انا لسه جايب جولف 1.8، كل اللى ييجى يباركلى يقولى ايوه ياعم مش هتدفع حاجه فالبنزين، مفيش واحد قللى العربيه ديه جرايه و الكلام اللى بنقوله فمصر....

المشاركة الأصلية كتبت بواسطة tutankhamoun

أيه يا جماعة التخبيط اللي في الحلل ده :D :D :D
جين 2 عربية زي الفل ... أنتوا عايزين أيه :D :D :D

على فكرة استراليا مختلفة تماما عن أوروبا يا " mars3v "

أوروبا الوضع مختلف تماما و كليا
السيارات الهاتش باك 1000 سي سي و 1300 سي سي هي رقم 1 و رقم 2 ............ و نادرا ما تجد سيارة أكبر من 1600
و هذا لأسباب كثيرة

الشوارع ضيقة ......... البنزين ثمنه عالي جدا .......... الضرائب على هذه الفئة عالية جدا ......... أماكن الركن غالية ( فعدد السيارات بيكون أقل ما يمكن ) ............. التأمين غالي جدا على هذه الفئات ...............

و بالتالي اللي بيشتري عربية كبيرة تلاقي رد فعل الناس غريب و يفتكروا أنه مجنون .........
و الناس بتقول .......... ليه أشتري عربية 4*4 و كل الطرق مسطحة و أنا مش محتاج قوتها ؟؟؟؟؟؟؟!!!!!!!!!!!!!!!!
و برضه في اتجاه عام لتشجيع المواصلات العامة لتوفير الزحام و توفير الوقود المحترق يوميا

أما أستراليا ........ عدد سكان قليل ........... أرض واسعة .............. أسعار أقل

و شكر جزيلا للإستماع و القرأءة ......... :)

هو فى زى جمال و حلاوة الجين2 :D دى لو لونها احمر و وقفت جنب فيرارى حتتلخبط بينهم :D

اه بيتهيألى كلام حضرتك صح، هنا بيعتبروا الجولف عربيه صغيره و مبيعترفوش بالفيات، كل عربياتهم مراكب ...

و شكرا للقراءه و الاستمتاع :)