سؤال عن مساعدين الفليشيا

**a_hejazy** · 22-03-2011 11:46 AM

السلام عاليكم
سؤال ياجماعه عن المساعدين كنت عند الميكانيكى من أسبوع وقالى المساعدين الأربعه عايزين يتغيرو لأن العربيه وشها واطى على الأرض ولما حد بيقعد ورا بتبقى واطيه قوى المهم الكلام ده كتير قالولى أن السوست هيا الى محتاجه تتغير لأن هيا الى بتتحكم فى موضوع ارتفاع او انخفاض العربيه
والى قالى على موضوع المساعدين ده واحد كان شغال فى التوكيل بتاع سكودا سنين وبيقولى انه حافظ وعارف كل حاجه عنها بحكم شغله فيها سنين ؟؟؟

رجاء النصحيه وشكرا

**EngAhmedSayed** · 22-03-2011 08:04 PM

المشاركة الأصلية كتبت بواسطة a_hejazy

السلام عاليكم
سؤال ياجماعه عن المساعدين كنت عند الميكانيكى من أسبوع وقالى المساعدين الأربعه عايزين يتغيرو لأن العربيه وشها واطى على الأرض ولما حد بيقعد ورا بتبقى واطيه قوى المهم الكلام ده كتير قالولى أن السوست هيا الى محتاجه تتغير لأن هيا الى بتتحكم فى موضوع ارتفاع او انخفاض العربيه
والى قالى على موضوع المساعدين ده واحد كان شغال فى التوكيل بتاع سكودا سنين وبيقولى انه حافظ وعارف كل حاجه عنها بحكم شغله فيها سنين ؟؟؟

رجاء النصحيه وشكرا

وعليكم السلام و رحمة الله و بركاته
اولا يا صديقى قلى يفتى فى الموضوع ده العفشجى مش الميكانيكى
ثانيا نعرف بس ايه وظيفة السوسته و المساعد
الاثنين و ظيفه واحده وهى امتصاص الصدمات بس مع اختلاف فى اتجاه الصدمات
السوسته بتمتص الصدمه من اسفل للاعلى
المساعد بيمتص الصدمه من اعلى للاسفل
هديلك مثال
حضرتك ماشى بالعربيه و دوست مثلا على مطب او طوبه ايه قلى هيحصل العجله هترتفع السوسته هتضغط على العربيه
انو هى ترتفع معاها يجى دور المساعد هنا انو يرجع العربيه لوضعها تانى و يحكمها ميخليهاش ترتفع و يعمل على رده تانى
طيب لو فرضنا انو مفيش مساعد و هى على سوسته لما تيجى تاخد المطب العربيه هترتفع و تنزل شويه و تطلع تانى و تنزل شويه هتيبقى عامله زى المرجيحه هو المقصود من القصه دى ايه
انو انتا حضرتك تحكم على العربيه بنفسك و تشوفها بعد ما تقرا الكلام ده
لانو تحديد العربيه
عاوزه مساعد او سوسته او بطاحه لازم يتم التعيين بالعين و الاحساس بالايد
نصيحه
عاوز تعرف المساعد يلازم التغيير او لا
لو المساعد رشح زيت و دى ممكن تكشف عليها بنفسك ارفع الكوتشه و شوفها بعينك كده فى اثار للزيت و له مفيش
لو فى زيت يبقى المساعد ده شكرا يتغير لو مفيش يبقى اكيد فى سبب تانى
راجع و انا معاك ياصديقى
بس اقرا الكلام ده كويس علشان تقدر تحددمشكلتك
و ان شاء الله تكون بسيطه و مفيش مشكله
جرب و انا متابع معاك باهتمام
وربك المستعان

**a_hejazy** · 23-03-2011 11:09 AM

المهندس أحمد شكرا على الشرح الوافى وفعلا أنا مكنتش فاهم الفرق مابينهم وانت ماشاء الله شرحك بسيط وسهل وبخصوص الشرح انا المساعدين عندى مش جايبه زيت لأنى بسيط عاليها من اسبوع تقريبا وعلى الطريق السريع فى مطبات الهواء بتبقى العربيه ثابته مش بتطلع وتنزل كذا مره بس المشكله عندى فى جنب ورا ساقط قوى فى الارض ووش العربيه كله نازل فى الارض عموما انا هروح لعفشجى يكشفلي عاليها وأنشاء الله تطلع حاجه بسيطه

**EngAhmedSayed** · 23-03-2011 06:15 PM

المشاركة الأصلية كتبت بواسطة a_hejazy

المهندس أحمد شكرا على الشرح الوافى وفعلا أنا مكنتش فاهم الفرق مابينهم وانت ماشاء الله شرحك بسيط وسهل وبخصوص الشرح انا المساعدين عندى مش جايبه زيت لأنى بسيط عاليها من اسبوع تقريبا وعلى الطريق السريع فى مطبات الهواء بتبقى العربيه ثابته مش بتطلع وتنزل كذا مره بس المشكله عندى فى جنب ورا ساقط قوى فى الارض ووش العربيه كله نازل فى الارض عموما انا هروح لعفشجى يكشفلي عاليها وان شاء الله تطلع حاجه بسيطه

الشكر لله يا صديقى
على ايه ده اقل واجب يا صديقى
يكفى انو انتا رايح للعفشجى فاهم القصه ايه
و انا فى الخدمه يا صديقى
و لو عاوز عفشجى كويس قولى كويس و انا بتعامل معاه