السلام عليكم ورحمة الله وبركاته
اريد رايكم يا جماعة بكل امانة و صدق فى سيارة ستروين اكسارا 2001
منتظر الرد سريعا
هى اكسارا 1 مش 2
عاوز اعرف رايكم فى قطع غيارها هل غالية ولا لا يعنى لو هنقارنها بالفورد
وكمان الميكانيكة بتاعتها ممكن اى ميكانيكى يشتغل فيها ولا لازم واحد متخصص؟
ايضا هل مستهلكة اوى للبنزين ولا ايه؟
و هل قطع غيارها متوفرة ام هدوخ عليها؟
وتساوى كام بالظبط لو حالتها كويسة
وكمان فيها دى فى دى؟
فين الردود يا جماعة ورايكم؟
اخي العزيز
الاكسارا من العربيات المحترمة جدااااااااااااااا
اولا : قطع الغيار موجودة بس عند اسماء محلات بعينها واسعارها معقوله
ثانيا : استهلاك البنزين معقول جدااااااا بالنسبة لعربية 1600 سي سي.
ثالثا :الميكا نيكا ممكن اي حد يشتغل فيها للحجات البسيطة بس يستحسن يكون متحصص .
العربية ثابتها مالوش حل رائع.
التكيف مش بيأثر علي اداء العربية بشكل كبير
اهم حاجة تكشف علي العربية كويس ويكون حد متخصص استروين ويفضل التوكيل
لان كشف البنزينة هيكشف علي اساسيات العربية بس
لكن التوكيل هيكشفوا علي كل حاجة وسعتها هتقدر تحدد هتصرف معاك كام.
عربية محترمة جدا انا لسة بايعها امبارح وكانت 2001 برضة
اهم حاجة تكشف عليها كويس وتشوف اذا كان فيها مشاكل جامدة ولا لا
استهلاكها للبنزين مناسب جدا وقطع غيارها اقل من الفورد اكيد وهاتلاقي كل حاجة ليها في الحرفين عند العسكري او رفيق وبرضة حاجتها موجودة في التوفيقية
ربنا يوفك
العربية ممتازة واكساارا 1 قطع غيارها ارخص من اكسارا2 واكيد ارخص من الفورد برضه، يفضل مبكانيكي بيفهم فيها وممكن اقولك على كذا واحد ، المهم تكشف عليها كويس وممكن تروح لايهاب جلال فى المعادى وانا ممكن اروح معاك
استهلاك البنزين كويس بالنسبة لعربية 1600
قطع الغيار موجودة اصلى واستعمال فى موضوع مجمع الناس اللى بتشتغل فى قطع غيارها هيفيدك
الاسعار انا مش متابع قوى بس متهيالى الحالة الكويس 40 بس نصيحى اوعى تسترخص، وما تسمعش حكاية الباور عايزله 75 جنيه والتكييف مش محتاج غير شحن والكلام ده ، تكشف على العربية كويس وتعرف لو فى حاجة هتتكلف كام
هى عربية كويسة جدا وعمرك ما هتلاقى عربية موديل 2001 فى سعرها
من الاخر كده احسن عربية فى الفئة دى فى الموديل ده بالسعر ده
السلام عليكم ورحمة الله وبركاتة
[/overline]يا جماعة انا عندى ستروين اكسارا 2001 وعرضها للبيع لو فى حد مهتم دا رقمى 0102102931
عربيه ممتازه سواء 1 او 2
قطع الغيار متوفره جديده و استعمال و الجديد منه الاصلي و السوق الاوربيه و التركي و الاسباني و الصيني
اي ميكانيكي كويس يشتغل فيها و اي كهربائي كويس و عنده كمبيوتر يشتغل فيها
مش زي ما كان بيتئال زمان عربيه معقده و محدش بيصلحها و قطع الغيار غاليه
انا معايا اكسارا2 موديل 2002 في الاول اتنصب عليه كتير لغايه لما عرفت كل خبايا القصه و طلعت الحكايه مش مستاهله زيها زي اي عربيه نضيفه
بجد مش حتندم انا جيباها من سنه تقريبآ و كان فيها شويه عيوب بس لما اتصلحت عرفت بقيمتها
نصيحه قطع الغيار الاصليه تفرق كتير و لو ظبط العربيه كويس من الاول حترتاح بعد كده و متشلش همها
لو احتجت اي حاجه انا في الخدمه
يا ريت ترفعلنا صور للعربية ومطلوب فيها كام؟