السلام عليكم ورحمة الله

ازيكوا يا شباب

امبارح مكنش بس عيد الام لالالالالالالالالا دا عيد ميلاد زينب كمان
زينب عربيتى مششششششش حاجة تانية

21-3-2007 الساعة 11 ص كنت قدام عمارت العبور بستلم زينب من ابوها وكانت عاملة 69 كيلوووووووو
ياااااه 4 سنين عدوا هوا

بالمناسبة دى قولت لازم اعمل New look على خفيف لحسن تزعل منى ولا حاجة وانا مقدرش على زعلها.

قولت اعمل ايه اعمل ايه - عايز حاجة بسيطة بس تبقى شكلها لطيف.


وطلعت ف دماغى انى الون الطاسات

ونبدا على بركة الله

رفعت العربية 4 مرات وظهرى اتكسر عشان افك الطاسات - ومحدش يقولى روح للعجلاتى يرفعها فى دقتقين عشان حيقعد يسالى ليييييييييييييييييييييييي ه تشيلهم ويقرفنى - وبما انى مآمن بالمثل " ما حك ظهرك مثل ظفرك " توكلت على الله وفكيتهم فى زمن 40 دقيقة.

ارفع العربية – فك المسامير – خد الطاسة – اربط – نزل – قرط – شكرا.

تصدقوا شكل العربية من غير طاسات عجبنى (بما انى مش متعود عليها كدة ههههه)

طبعا الاتنين الى قدام لونهم اسود من جوة من رايش الفرامل وغسلتهم الاربعة ولون المية تقولش علبة خبر اسود HP – غسلتهم الاول بمياة بس فضل شوية حجات لزقة رحت مديها اريال يدوى مع فرشة ظبطت الاداء.

سبتهم ينشفوا فى الهواء الطلق واهو بالمرة اخد نفسى.

نزلت جبت الاسبراى دا – مكتب عليه لرش اجزاء السيارات – قولت يبقى كويس المفروض يستحمل وميكسفنيش.

فرشت جرايد وحطيت اول طاسة – دى صورة قبل.


وبعدين الرش كالتالى : الضغط مع الاستمرار والتحرك يمين شمال بالراحة لحاد ما اللون يغطى معظم الطاسة – وبعدين تاخد بالك من الفتحات ترشها من جوة.

ملحوظة وغلطة تم تداركها : بعد ما خلصت اول طبقة لقيت فى حتت صغيرة لسة متعملتش فبقيت ارش متقطع مما ادى الى ان الاسبراى بقى بيطرطش نقط مش اسبراى زى الاول – فا فى الباقى كانت عملية تدارك الحتت الناقصة هى بالرش المستمر (مشلش ايدى من على البتاع وادوسه تانى).

ودى صورة بعد اول طبقة.


وبعمل الباقى بنفس الطريقة.


نصيحة : اعمل الرش فى مكان جيد التهوية عشان الاسبراى ريحته تقيلة وممكن تخنق لو الهواء متجددش.الاسبراى بينشف على طول مبيخدش وقت.

حان وقت التركيب – طبعا مش قادر استنى الصبح رحت نازل ف الضلمة.

نفس طريقة الفك – نرفع العربية – نفك المسامير – نركب الطاسة – اربط – نزل – قرط – شكرا.

ودى صورة – مش واضحة اوى من الضلمة والشارع نوره اصفر.






ودى الصبح بس كنت مستعجل.





آخر ملحوظة : المفروض بيتعمل طبقتين الفاصل الزمنى بينهم 3 دقايق
بس اعمل الاول بس وخلص الاربع طاسات
لان الاسبراى كميته قليلة ( فى آخر طاسة بعد ما خلصت الاسبراى حلف يمين طلاق مهو منزل نقطة واحدة تانى )
فتبقى ضمنت على الاول ان الاربعة خدوا الطبقة الاولى



اتمنى الموضوع واللون يعجبكوا

وصلى اللهم وسلم وبارك على سيدنا محمد