الموضوع: البابا شنودة يقترح على "الجمل" ضرورة تعديل المادة الثانية وإضافة "بند

والله انا كان ليا راي في موضوع الماده الثانيه دي بالذات و كنت محتفظ بيه لنفسي و بعض الاصدقاء المقربين اللي عارفني كويس نظرا للحاله العامه للناس علي المنتدي بالذات و انهم بيخونوا بعض علطول بدون الرجوع لاي حد او التاكد اهو تشكيك و خلاص
بس طالما الكلام وصلكوا انا هأكدوا بقي و اللي يحصل يحصل و هيا تعتبر شهادة حق
وانا لما هاتكلم مش هاقول مسلم و مسيحي مش هاستخدم الصيغه اللي معظم الناس بيتكلم بيها دلوقتي لاني بصراحه عمري عمري عمري ماقولتها خالص ولا حتي كانت في دماغي او في ضمن تعاملاتي اليوميه ولا كانت موجوده في مفردات الكلمات اللي بستخدمها بالمره بالنسبالي

هاحكي قصه قصيره كده و معلش للاطاله يعني

جاري (35 سنه) في العماره انتيخه محامي (40 - 37 سنه) و انا (27سنه) بصراحه اكن له كل التقدير و الاحترام لمعرفتي به و جاري دا اصلا انتيخي بردوا فعلطول باشوفهم سوا فبالتالي بقيت باشوفه كتير

و في حوار عقلاني لمناقشة المشكله القائمه حول الماده الثانيه فهمني الكلام اللي هاقوله دا

قال الاتي : انها مشكله احوال شخصيه بمعني ان الكنيسه بترفض حالات الطلاق الا اذا ثبتت عملية الزني و لكن هناك بعض الاخوه يريدون الطلاق هو الامر الذي يخالف مع الكنيسه فيذهبوا لمحكمة الاسره للنظر في موضوع الطلاق و بيحكم لهم بالطلاق و هو الامر الذي لا تعترف به الكنيسه عند معاودة الزواج مره اخري و هو الوضع الذي لاتقبله الكنيسه و هو انهم مطلقين امام محاكم لا تختص بالنظر في مسائل الاقباط و عليه انهم يطالبون بمثل هذه الاضافه للماده الثانيه علشان المحاكم تختص بالنظر في موضوع الطلاق ده و يبقي معترف من قبل الكنيسه

ياريت مناقشه مووضوعيه في الكلام اللي اتقال بدون المهاجمه من اجل المهاجمه و حد يوضحلي اذا كان في حاجه غلط كمان و علي فكره الموضوع ده تم طرحه و المناقشه قبل موضوع الاستفتاء دا مثلا اسبوع يعني يوم الاحد او الاثنين و لما لاقيت الموضوع اتفتح قولت اخش اقول اللي اعرفه

اسف للاطاله مره اخري