رحله المخالفات

**محمد ابراهيم 1** · 11-04-2008 04:26 PM

أثناء قيامى بتجديد سيارتى ال 405 فى الأسكندريه والتى كان السمكرى فى منطقه السيوف وفرن الدوكو فى منطقه الأزاريطه
وبعد إنتهاء رشها تحتم عودتها الى السمكرى لتركيب ما تم فكه منها
وهنا برزت المشكله فى نقل السياره هذه المسافه رغم أنها لا تصلح مروريا لذلك
المهم تحملت أنا هذه المعضله وقررت قيادتها هذه المسافه حوالى 20 كم
أحضرت كرسى القياده من عند السمكرى فى سياره أخرى وقمت بتركيبه بحيث أصبحت السياره بها مقعد واحد هو مقعد السائق وليس بها لوحات معدنيه ولا إكصدامات ولا فوانيس أماميه ولا خلفيه ولا فرش ولا مقابض ولا جريد بمعنى آخر لم يكن بها سوى الصاج والمحرك وعجله القياده وتقريبا دواسه الفرامل كانت موجوده بس مش متأكد
المهم
بدأت الرحله فى وضح النهار
حوالى الساعه 4
تحركت بالسياره
سكت طريق كليه الطب ومنه الى الكورنيش حتى راقوده ومنه يمينا الى الترام الى شارع كليه الهندسه الى طريق أبو قير الى نفق الابراهيميه الى سموحه الى طريق مديريه الأمن الى جرين بلازا الى الطريق الزراعى الى كوبرى أبيس الى طريق المعموره الخلفى الى السيوف حيث السمكرى

إن عسكرى حتى يقول لى إنت رايح فين ؟
رخصك مثلا ؟
مفيش
لاحظوا أننى كنت أسير فى أكثر الطرق حيويه وأهميه
حاجه زى طريق القصر العينى وميدان لاظوغلى وكورنيش النيل فى القاهره
إيه تعليقكم على ذلك

**PRO-DRIVE** · 11-04-2008 04:33 PM

اهم حاجه كنت رابط الحزام و مش بتتكلم في الموبايل :D

شكلهم بيدققوا علي الحجات اللي يطلعوا منها بمصالح

**محمد ابراهيم 1** · 11-04-2008 04:51 PM

المشاركة الأصلية كتبت بواسطة PRO-DRIVE

اهم حاجه كنت رابط الحزام و مش بتتكلم في الموبايل :D

شكلهم بيدققوا علي الحجات اللي يطلعوا منها بمصالح

بالنسبه للمحمول كنت بتكلم فيه
لكن بالنسبه للحزام
فمكنش فيه حزام أصلا عشان أربطه ( إلا لو كان قصدك على حزام البنطلون فده كنت رابطه )

**Hossam_Hassan** · 11-04-2008 05:37 PM

خلاص متزعلش، انا هبلغ عليك

**aliabutaleb** · 11-04-2008 06:23 PM

الحمد لله إنها جت على كدة يا باشمهندس
على فكرة إنت لو من السيوف يبقى إحنا جيران في اسكندرية :)

**Islam_galal** · 11-04-2008 06:53 PM

ده حقيقي و كنت علقت علي كدة في موضوع سابق
التسيب المروري بقي حقيقة فاجعه في اسكندرية
بعد ماكنا بنقول ان السواقة في اسكندرية ارحم من القاهرة و ان القاهروية مابيعرفوش يسوقوا
أحب أحذر القاهراويه بمناسبة الصيف السواقة في اسكندرية بقت فيلم رعب ممنوع لمن فوق الـ 30

**محمد ابراهيم 1** · 11-04-2008 07:28 PM

المشاركة الأصلية كتبت بواسطة Hossam_Hassan

خلاص متزعلش، انا هبلغ عليك

كده يا حسام بقى أستأمنك على سر تروح تبلغ عنى
مكنش العشم

**محمد ابراهيم 1** · 11-04-2008 07:29 PM

المشاركة الأصلية كتبت بواسطة AboRoqaiaa

الحمد لله إنها جت على كدة يا باشمهندس
على فكرة إنت لو من السيوف يبقى إحنا جيران في اسكندرية :)

يا باشا أنا يشرفنى أبقى جارك لكن أنا ساكن فى سموحه

**goodwave** · 11-04-2008 08:45 PM

محمد باشا

لو إني مش عارفك كنت قلت إن ده سووء إستخدام للسلطة !!!! بس أنا عارف إنك مش كدة!

ويعني ياراجل لية الإحراج بس .... يعني بالذمة لو واحد ظابط او عسكري وقفك كان حيعرف ياخد منك حق ولا باطل؟؟؟؟ يعني لو وقفوك ومشوك بعدها حنقول كوسة وبلد بايظة .... ولو عديت من غير من شاف ولا من دري نقول تسيب وإهمال....... ضربوا الأعور على عينة قال خسرانة خسرانة !!!!!

**Hossam_Hassan** · 11-04-2008 08:48 PM

المشاركة الأصلية كتبت بواسطة محمد ابراهيم 1

كده يا حسام بقى أستأمنك على سر تروح تبلغ عنى
مكنش العشم

:D :D :D :D :D :D :D :D :D :D

الموضوع: رحله المخالفات

LinkBack

أدوات الموضوع

عرض

رحله المخالفات - انشر الموضوع فى :

-

-

-

-

-

-

-

-

المواضيع المتشابهه

رحله الالف

معا في رحله الى السعاده

رحله الي فايد

رحله للفيوم ؟؟؟؟

رحله المطر

الكلمات الدلالية لهذا الموضوع

المفضلات

المفضلات

ضوابط المشاركة