السلام عليكم .. العربية الحمد لله كملت 80 الف كيلو و كنت عايز اعرف ايه الحاجات المفروض تغيرها في الصيانة دي ؟؟
عرض للطباعة
السلام عليكم .. العربية الحمد لله كملت 80 الف كيلو و كنت عايز اعرف ايه الحاجات المفروض تغيرها في الصيانة دي ؟؟
نفس الحاجات بتاعت صيانة ال40 الف + طلمبة مية
MMamdouh
يا باشا ربنا يخليك بس معلش لو تديني شوية تفاصيل عشان صيانة ال40 دي عملتها في التوكيل و معرفش غيروا ايه ولا عملوا ايه... و ياريت لو اعرف ماركات الحاجات اللصلي النضبفو و بتتجاب منين و سامحني اني بطول ..
سير كاتينه + بليه كاتينه
فلتر بنزين
فلتر هواء
زيت + فلتر
سير تكييف
بوجيهات + اختبار سلوك البوجيهات
تيل الفرامل
و لو فى حاجه نسيتها ياريت الاعضاء يذكروها
و بالنسبه للاسعار ممكن تلاقيها فى اهم موضوعات القسم
صيانة ال40 بيتغير فيها الاتى:
سير تكييف... اصلى او كورى مش فارقة كتير و السعر حوالى 15 الى 20 جنية
سير دينامو... اصلى او جيتس و بيعمل حوالى 25
سير كاتينة... جيتس او جوديير او دايكو و السعر من 35 الى 40 جنية
شداد كاتينة... هات الاصلى و دة بيعمل 150 جنية
فلتر هوا... اصلى او كورى فى حدود 25 الى 30
فلتر بنزين... اصلى ب 40 تقريبا
طقم بوجيهات NGK ب 35 جنية
زيت محرك... هات اللى يعجبك بس يفضل يكون تخليقى
فلتر زيت... الاصلى ب 20 و الMAHLI ب15
مية تبريد... يفضل تجيب الاسبانى... الجركن ال5 لتر ب 25 جنية
صيانة ال80 هى هى مع اضافة طلمبة مية... فيه ايطالى و اسبانى فى حدود 125 و الاصلى تقل عن كدة حاجة بسيطة
قد تحتاج مع الصيانة دى تغيير تيل فرامل... الاصلى ب 130 و الجولد بحوالى 50 و قد تحتاج طقم سلوك بوجيهات... الاصلى ب 130 و الكورى بحوالى 45 جنية
MMamdouh
مشكورين
ان شاء الله اعمل الصيانه و اتابعكو في المنتدى .. و شكرا لكل اللي رد في الموضوع و شكر خاص لخبيرنا أ محمد ممدوح