واحد خبطني وجري... اعمل ايه؟؟؟
مساء الخير وكل سنة وانتو طيبين
مش هطول عليكو
كنت ماشي في جسر السويس وقدامي على اليمين ميكروباص الترامكو الزفت ده
طبعا انا جاي من شمالو وجاي سريع وهو ماشي بيتدلع
فجئة اول ماشافني جاي بسرعة راح كاسر عليا واكنو عامل كدة قصد علشان يخبطني وعلى شمالي الرصيف
المهم خبطني في الناحية اليمين و دخلني في الرصيف بالعجلة الشمال
الخساير
-حكة في الباب الامامي يمين
-حكي في الرفرف
-حكة في الاكصدام
والعجلة الشمال قدام دخلت في الرصيف واكيد اتضررت
المهم كعادة اي سواق ميكروباص متسول
نزل يقولي انت اللي غلطان وانت اللي جاي من الشمال في حد يجي من الشمال يا باشمهندس
المهم الخناقة وصلت انو بيقولي ملكش حاجة عندي وانت اللي غلطان وطبعا الشعب المصري الاصيل مع سواق الميكروباص المطحون ضد الشاب المرفه اللي بابا جايبلو عربية وبيخبط في الناس
المهم خدت رقم عربيتو وعايز اروح اعمل محضر انو خبطني وجري بس قلقان طبعا ان ممكن ميجيليش حقي ولا اعرف اخدو اصلا
ايه رايك ياترى فيه امل ان الشرطة تجيب حقي ولا هضيع وقتي على الفاضي ولا استخدم الخطة البديلة وهي (الكمين) خصوصا انو خط المطرية -عباس
ايه رايكوو؟؟