الموضوع: المساعده دايوليجانزا ضرورى

المشاركة الأصلية كتبت بواسطة ahmed1_com

كنت عايز استفسر عن دايو ليجانزا موديل 99 قطع غيارها ايه وموجوده فين وانا مش لاقى اى رابط فى اسعار قطع غيار ليها وكمان تعملها كام دلوقتى وموضع البنزين وشكرا

بص يا استاذى لو عايز قطع غيار جديدة فى محل المنير بأول شارع فيصل و فيه ابو الحسن فى بين السرايات و الخواجة فى شارع البحر الاعظم و اكيد فيه فى الحرفيين
و ان كنت عايز قطع غيار مستعملة استيراد هتلاقيها فى شارع المساكن فى فيصل و عند سوسو اللى فى المريوطية و اكيد برده فى الحرفيين
و ممكن باقى الاخوة يقولولك على اماكن اخرى لقطع الغيار
اما بالنسبة لسؤالك عن قطع غيارها ايه ,فهى نفسها بالنسبة الى اى عربية يعنى زى الحساسات و الخراطيم و السيور و طرمبة البنزين و طرمبة الميه عادى و ان شاء الله ان كنت ناوى على واحدة ماتقلقش بالنسبة لقطع غيارها فأسعارها قريبة من النوبيرا و متوفرة
و ربنا يبعد عنك الاعطال و يباركلك فيها
استهلاك البنزين عادى تقريبا زى النوبيرا و فى المسافات الطوالى بتعمل فى المتوسط 250 الى 280 كم فى ال 20 لتر يعنى مش زى ما الناس فاكرة انها غول بنزين علشان 2000 سي سي
اما السعر فحسب الحالة و عادة و لا اتوماتيك
بس كعربية و وسع و ثبات فهى كما يطلق عليها مرسيدس الدايو عن جدارة
لو امكن سؤال و لو مفيهاش احراج ليك ممكن اعرف هى معروضة عليك على كام

الليجانزا تعتبر احسن عربيه دايو فول اوبشن وموتور قوى 134 حصان 2000 سى سى استهلاكه زى اى عربيه 1600 سى سى جديده وقطع غيارها رخصيه جدا زى مثيلاتها النوبيرا والانوس