تفسى اركب عربية يابانى معمرة (نيسان تيدا ولا لنسر بومة)

**ayman1204** · 13-09-2011 07:45 AM

التيدا حلوة

**IronHead** · 13-09-2011 11:37 AM

المقارنة صعبة نسبيا مبين الاتنين
الانسر تكسب فى نقطة وسع الصالون والشنطة (عائلية اكتر) وسعر اعادة البيع والتقفيل اليابانى
والتيدا تكسب فى الشكل الخارجى والتابلوه عشان الانسر بوما تصميم قديم من 2004

**Egy_fan** · 13-09-2011 12:03 PM

لانسر اداء و عمر اطول و قطع غيار ارخص . تيدا شكل احدث

**szaalouk** · 13-09-2011 01:04 PM

شوف يا سيدي علي الرغم من انا راكب لانسر 1600 رياضيه من 2005 حتي الآن و هي بسم الله ماشاء الله عربيه محترمه جدا جدا جدا الا اني بانصح بالتيدا من ناحيه نعومه القياده و راحه الصالون و وسع الشنطة ( تيدا سيدان ) و توكيل محترم و واقف جنبك زي الأسد لكن عيبها الوحيد سعرها بيقع زياده شويه عن اللانسر في السوق عند البيع مستعمله .
بعد كده الثبات : اللانسر اعلي عند السرعات العاليه 140 كم / ساعه فما فوق و الملفات علي سرعه .
توافر قطع الغيار : اللانسر متوفر اكتر شويه لكن التيدا كمان اصبحت مش قليله في السوق .
نعومه العفشه و التعليق : التيدا تتفوق بمراحل .
السحب : التيدا موتورها جبار و سحبها رائع و اهم حاجه صوت الموتور هادي لكن اللانسر صوته بيعلي جامد بعد 3500 rpm
و في النهايه العربيتين محترمين جدا وحقيقي المقارنه بينهم مش سهله .

اتعشم اكون افدتك في حدود معلوماتي المتواضعه و ارجو لك ربنا يوفقك و كل خير في الاختيار .

**solid_khaled** · 13-09-2011 01:09 PM

زود 15 الف وجيب مازدا 3 احسن من الاثنين :)

**hfekry** · 13-09-2011 03:30 PM

ارشحلك البومه

**M.Alaa92** · 13-09-2011 04:05 PM

انا راى انزل معرض و اركب التيدا و اركب الانسر شوف انت مرتاح لاية الفرق بينهم مش كبير من ناحية الاعتمادية و قطع الغيار

**ramykimo** · 16-09-2011 02:26 AM

يا جماعة ياريت راى الناس اللى ركبيت التيدااا

**medo111** · 19-09-2011 03:07 PM

انا ليا تجربه مع صني 2003 يباني العربيه ناعمه جدا قليله في الاعطال جدا جدا جدا انا معرفش النيسان التقفيل المصري والتركي زي الياباني ولا لا بس ال اقدر اقوله الفرق شاسع بين صني 2003 و(2009.2010.2008) التقفيل المصري يعني من الاخر الموضوع مش موضوع تقفيل بجد الصني الجديده متحسش ان ليها اي علاقه بالصني القديمه القديمه احلي بكتيير جدا انا صحبي كان معاه 2003 وجاب 2008 بجد فرق شاسع 2008 حرام يتقال عليها نيسان

**medo_msmsa** · 19-09-2011 03:37 PM

لو بتقارن على مبدأ انها تبقي معمرة يبقي تيدا بدون أي وجه مقارنة مع البومة
عن تجربة التيدا عربية تقريبا مبتبظش تلاقي حالتها متهانة جامد بس لما تركب تلاقيها ماسكة نفسها
ماتورها ملوش صوت وعزلها افضل من البومة واشيك من جوة + الخامات افضل واستهلاك بنزين افضل بفرق ملحوظ
عن تجربة تيدا وانت مغمض