ادي اخرة (نعم) صباح الفل

**Ghamrawy** · 21-03-2011 10:15 PM

المشاركة الأصلية كتبت بواسطة otefa

عملنا طبعا ........كان هيبقى فيه مجلس رئاسي بالتعيين(في حالة لا) وده كان مرفوض في رأي
مجلس الشعب هاينتخب أولا ثم يتم تشكيل لجنة للدستور(في حالة نعم) ديمقراطي أكثر

كل الطرق تؤدى الى روما

**al_manara** · 21-03-2011 10:18 PM

المشاركة الأصلية كتبت بواسطة yoko

انا قولت نعم بعد ما سمعت واحد من الجيش قال لو إتقال ﻷ الجيش هيعلن دستور مؤقت (مش جديد زي ما الناس فاهمة) ويتعمل مجلس برده ونفس نعم بالظبط بعد كده وبرده هتفضل سنة وشويه من دلوقتي

ومعلش أحب أسجل إعتراضي على العنوان عشان فيه شئ من التهكم على الي قال نعم!
وعلى فكرة أنا مقلتش نعم عشان المادة التانيه ولا عشان الكنيسة قالت ﻷ ولاشويه الكلام الي لا بيودي ولا يأخر

لا عفوا انا لا اتهكم علي احد . بس عنوان الموضوع والموضوع واضحين جدا
لان في ناس كتير قالت نعم وهي مش عارفة بتقولها لية !!
وفي الاخر كل الي قال( نعم ) وقال ( لا ) دة وجهة نظرة لصالح بلدة لان في الاخر الكل عاوز الخير
وكمان انا من الناس الي قالت (لا) بس بعد رائ الاغلبية الي بيقول (نعم) انا موافق ومش هاقدر اتكلم بالعكس انا مبسوط ان احنا لاول مرة نزلنا 18 مليون .
المصيبة في الناس الجاهلة الي كانت رايحة وبتقول فين رمز الجمل والهلال !!
والمهم بعد كدة اننا كنا نسمع اراء خبراء القانون . وبعدها نميز في الصح وفين الغلط

الموضوع انا طرحتة للنقاش (باختصار هانعمل اية بعد كدة )
انا مش حاطة عشان نغلط في بعض

رجاء لا تاخذ كلامي علي محمل الانتهاك او الغلط او الرفض او التهكم

**al_manara** · 21-03-2011 10:24 PM

المشاركة الأصلية كتبت بواسطة حماده عزو

مظبوط كده مش معنى أنى قولت لأ أنى أدور على عيوب أو مشاكل نعم
المفروض انى ادور على خطه ما بعد نعم وأبدا أنفذها
وكده تكون الديمقراطيه صحيحه

تمام
وكمان نتعلم من اخطائنا ومنغلطش في بعض

**otefa** · 21-03-2011 10:24 PM

المشاركة الأصلية كتبت بواسطة ghamrawy

كل الطرق تؤدى الى روما

لا أسمحلي في فرق وده سبب جوهري لحماسي وقناعتي بنعم
وأن شاء الله ربنا يكملها على خير

**yoko** · 21-03-2011 10:24 PM

المشاركة الأصلية كتبت بواسطة al_manara

لا عفوا انا لا اتهكم علي احد . بس عنوان الموضوع والموضوع واضحين جدا
لان في ناس كتير قالت نعم وهي مش عارفة بتقولها لية !!
وفي الاخر كل الي قال( نعم ) وقال ( لا ) دة وجهة نظرة لصالح بلدة لان في الاخر الكل عاوز الخير
وكمان انا من الناس الي قالت (لا) بس بعد رائ الاغلبية الي بيقول (نعم) انا موافق ومش هاقدر اتكلم بالعكس انا مبسوط ان احنا لاول مرة نزلنا 18 مليون .
المصيبة في الناس الجاهلة الي كانت رايحة وبتقول فين رمز الجمل والهلال !!
والمهم بعد كدة اننا كنا نسمع اراء خبراء القانون . وبعدها نميز في الصح وفين الغلط

الموضوع انا طرحتة للنقاش (باختصار هانعمل اية بعد كدة )
انا مش حاطة عشان نغلط في بعض

رجاء لا تاخذ كلامي علي محمل الانتهاك او الغلط او الرفض او التهكم

تمام والله بس عنوان الموضع قبل ما يتقري ممكن يتفهم غلط وأنا مكنش قصدي تهكم صريح لكن شئ بسيط ممكن يتفهم كده

**basm** · 21-03-2011 11:51 PM

المشاركة الأصلية كتبت بواسطة medo2o1o

ليذكر التاريخ انى قلت لااااااااااااااااااا

الحمد لله انى قلت لالالالالالالالا

**Ahmed Anwer** · 22-03-2011 12:12 AM

معلهشي في مغالطة فظيعة في الموضوع ،،،،

الوقت بنعم أقصر ،،،

لأن هيكون عندك بعد ستة اشهر ،،، مجالس نيابية و رئيس منتخب ،،،

يعني المجلس العسكري يستريح و يروح يشوف شغله عالحدود ،،

و مؤسسات الدولة تشتغل ،،،

و ناس منتخبة بقه ،،، نطلع عينهم و نقرفهم و ليه ماحكمتوش ده و ليه ما رفدتوش ده و ليه ما غيرتوش ده

و نعرف نتكلم معاهم و نحاسبهم و نقيمهم و نحاكمهم لو عايزين

لكن لأ ،،، يعني نقعد في حالة انتقالية ،، عسكرية ،،

لمدة سنة أو أكثر كاملة

يبقي نعم أقصر لاستقرار الحكم

و نعم و لأ ،،، نفس المدة للدستور الجديد فقط و لكن نعم طريق ديمقراطي و لأ طريق مش واضح المعالم

**ezzatfox** · 22-03-2011 12:14 AM

انا قلت لا .. و على قد ما فرحت بمنظر الناس و هى بتتهافت على اللجان الانتخابية .. على اد ما حزنت على ما حدث من تزوير فى الانتخابات .. ايوة زمان كانوا بيزورا الورق .. لكن النهاردة اللى حصل كان اشد كان تزوير للعقول البسيطة و اللى نسبتهم ليست خافية على احد .
المهم .. ما علينا .. فى النهاية لازم نتقبل النتيجة ايا كانت.. بس بعد ما نعلم على السلبيات اللى ظهرت .

بالنسبة للموضوع المشكلة مش فى السنة و نص المشكلة بعد كدة .. لما يبقى عندك دستور جديد و مجلسين شعب و شورى منتخبين و رئيس ايضا منتخب .. تيجى بعد كدة و تهد كل دة و انتخابات تانى من اول و جديد
لان لو الدستور الغى مجلس الشورى و الغى كوتة المرأة و نسبة العمال و الفلاحين ( على فرض وجودهم فى الاعلان الدستورى اللى هيصدر غدا ) يبقى انت مضطر تحل المجلسين و تعمل انتخابات تانى
و لو الدستور الجديد اشترط صفات معينة فى الرئيس و لم تتوافر في الرئيس المنتخب يبقى نعمل انتخابات رئاسية تانى .

**al_manara** · 22-03-2011 12:49 AM

المشاركة الأصلية كتبت بواسطة ezzatfox

انا قلت لا .. و على قد ما فرحت بمنظر الناس و هى بتتهافت على اللجان الانتخابية .. على اد ما حزنت على ما حدث من تزوير فى الانتخابات .. ايوة زمان كانوا بيزورا الورق .. لكن النهاردة اللى حصل كان اشد كان تزوير للعقول البسيطة و اللى نسبتهم ليست خافية على احد .
المهم .. ما علينا .. فى النهاية لازم نتقبل النتيجة ايا كانت.. بس بعد ما نعلم على السلبيات اللى ظهرت .

بالنسبة للموضوع المشكلة مش فى السنة و نص المشكلة بعد كدة .. لما يبقى عندك دستور جديد و مجلسين شعب و شورى منتخبين و رئيس ايضا منتخب .. تيجى بعد كدة و تهد كل دة و انتخابات تانى من اول و جديد
لان لو الدستور الغى مجلس الشورى و الغى كوتة المرأة و نسبة العمال و الفلاحين ( على فرض وجودهم فى الاعلان الدستورى اللى هيصدر غدا ) يبقى انت مضطر تحل المجلسين و تعمل انتخابات تانى
و لو الدستور الجديد اشترط صفات معينة فى الرئيس و لم تتوافر في الرئيس المنتخب يبقى نعمل انتخابات رئاسية تانى .

تمام ودي من مشاكل نعم . ارهاق الناس بكذا مرة انتخابات

-

الموضوع: ادي اخرة (نعم) صباح الفل

LinkBack

أدوات الموضوع

عرض

-

-

-

-

-

-

-

المواضيع المتشابهه

صباح الفل:(

صباح الفل... الدركسيون تقيل

صباح الفل علي احسن ناس

الكلمات الدلالية لهذا الموضوع

المفضلات

المفضلات

ضوابط المشاركة