غسيل متور اللانوس ؟!

**BomBom** · 11-04-2008 11:17 PM

من يومين غسلت ماتور عربيتي اللانوس في بنزينة كالتكس من ضمن الغسيل الشامل للعربية من جوه و برة ، و بصراحة انا كنت متردد في غسيل ماتور العربية ، بس وافقت على الغسيل بعد ما اكدلي العامل بالبنزينة انه مافيش اي ضرر على ما تور اللانوس من الغسيل ، و الحقيقة العربية بعد الغسيل دارت على طول من المحطة لحد البيت ( حوالي 40 كيلو ) بدون مشاكل ، بس المشكلة تاني يوم الصبح العربية مابتدورش فيترى هل السبب غسيل الماتور و لا يمكن يكون سبب تاني؟

**ahmedsrs** · 12-04-2008 01:14 AM

المواتير الجديدة يفضل لها استعمال الفوم ودى علبة 25 جنيه بتتباع فى محطات البنزين

**islamkhidr** · 12-04-2008 02:10 AM

ممكن توضح هية مش بتدور اذاى ؟؟

يعنى فى صوت فى الموتور بيلف معاك ولا شحن البطارية ضعيف

ممكن تكون البطارية نامت مش أكتر

**MEDO80** · 12-04-2008 02:14 AM

ما دام الموتور دار بعد الغسيل و نشف خلاص يبقي كانك ما غسلتهوش اصلا
لان الخوف بيكون من ان المياه يجي علي الكهربة او الكارتة او الوصلا و عمل قافلة او ماس او دا ما دام دارت و عملت كيلومترات و نشفت خلاص يا سيدي مفيش مشكلة

**BomBom** · 12-04-2008 08:54 PM

انا كشفت على العربية عند مكانيكي و طلع ان المشكلة في طلمبة البنزين.

**kemoelord** · 12-04-2008 10:15 PM

طيب الحمد لله ان حضرتك عرفت العيب هو انا الصراحه عملت كده وغسلت ماتور اللانوس وطلع كمان الراجل غاسله بالماء وما كنت اعرف ساعتها ان الماء غلط على كهرباء العربيه وكده وبالفعل لاقيت الاعراض التاليه بعد الغسيل ( السنتر لوك والانذار مش شغالين , نور التابلوة كان بيعلق ) فبعد كده هحرم اغسل الماتور تاني بالماء :d

**amrnour_d** · 13-04-2008 09:53 AM

طب لما أحب اغسل الماتور أعمل أية بالظبط ؟

**saifsaadmohamed** · 17-04-2008 01:48 AM

طب لما أحب اغسل الماتور أعمل أية بالظبط ؟

**islamkhidr** · 17-04-2008 02:19 AM

المشاركة الأصلية كتبت بواسطة saifsaadmohamed

طب لما أحب اغسل الماتور أعمل أية بالظبط ؟

لازم تحط كيسة بلاستيك على الموبينة وعلى الاسبارتير اللى طالع منة كبلات البوجيهات وعلى علبة

الفيوزات ، وكمان قبل ما تروح البنزينة علشان تغسل إتأكد من أن كل الوصلات الكهربائية والضفاير

اللى موجودة فى الكبوت متغطية وإذا كانت فى وصلات مش متغطية لفها بـ شيكارتون كهربا من اليابانى

علشان اللزق بتاعة أقوى من العادى وهاتة لونة إسود علشان يبقى ماشى مع لون الضفاير

و إن شاء الله مش هايحصل حاجة

**ahmedsrs** · 17-04-2008 03:48 AM

هات الفوم ومتغلبش نفسك وهو مفهوش اى مشاكل

الموضوع: غسيل متور اللانوس ؟!

LinkBack

أدوات الموضوع

عرض

-

-

-

-

المواضيع المتشابهه

متور مساحات fsv

متور الالنترا هو متور النوبيرا

غسيل العربية اللانوس

استخدام التنر فى غسيل موتور اللانوس

سؤال عن غسيل عفشة و متور الاكسنت

الكلمات الدلالية لهذا الموضوع

المفضلات

المفضلات

ضوابط المشاركة