حد بقي بيوقف المخالفين عند حدهم بنفسه زي مانا باعمل و بيلاقي استجابة ؟

**Hegazio** · 22-03-2011 01:39 PM

يا جماعة انا مش ملاك و لكن اعتقد اني ملتزم الي حد كبير
باخالف احيانا .. تزيد سرعتي .. اتخطي من اليمين ( و ده غلط علي فكرة ) بس قانوني الشخصي .. المهم ما تأذيش او تربك او تخوف حد .. حتي لوكان إيه .. ماركنش قافل علي حد حتي لو بعد كيلو !
و لذلك لما باشوف حد بيخالف مخالفة سافره .. بيركبني ميت عفريت و لازم اكلمه او حتي احاول امنعه

بقيت مؤخرا بصراحة باعمل الموضوع ده كتير .. تقريبا يوميا .. اقف ف وش واحد ماشي عكسي .. امنع واحد يركن قافل علي حد بحجة .. ( 5 دقايق بس !!! )
طبعا كان بيحصل لي مشاكل كتير و مازال .. بس دلوقتي بالاقي ناس بتقف معايا و المخالف بيركب عربيته و يمشي

يا تري أنا لوحدي ؟!!!!!!!!!!!

**MOUSTAFA_SAAD** · 22-03-2011 02:14 PM

لا مش لوحدك بس ماتزودهاش اوى احسن

يعنى ميز الانسان اللى قدامك لو لقيته ابن ناس وشكله محترم بس الظروف او الاستعجال خلاه يخالف اتكلم معاه بالذوق غير كده

ابعد احسن الا لو انت عضلات يعنى يااما النتيجه تكون

**dr_radioooooo** · 22-03-2011 08:40 PM

من 10 ايام وانا فى العباسية كان فى مينى باص ماشى عاكسى بشكل مستفز وكان هيعمل حوادث بالهبل
المهم اتغزط و روحت عشان اعاتب السواق و اعتقد ان انتوا ممكن تستنتجوا باقى الحكاية

**ahmed_mido1889** · 22-03-2011 09:58 PM

حكايه اللي ماشيين عكسي

بقابله وش في وش

واستني كل اللي حواليا يعدوا مني

واتاكد ان مفيش حد جاي علي بعد كيلو

وابتدي اغير الحاره علشان اعديه

عملتها في واحد بتاع ميكروباص

بيقولي يعني هي رخامه

قولتله ما انا ما اكسرش علي واحد علشان انت جاي عكس

الاولويه للي ماشي صح

بتعمد اعمل كده لانه فاكر انه كده هيوفر وقت

لكن لما بكدره بوريله انها تقريبا نفس الوقت يبقي يمشي

زي بقيت مخاليق ربنا

**nicegypt** · 22-03-2011 10:11 PM

لا مش لوحدك .. بس المشكلة انها دايما بتنتهى معايا بخناق ومشدة كلامية وبارو مبحرمش .. اخدت على كدة .. دايما لاسانى دة مش عايز يدخل جوة طالما فية حاجة غلط .

**Mo.Kareem** · 22-03-2011 10:53 PM

فعلاً الموضوع بقى مستفز اوى ، لدرجة انى بقيت احس ان ده شيئ عادى الايام دى _ اى حد يلاقى الطريق واقف يروح من اقرب يوترن داخل فيه وماشى عكس وتلاقى وره ناس كتير ملاكى وميكروباص ومينى باص وعجل كمان ، وللاسف بيمشوا وشيفيان انهم صح مش غلط

**Hegazio** · 23-03-2011 09:12 AM

انا عموما باعمل كده كتير من ساعة ما الثورة قامت زي ما قلت مهما كان حجم اللي قدامي او حجم عربيته .. و ربنا بيستر
صدقني .. ربنا بيستر .. و الناس بتقف معاك .. ياريت نقف ف وش التخلف لحد ما الأمور تظبط

**yoko** · 23-03-2011 02:37 PM

انا بقى واحد هزقني عشان وقفت أقل من دقيقة عشان واحد بيطلع من الركنة وأنا هدخل مكانة ومدي إنتظار والشارع حارة واحده يعني ضيق جدا ميخدش فيزبا حتى جمب العربيه!!! وده مصر إني أحضن عشان هو يعدي وهزقني ومشي بعدها ب5 دقايق داخل المحل لقيته راكن قدام على الصنيه (ناحيه الصانيه كمان مش الناحيه التانيه!!!!!!!)

-

-

الموضوع: حد بقي بيوقف المخالفين عند حدهم بنفسه زي مانا باعمل و بيلاقي استجابة ؟

LinkBack

أدوات الموضوع

عرض

حد بقي بيوقف المخالفين عند حدهم بنفسه زي مانا باعمل و بيلاقي استجابة ؟ - انشر الموضوع فى :

-

-

-

-

-

-

المواضيع المتشابهه

إلي يعجبه .. يعمل زي مانا عملت

بانصف العربية و باعمل اللى فيها

من اليوم : مرور الجيزة تبدأ عقوبات رادعة ضد المخالفين

انا باعمل مقارنه مابين الافضل السياره هيونداى فيرن

الكلمات الدلالية لهذا الموضوع

المفضلات

المفضلات

ضوابط المشاركة