الموضوع: فرش جلد للماتريكس

بص هوا شارع دمشق مليان و مفيش حاجه محدده .. الله يرحمه الفرسان كار ماركت كان عنده حاجات كويسه .. بس في تجربه خاصه كنت عايز أقول لك عليها ... أنا أول ماشتريت العربيه رحت ركبتلها فرش جلد علي طول .. الفرش اللي أنا ركبته كان بيتخيط في الكرسي و بيتدبس فيه .. و كان غالي والله .. كان ب 500 جنيه , ما علينا .. المهم كان فعلا فخم و شكله حلو , بس اللي حصل بعد كده حاجه غريبه ,
لقيت كرسي السواق بعد سنه الظهر بتاعه بدأ يبقي فيه بوش , انت فاهمني يعني لما تمسك ضهر الكرسي و تحاول تحركه تلاقيه بيروح ورا و قدام معاك بشكل ملحوظ و غير الطبيعي , رحت للهياكل و كنت لسه في الضمان , الفني السروجي اللي جوه في الورشه عشان صاحبي قالي الفرش السبب و بوظ مكنة الكرسي و روح اخلعه و تعالي تاني عشان مايتكلموش معاك علي الضمان , و فعلا رحت خلعته و رجعت تاني و المهندسين بقوا واقفين يستغربوا ان ازاي مكنة الكرسي باظت و يحلفوا انها أول عربيه يشوفوا فيه المشكله دي , ما هما مش عارفين اللي فيها !!! اكتشفوا ان مكنة الكرسي ملحومه في شاسيه الكرسي يعني لازم شاسيه الكرسي كله يتغير , و بما انها أول مشكله من نوعها فا ماكنش عندهم شاسيه كرسي في المخازن , بعتوا جابوه من كوريا بأوردر مخصوص و وصل الشاسيه بعد اسبوع و غيروه علي حساب الضمان و مادفعتش ولا مليم , مع ان الفرش السبب مش عيب صناعه ولا حاجه , فا اللي أنا أقصد أقوله ان كنت هاتجيب فرش فا يا دوبك هات كسوه خفيفه من اللي هي مش بتتخيط ولا بتدبس في الكرسي , يعني بس بحتة سوسته كده عشان لما تزهق منه تخلعه و ترميه و عشان ما يحصلش معاك اللي حصل معايا ...
تحياتي لك ...

انا ركبت فرش جلد هايل كنت جايبه من على رضا ب 550 جنيه

الف شكر علي النصيحه.
طب انا جبت ماتركس 2008 و عاوز اروشها جوه و بره.ممكن حد يقولي اعملها ايه.
و ايه رايكو في الماتريكس عامه.

المشاركة الأصلية كتبت بواسطة ahmedkoko

عاوز اجيب فرش جلد للماتريكس.حد عنده فكره اجيبه منين لو سمحتوا

انا لسة مركب فرش جلد فى اسبيركار اللى جنب وزارة الدخلية ممتاز و خامات جيدة و عامل فرش مخصوص تفصيل للماتريكس بيركب تمام و تفتكره بتاعها و ان شاء الله مش هيعدى ال 300 جنية .

ماتريكس

اولا الفرش
ثانيا الجنوط (بس حاول تركب نفس المقاس عشان تخافظ على العربية)
ثالثا كاسيت Cd محترم
وبلاش الديفيندرات عشان بتأثر على الشاسيه
وممكن زينون بس في الفوجات