يبقى انت اكيد اكيد فى مصر

**waleedfadeel** · 22-03-2011 01:19 PM

لما تلاقى واحد واقف الساعة 7 الصبح بينظم المرور ومش مستنى حاجة فى المقابل

لما نجم الجيل يبقى عصام شرف مش تامر حسنى

لما رئيسوزراء دولة يصلى جنبك ع الرصيف

لما تسمع واحد فى الشارع بيقول تعدى اول دبابة تانى دبابة تالت دبابة تدخل يمين فى شمال

لما هدايا عيد الأم هذا العام تبقى سبراى سيلف ديفنس...صاعق كهربائى...مسدس صوت

لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه

لما الناس لسة لاقية تاكل فى بلد بتتنهب بقالها 30 سنة

لما أبوك يسيب أخبار التلفزيون ويجى يقولك شوفلى الناس بتقول إيه على تويتر

لما زمان كان عندى القدرة أتفرج على تلت ولا أربع ماتشات كورة ورا بعض و مزهقش...ودلوقتى أزهق من شوط واحد

لما الجيش يبعتلك مسجات أكتر من خطيبتك

لما الإخوان المسلمين يجتمعوا بالمجلس العسكرى, وأمن الدولة يصبح تنظيم محظور

لما أهلك يفتخروا بيك قدام الناس ويقولو ده مش بيقوم من عالفيس بوك

لما العالم كله يتابع السباق الرئاسى فى مصر كأنه إنتخابات أمريكا

لما نبقى طول عمرنا بنقول نفسنا نبقى زى أمريكا

وبعدين أوباما يطلع يقول نفسنا ولادنا يبقوا زى المصريين

يبقى انت اكيد اكيد فى مصر

**amado ibrahim** · 22-03-2011 01:24 PM

تحيا مصر أم الدنيا

و أبوها كمان

تقبل تحياتى

**mr_vampire** · 22-03-2011 01:26 PM

المشاركة الأصلية كتبت بواسطة waleedfadeel

.................................................. ..لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه

..........................

ههههههههههههههههههههههههه ههه

**cyborg_ift** · 22-03-2011 01:30 PM

مفيش صور.....

تحياتي للكلام الجميل

الموضوع: يبقى انت اكيد اكيد فى مصر