حصريا تركيب مرايا طيارة لنيسان صنى و انذار و اكسسوارات أخري

**Bishoy.Girgis** · 21-03-2011 11:27 PM

المشاركة الأصلية كتبت بواسطة ahmed_52869

تحفة ربنا يباركلك فيها

المشاركة الأصلية كتبت بواسطة mhmdalsaadany

الف مبروك يا باشا وربنا يباركلك فيهم ان شاء الله

متشكر يا استاذ محمد و استاذ احمد علي مروركم الكريم و مباركتكم الغالية

**Bishoy.Girgis** · 21-03-2011 11:38 PM

المشاركة الأصلية كتبت بواسطة mohamednagib

الف مبروك يا بيشوي باشا ....

و طبعا شكر موصول للكبير دائما احمد مصطفى

الله يبارك فيك يا باشا

**Bishoy.Girgis** · 21-03-2011 11:54 PM

المشاركة الأصلية كتبت بواسطة amr2004ibm

الف مبروك يا بيشو انا بتعجبنى الاافكار الى بتعملها فى العربيه
انا كنت عايز اركب سويه اكسسوارات فى ابو رواش بس للاسف محدش بيرد عليا غير الانسر ماشين لحد ما زهقت ياريت يابيشو تقولى ازاى حجزت عندهم؟
وياترى العرض بتاع وحده الرفع و السينسور الى ب440ج لسه عندهم قائم ؟
وياريت يابيشو تقولى على سمكرى كويس يعملى شويه خبطات بسيطه ونغزات فى الصاج وتقولى لو تعرف القى كود اللون بتاع العربيه بيكتب فين
انا عارف ان طلباتى كتير بس عارف انك من اكثر الاخوه الى فى منتدانا المحترم تعاونا
والف شكر

ميرسي يا جميل علي مرورك الكريم
انا شايف احمد رد علي مشاركتك رد شافي ووافي
اما بالنسبة للسمكري .. انا اعرف واحد ممتاز جدا علي الطريق يمين قبل ما تدخل شنوان
انا كنت روديت عربيتي الكورولا عشان يخلي الكشافات موازية للعربية و فعلا فككهم و ظبطهم و العربية رجعت زي ما كانت جاية من الاجانس
لو عايز تروحله ابعتلي علي الخاص و نتفق نروح مع بعض
و اي خدمة

**Bishoy.Girgis** · 22-03-2011 12:14 AM

المشاركة الأصلية كتبت بواسطة ahmed.tv

الف مبروك يا بيشو

ولا شكر على واجب , انت اخ وصديق عزيز وغالى وده الطبيعى ان اقف جنب اخويا , مع انكم عندكم عنصرية على التيدا بس كنت فرحان ليك وللعربية و اكنها عربيتى بالظبط , عشان تعرف بس ان ملاك الصنى غالين عليه

وفعلا مرايات عملية وسعرها معقول جدا مقابل الشغل والامكانيات اللى فيها

واحب اضيف معلومة فى الموضوع عشان يكون الموضوع متكامل , والكمال لله وحده
ان سعر زرار المرايا الضم لوحده عشان لو حد عايز يركبه ب105 جنيه غير شامل التركيب

عشان لوحد جاب مرايات الضم استيراد من غير زرار مثلا وحب يشترى الزرار او لاقى فى السوق بره مرايات ضم من غير زرار

كان يوم جميل يا بيشو , لانى شوفتك فيه طبعا

وعقبال الجديد دايما

والف مليون مبروك

تحياتى

بصراحة يا احمد انت و نعم الاخ بجد .. محبتك ملهاش حدود
يا جماعة انتوا متعرفوش احمد بيعمل ايه عشان المقابلة اللي جاية بجد
هتشوفوا بجد الاكتر من الاخ كمان .. ربنا يخليك لينا يا حماده و تدوم المحبة علي طول
و بشكرك تاني لمحبتك الغالية و تعبك معايا في يوم التركيبات ده

**Bishoy.Girgis** · 22-03-2011 12:20 AM

المشاركة الأصلية كتبت بواسطة egypt0777

تقرير رائع

و المراية رائعة برده

ميرسي يا باشا علي مرورك الكريم و مباكتك

المشاركة الأصلية كتبت بواسطة sedyrohy

مبروك يا بيشوي

عقبال الجنوط بقى

الله يبارك فيك يا محمد و علي فكرة في مفاجأة جديدة هههههه قبل الجنوط ان شاء الله بس برتب ليها
متشكر ليك يا جميل

**WalidAdel** · 22-03-2011 01:28 AM

مبروك باعم بيشوي ايه الحلاوه دي بس
ربنا يباركلك فيها ياباشا

**fady_anis** · 22-03-2011 08:33 AM

جميله اوى يا بيشوى

مبرووووك

**MohssenRashed** · 22-03-2011 08:44 AM

مبروك ياباشا على الحاجات الحلوة دي

**د.محمود صلاح** · 22-03-2011 09:22 AM

الف مبروك

احب اضيف حاجة لاحظتها في الفيديو

المراية مزودة بخط أبيض في الطرف الأخير منها
الجزء البعيد من المراية بعد الخط ده بيكون اكثرتقعرا وبالتالي بيجيب لك الطرف البعيد من الرؤية الخلفية .. ستعرف قيمتها بشدة عندما تدخل من شارع فرعي لشارع رئيسي يمينا وتشوف المراية .

كنت مستمتع بها أيام الميجان

-

الموضوع: حصريا تركيب مرايا طيارة لنيسان صنى و انذار و اكسسوارات أخري

LinkBack

أدوات الموضوع

عرض

-

-

-

-

-

-

-

المواضيع المتشابهه

حصريا ً :: تقرير قنبلة عن صيانة 40000 كيلو لنيسان صني بأوتوايجيبت

شـــوية اكسسوارات لنيسان صنى الجديده حتغير شكل العربيه..

حصريا تركيب مرايا طيارة لنيسان صنى و اكسسوارات أخري

حد يعرف سعر ومكان تركيب مرايات بيجو 505 طيارة فى الاسكندرية

الكلمات الدلالية لهذا الموضوع

المفضلات

المفضلات

ضوابط المشاركة