صباح الخير
على الصبح كده و انا رايح الشغل و بوصل المدام واقف فى تقاطع فى مكرم عبيد و جنبى عربيه ملاكى و التانيه نص نقل عند مفكوحلوان كده
المهم العسكرى موقف الطريق و كلنا واقفين محترمين العسكرى يجى بقى سواق النص نقل بكل حلاوه كده عاوز يطلع و العسكرى يقوله اقف الطريق ماشى لحد ما طلع بنص عربيه فى الطريق و كان هيدخل فيه تاكسى ماسى فى طريقه بسبب ان سواق النص نقل عاوز يمشى برضو قولت مابدهاش لازم تعرفه ادبه روحت بعد ما الطريق فتح لينا جيب جنبه اوقله غلط اللى انت بتعمله ده اتارى الاستاذ سرحان خالص لانه بيتكلم مع اللى جنبه و كان هيدخل فى جنبى الشمال لحقت نفسى بس الحمد لله ظبطلى الرفرف الخلفى اداله حضن كبير مش بوسه :)
طبعا ركنا على جنب و هو نازل يزعق و يقولى انت غلطان و الكلام ده و انا بقوله يعم مش مشكله العربيه بتاعتى انت عربيتك سليمه و الحمد لله انت ليه مش عاوز تسمع كلام العسكرى ولا علشان هو غلبان قالى هو فين العسكرى ده و طبعا صوته على
انا قولت معايا مراتى يعم اقصر الشر و هو شكله فى شركه قريبه من مكرم عبيد اكيد هشوفوا تانى
وديت مراتى شغلها و انا راجع دورت عليه لحد ما لقيته بياكل على عربيه فول :) دخلت عليه و بقوله مش تجيبلى طبق انا كمان اصلى جعان و من هنا بدائنا حديث جديد
الراجل فى الطراوه بيحلف ان ماشفش العسكرى
فقولتله سيبك من العسكرى الطريق كان ماشى لصالح العربيات اللى فى الشارع الرئيسى انت مصمم تقطع عليهم بطريقه صعبه قوى برغم ان بعد التاكسى الشارع كان فاضى جدا و تقدر تمشى برحتك
و قعدت افهم اننا لازم نحترم بعض و نستحمل بعض و هو بيهز فى دماغه و فى الاخر جبت طبق فول و مشيت من جنبه
قام جاى جنبى تانى و قالى معلش انا حسبتها مع نفسى و قولت لازم نخلى بالنا من بعض :shyy: قولتله الله ينور عليك و يعم انا غلطان لو حدفت عليه او جيت جنبك بس متزعلش منى و هو شرحه و الحمد لله عدى الموقف على خير
بس عزيز اتعورت فى الرفرف:10_9_133:
