اول حادثة باللانوس ولا حول ولا قوة الا بالله
والحمدلله على كل حال, من ساعة واحدة عملت اول حادثة باللانوس ولكن جت بسيطة تقريبا ولله الحمد ....
كنت نازل اجيب حاجات للبيت من السوبر ماركت وانا ماشى فى امان الله وامامى عربية 3/4 نقل, عيل بموتسيكل ماشى فى زفة وقف مرة واحدة امام بتاع النقل فبالتالى بتاع النقل وقف مرة واحدة ويشاء السميع العليم ان يبقا تحت العربية ماء او ما شابه فىالعربية تتزحلق شوية وتدخل فى النقل, وطبعا نزلت ابص لقيت الكبوت اتعوج لجوة وطبعا برز من النصف ولكن كل الاكسسوارات سلية والحمدلله ومن الواضح ان الشنب ايضا سليم ولكن السؤال الان هل ينفع كبوت اللانوس يترد ولا فيه عضم ؟؟؟؟
ويا ترى لو حد يعرف سعر الكابوت الاستيراد كام فى القاهرة ؟؟؟؟
وربنا يكفينا ويكفيكم شر الطريق وينجينا جميعا اللهم امين.