مواقف وطرائف ...فى بلاد الغربة

**PRO-DRIVE** · 12-04-2008 04:21 PM

^^^ او تهز الفنجان هههههههههه

والله ليا مواقف بالهبل بس متنفعش تتقال خاااالص :d

**hazem_khidr** · 12-04-2008 05:57 PM

كنت في الامارات من سنه 2003 ل 2007
المهم روحت مطعم لبناني(زهره الخليج في شارع السلام اخونا كاسبر اكيد يعرفه ) و بطلب مناقيش
كنت انا و واحد صاحبي
المهم لقيت صنف اسمه حرحوره
فبسأل العامل هناك ايه الحرحوره دي قالي عباره عن لحمه مفرومه و عليها بندوره !!!!!
فبسأله ايه البندوره دي لقيته بيبص بقرف و بيقولي يعني طماطم .
روحت انا سألته و بقوله طب عندك ارورمه .
فسألني ايه الااورمه دي
قولتله دا لحمه و عليها بصل و اوطا
فلقيته بيسأل و بيقولي اوطا؟؟ شو اوطا؟؟؟
روحت باصص له بقرف و قولتله يعني طماطم :p:p
و صاحبي واقف جنبي مات علي روحه من الضحك :D

**kemoelord** · 12-04-2008 06:35 PM

ههههههههههههههههههههههههه ههههههههههههههههههههههههه ه
هههههههههههههههه

**aif** · 12-04-2008 09:48 PM

انا كنت في السعودية بالتحديد في مكة من 1974 الي 1978
وكنت في اعدادي وقتها وكان فيه بقال تحت البيت اسمه سيد وانا كنت مرة مضايق منه قلتله " جاتك نيله "

فوجئت به بيقولي لأ لسة ما جت
طبعا انا بقيت مشفاهم حاجة ... يا جدع ده انا باشتمك
طلعت النيله عندهم هي زهرة الغسيل .. الزرقا بتاعتنا دي ... وافتكرني باسأله اذا كان عنده منها في المحل ولا لأ
....
....

واحد معرفتنا بقي كان رايح يشتغل في السعودية في الخبر ونازل من مصر معاه رقم التليفون بتاع الشركة والكلام دة كان في اوائل الثمانينات
واول ما نزل المطار راح علي التليفون ابو عملة واتصل بالشركة .. لكن سيادته كان المفروض يحط كود المنطقة وما يعرفش ... رد عليه رسالة مسجلة بتقول" هذا الرقم غير صحيح برجاء اعادة الاتصال .."
الراجل كان اول مرة يسمع رسالة من النوع ده .. ما كانش لسه فيه منها في مصر
ويكلم الراجل .. لو سمحت بس حضرتك رد عليه ... اصل انا لسة جاي من مصر وعاوز اكلم ال....
والخط يقطع ويطلب تاني ...
معلهش لو سمحت .. طب اطلبهم ازاي ...
وكانت فضيحة
وهو بيحكيلي الموضوع دة كان فات عليه اكتر من 12 سنة ويضحك عل نفسه بهيستيريا

**kemoelord** · 13-04-2008 01:02 AM

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههه
حلوة اوييي قصه السودان وطلع في الاخر العجله نايمه يا دين النبي ههههههههههههههههههههههههه هه

**eng_elnaggar** · 13-04-2008 01:52 AM

انا بقالي 5 أيام في مابوتو عاصمة موزمبيق وانا ماشي امبارح بالليل كنت رايح مطعم عشان اتعشى لقيت ييجي 3 بنات جايين عليا وعمالين يعملوا صوت بواسطة فمهم يعني "بوسة"... رحت واخد ديلي في سناني وجريت (جريت فعلا بدون مبالغة) وما وقفتش الا امام المطعم... بس نشفوا دمي ولاد....... الموزمبيقيات :)

النهارده بقى وانا قاعد في لوبي الفندق ... لقيت بنتين صغيرين (حوالي 6 سنين) بيلعبوا جنبي وبيجروا ورا بعض فقعدت اهزر معاهم وباتكلم معاهم انجليزي ... وبعد حوالي ربع ساعة من المحادثة بالانجليزي... طلع مني عفويا كلمة بالعربي... راحت بنوته منهم قالتلي "انت بتحكي عربي؟" واكتشفت انهم لبنانيين وابوهم بيشتغل في مابوتو..

**Mzeid** · 13-04-2008 02:02 AM

كنت مرة أنا و 3 صحابي في اليونان أول ما دخلنا الحمامات ملقيناش شطافات .. فكل واحد إعتمد إعتماداَ ذاتياَ على نفسه .. طبعاَ إنتو فاهمين ;)
مرة تانية كنا ماشيين في الشارع و غلطنا و عدينا و إشارة المشاة حمراء و كان في واحد معدي بعربية ... نزل علينا مطر شتايم .. باليوناني طبعاَ
مرة واحد من صحابي بيسأل واحد ماشي في الشارع فاكره يوناني على مكان فبيسأله بالإنجليزي فقال له كلمني عربي

**fahd_628** · 13-04-2008 02:08 AM

ههههههههههههههههههههههههه ههههههههههههههه

حرام عليكم يا جماعة انا مش قادر امسك نفسى من الضحك بالزات على الموقف دة

واحد معرفتنا بقي كان رايح يشتغل في السعودية في الخبر ونازل من مصر معاه رقم التليفون بتاع الشركة والكلام دة كان في اوائل الثمانينات
واول ما نزل المطار راح علي التليفون ابو عملة واتصل بالشركة .. لكن سيادته كان المفروض يحط كود المنطقة وما يعرفش ... رد عليه رسالة مسجلة بتقول" هذا الرقم غير صحيح برجاء اعادة الاتصال .."
الراجل كان اول مرة يسمع رسالة من النوع ده .. ما كانش لسه فيه منها في مصر
ويكلم الراجل .. لو سمحت بس حضرتك رد عليه ... اصل انا لسة جاي من مصر وعاوز اكلم ال....
والخط يقطع ويطلب تاني ...
معلهش لو سمحت .. طب اطلبهم ازاي ...
وكانت فضيحة
وهو بيحكيلي الموضوع دة كان فات عليه اكتر من 12 سنة ويضحك عل نفسه بهيستيريا

انا بجد قاعد اضحك بهستيريا :D :D :D :d :D :D :D :D :D :D مش قادر امسك نفسى :):):):):):):) ههههههههههههههههههههههههه ههههههههههههههههههههههههه هههههههه

ههههههههههههههههههههههههه ههههههههههههههههههههههههه هههههههه

ياريت تحكولنا المزيد من المواقف الجميلة دية

**حاتم سليم** · 13-04-2008 02:25 AM

أعزائى

الله يجازيكم كل خير

موتونى من الضحك... :D

سوف أقص عليكم قصة و لكنها ليست مضحكة !!

فى عام 1989 كان هناك ورشة عمل للتدريب على سوفت وير جديد فى عمان - الأردن

و كنا اثنان من كل بلد

كنتُ انا و سيدة فاضلة من مصر

و بعد و صولنا للفندق قررنا النزول الى وسط مدينة عمان لرؤية البلد

طبعا " احنا مش عارفين اى حاجه فى اى حاجه "

سألنا فى الريسبشن كيف ننزل الى وسط المدينه ؟

أجابوا بالاوتوبيس و المحطة امام الفندق او بالتاكسى

جاء الاتوبيس اولاً فركبنا و نزلنا فى وسط عمان

و اخذنا جولة حره عظيمه و قمنا بشراء بعض الاشياء

و رجعنا لمحطة الاتوبيس و كانت الساعة 11 مساءً

" و نستنى فى الاتوبيس - مافيش اتوبيس ! "

سألنا قالوا الاتوبيس اخره الساعة 10.30 مساءً

يانهار أغبر حنرجع الفندق ازاى ؟؟

و النقود المتبقية لا تكفى للتاكسى !!

و أثناء الحيرة الشديدة سألت شاباً اردنياً كيف نذهب للفندق بطريقة غير الاتوبيس او التاكسى

فسألنا " من وين انتم ؟ " اجبته من مصر

قال أهلاً و سهلاً اتفضلوا

و اخذنا و مشينا لبضعة دقائق و ركبنا ميكروباص زى الموجود فى مصر الان

و جلس بجوار السائق و دفع الاجره لنا

و عندما نزلنا قال سنركب ميكروباص اخر للفندق سالته كم دفعت لنا لأدفع له

فنظر لى نظرة عجيبة و قال " لما نوصل "

و ركبنا الميكروباص الاخر وبعد ربع ساعة نزلنا أمام الفندق و نزل معنا

شكرته جداً جداً و سألته " هو انت ساكن هنا ؟؟ "

قال لا قد اتيت معكم لاوصلكم الى المكان الذى تقصدونه !!!!!!!!!!!!!

و قال انه سيرجع كل هذا المشوار مرة اخرى ليذهب الى بيته

لم اصدق اُذنى واخرجت النقود لأدفع له ما دفعه لنا

فرفض غاضباً و قال

انت تايه فى بلدى واجب علىَ اوصلك للمكان الذى تريده

ثم قال السلام عليكم ... و ذهب ...

لا أنسى هذا الموقف أبداً

عافى الله هذا الشاب وحفظه من كل سوء ...

-

الموضوع: مواقف وطرائف ...فى بلاد الغربة

LinkBack

أدوات الموضوع

عرض

-

-

-

-

-

-

المواضيع المتشابهه

مواقف وطرائف .. السوزوكيه .. (متجدد)

مواقف وطرائف وكانت هتقلب بكوارث

مواقف وطرائف

مواقف وطرائف

مواقف وطرائف من المدارس

الكلمات الدلالية لهذا الموضوع

المفضلات

المفضلات

ضوابط المشاركة