اشكرك استاذ otefa جدا بجد لتفهمك موقفى وردودك المحترمة ومفيش عتاب بين الاخوه
واؤكد لحضرتك ان مش كل الناس بتحب التحاور فى كل المواضيع وانا معرفش كل عضو مردش ليه انما انا اتكلمت عن نفسى وعن اللى حسيته اتجاه الموضوع واكيد اللى كان عنده كلام مفيد بيقوله واللى معندوش سكت فأنا مقدرش الوم حد لان دى معتقداتاته وشخصيته
واكيد لكل واحد فينا وجهة نظر بس بدون تجريح وانا صدقنى وربنا يعلم انى لما بحتاج نصيحة او فمشكلة فعربيتى بجرى على اخواتى اللى هنا ومش هقول مسلم وافرق بينى وبينه لا هقول اخويا لانى لما حد بيدخل ويحل مشكلتى مبيشوفش اذا كنت مسلم او مسيحى وصدقنى انا بحترم بجد المنتدى وكل اللى فيه وبحب كل الناس ونفسى بلدنا تكون جميلة بينا كلنا وربنا يبعد عننا الشر والفتن
اقتباس:
يعني حضراتكم - وشم بقصدك انت لانك رديت ومتاخر جدا لكن المهم انك رديت والسلام واعتذرت وثمنت موقفك هذا بشدة كما ثمنتم موقفنا حين كنا نرفض ونستنكر اي اعتداء على اي مسيحي في مصر - رفضتم الدخول والتعليق منعا للمشاكل لكن لما يكون فيه اي اعتداء مادي او معنوي واحنا بنعمل موضوعات ترفضه كنا غلطانين ؟؟؟؟؟؟؟؟؟؟؟؟؟؟؟؟؟؟؟؟؟؟؟
المفروض يا صديقي انكم تدخلوا الموضوع قبلنا وترفضوا ما جاء على لسان المدعو يوتا حتي نشعر انكم تشاركونا الاحترام كما نشارككم اما ان تكتفوا بالسكوت منعا للمشاكل فبصراحة حجة غير مقبولة
دكتور محمد تقبل تحياتى اولا من اخوك الصغير
حضرتك برضه متعرفش ظروف اى حد فى المنتدى وان ربنا العالم الواحد بيدخل النت كام مرة وان فيه ناس فضلت الصمت وناس زيي وغيرى اتكلمت واعتذرت وفيه عضو قال انه لسة فاتح وهكذا..اتمنى بس منكونش مستعجلين على النتيجة والردود وعموما حق الرد او السكوت دى حرية للفرد واتمنى تفهمنى بجد وتقدر موقفى
اقتباس:
كلنا بنتوقف وانا لسة راجع من ايقاف عادي ده شئ يرجع لادارة المنتدي وقوانين المنتدي
ومختفيين بدليل انك قلت ان الاعضاء النصاري دخلوا ولم يشاركوا
حضرتك انا اتوقفت وشىء انتهى وايا كان تعليقى انى مظلوم او لا فده شىء انتهى وبجد اكتر شىء اسعدنى فعودتى انى رجعت بيتى من تانى فوسطكوا..وجزئية الاختفاء انا شرحتها لحضرتك
اقتباس:
ما ده اللى بيعمله المسلمين من قبل الثورة ولا نجد الا التظاهر عند الكاتدرائية قبل الثورة وفي ماسبيرة بعد الثورة
ايا كان تظاهر فانا ضد اى تخريب او اذى لاى حد ماشى فامان واكيد حق التظاهر مكفول للجميع واكيد حضرتك اللى حصل من هدم الكنيسة دى حاجة محدش يرضاها ومش سهله ابدا ولكن اى تجاوزات من المتظاهرين شىء غير مسموح بيه
اقتباس:
واضح ان ليس كل النصاري مثلك
اشكرك
فى كل مكان وفكل طائفة نماذج جيده ونماذج سيئة واتمنى ان لا نعمم ابدا..واشكر حضرتك جداا
اقتباس:
المشكلة لما الاقلية تتجاوز ولا تكتفي بالحصول على حقوقها الطبيعية كافراد في وطن وتسعي لنيل اكثر من حقوقها بكثير تحت ادعاء تعرضها للاضطهاد والاستغاثة بامريكا وادعاء قتل الالاف في الشوارع واغتصاب التفيات وخطفهم ووووووووو وهناك نماذج كثيرة لذلك
عزيزى انت تعلم ان الاعلام السابق كان سيئا جدا وكان بيعمل لنشر الفتنة فبلاش نصدق كلام سابق وتهويل من الاعلام احنا مش حسينه مع بعض كاخوات بدون تفرقة
وربنا يوفقك وتقبل تحياتى