عايز احط بنزين 80 بدل 90 وخايف عايز النصيحه من فضلكم والمميزات والعيوب
عرض للطباعة
عايز احط بنزين 80 بدل 90 وخايف عايز النصيحه من فضلكم والمميزات والعيوب
انا بحط 80 بقالي 6 شهور
بس ف حاجه مش تمام ملاحظه
لما تكون العربيه محمله بيكون كأنها مش قادره تتطلع اي مطلع و بطيئه جدا و ناقص تسقف كمان و ساعات تسقف
حتي لما اجي اطلع بالعربيه من الثبات احسها كانها تقيله و محاجه دوسه بنزين اكتر و اسيب الدبرياج ابطأ مش من لما محمله
مش عارف عيب بنزين لا عايزه ظبط كهرباء
بس انا لما اشتريتها كنت بحط 92 و كان ساعات يركب فيها 5 و كانت طياره لوقتي شلاني
فمستني رائي خبراء الماروتي
بص حضرتك انا بحط 80 فى الاكسيل 1500 سى سى ومش بشتكى منه خالص و مفيش مشكلة وكمان بقدر اخلى العربية متسقفش ودى هتتعودها لو حطيت بنزين 80 لمحرك نسبة انضغاطه اعلى
وبرضه ملاك الماروتى يفيدوك اكتر وفرق تفويلة 45 لتر ب 40.50 وتفويلة بنزين 90 اللى بتوصل ل 67 جنيه
حضرتك شوف الفرق يستاهل ولا لا
يستاهل طبعا
انا هنا بفول ب 20 جنيه و هناك بدفع 45 جنيه و انا بتحرك كتير ف اضرب ف 6 ف الشهر و لا حاجه و لسه طالب
طيب هوا المشطله فيا محتاجه تعود ع لب 80 و لا العربيه محتاجه ظبط كهربا مثلا؟؟
و ممكن تكون دوره التبريد عايزه تتغسل و تتغير المياه بتاعتها عشان بلاحظ انها بتسخن و المروحه تشتغل كزا مره و بعدها تتبرجل بقي و يبيقي عارف لما تجري و قلبك يدق هيا بتكون كده بيكون و انا واقف فيها رجه كده كان ليها قلب و بيده من الاجهاد
حد فهمني؟؟
السلام عليكم
انا الماروتى بقالها معايا سنة و مش بحط غير بنزين 80 و الدنيا كويسة معايا بس هو طبعا معروف ان سحب العربية بيقل مع بنزين 80 و على العكس السحب بيزيد كتير مع بنزين 90 و 92
و بصراحة يعنى الموضوع موضوع تعود
يعنى مع بنزين 80 هتحتاج تدوس سنه زيادة على البنزين و العربية هتاخد وقت أطول للتسارع و لكن مع التعود هتحس ان دا طبيعى
يعنى انا حصل عكس موقفك
انا متعود على البنزين ال 80 و ايام الثورة اللى فاتت مكنش فيه البنزين ال 80 فى المحطه فأتضريت احط بنزين 90 و عايز اقولك انى كنت هعمل حادث اكتر من مرة لأنى متعود على دوسة رجلى على البنزين مع ال 80 فلما حطيت ال 90 اصلا العربية بقت طيارة و كمان مع دوسة رجلى اللى متعودة على ال 80 كان الموضوع كارثى
لو هتحط بنزين 80 آخر سبراتير العربية شوية علشان متسقفش ، ومتسيبش التانك يفضى علشان الشوائب متسدش الفلتر والبيكات، وقم باضافة منظف كاربراتير الى البنزين مرة كل 5 آلاف كيلومتر وعود نفسك ان سحب العربية هيبقى اضعف شوية
معلش يابشمهندس ايه اسمه دة واجيبه منين واضيفه فى تنك بنزين ولا فين معلش؟
غير سعات كتير تنزق وتنك بكيون ع الاخر كتير للاسف ايه مفروض اعمله دلوقتى وايه بيكات دي تتنظف ولا تتغير ولا ايه
مفروض انى هغير فلتر ع 40الف يعنى امامي 3الف ع تغير استناهم ولا اغير وشكرا
بيتحط كل اد ايه؟؟؟؟