فين طلعة الدائري من الرماية للمعادي بدون طلوع الدائري من المريوطية ولا من المنصورية

**egypttoc** · 23-03-2011 01:03 PM

سلام عليكم

في وقت رجوع شغلي بيكون شارع الهرم و المنصورية واقفين خالص و باخد فيهم ساعه و المريوطية طريقة بيصلحوة و واقف برضة

و انا راجع باخد الدائري من المعادي و اكمل علي الشمال بعد نزلة المريوطيةظالمنصورية و اروح الرماية من اخر الطريق الدائري عند اسكندرية الصحراوي
لكن مش عارف اطلعه منين بنفس الشكل علشان اروح من الرماية للمعادي بدون طلوع الدائري من المريوطية ولا من المنصورية

اسف للاطالة و اشكركم

**Ayman-Ahmed** · 23-03-2011 01:14 PM

هيبقى المشوار اطول شوية.بس ممكن تكمل من الرماية علطول اكنك طالع طريق الاسكندرية الصحراوى وخد اول يو تيرن واطلع الطلعة اللى هتقابلك على اليمين.

**mohamed_selim** · 23-03-2011 01:37 PM

خد طريقك من الرمايه كأنك طالع اسكندريه ... بعد مهندس كار على اليمين فى مطلع للدائرى هتطلعه و تكمل شويه ... فى مدخل يمين هينزلك المريوطيه ملكش دعوه بيه و تاخد المدخل اللى بعده ... كده انت على الوصله الجديده ... هتكما و هتلاقى الطريق بيلف و ينزلك على الدائرى فى اتجاه المعادى

**shaddadfalcon1** · 23-03-2011 01:43 PM

انا اخر مره رحت طلعت علي الدائري من علي الصحراوي بعد فلل العزيزيه واول ماطلعت لقيت تفريعه كده ومكتوب عليها مدينة نصر فبصراحه استغربت وكملت ولقيت نفسي مشيت كتييييييييييييييييييييييي ييييييييييير عشان اوصل للمنطقه الحره علما باني المره اللي قبلها لما طلعت من المريوطيه كان قصير قوي واكتشفت اني اخدت الدائري الطويل فكنت عايز اعرف برده ازاي اوصل للدائري اللي هو بيبقي معدي من علي المعادي وبتروح منه علي المنطقه الحره علي طول ؟ من غير ماادخل شارع الهرم

**mohamed_selim** · 23-03-2011 01:59 PM

نفس الوصفه اللى فوق ... بعد فلل العزيزيه تكمل كأنك رايح الرمايه ... هتوصل عند الدائرى تطلعه من المطلع اللى بعد ما تعدى من تحت الدائرى يمين علشان يلف بيك و تاخد الدائرى فى اتجاه شبرا ... تكمل شويه ... فى مدخل يمين هينزلك المريوطيه ملكش دعوه بيه و تاخد المدخل اللى بعده ... كده انت على الوصله الجديده ... هتكما و هتلاقى الطريق بيلف و ينزلك على الدائرى فى اتجاه المعادى

**egypttoc** · 23-03-2011 02:18 PM

اخواني انا اتلغبطت معلش استحملوني
دلوقتي انا في الرماية حمشي علي طول كاني رايح اسكندرية الصحراوي و بعدين حلاقي طلعة الدائري علي اليمين اسيبها و اخد اول يوترن و لما اروح الناحية التانية حلاقي طلعه الدائري علي اليمين صح ولا غلط؟
و عاوز اسأل لما حطلع الدائري دة حيبقا اتجاة شبرا حسيب نزلة المريوطية و اخد اللي بعدها ( المفروض دي اسمها جسر المريوطية) حتلف بيا من فوق ترعة المريطية لغاية لما توديني علي دائري المنيب و منة انزل المعادي صح ؟
و اشكركم علي سرعة الرد لانة جاء في وقتة تماما

**mohamed_selim** · 23-03-2011 02:26 PM

لأ لأ
بعد الرمايه فى اتجاه اسكندريه فى مهندس كار على اليمين ... بعدها على طول فى طلعه تطلعها ... كده اتجاه شبرا بعد كده كلامك صح: حسيب نزلة المريوطية و اخد اللي بعدها ( المفروض دي اسمها جسر المريوطية) حتلف بيا من فوق ترعة المريطية لغاية لما توديني علي دائري المنيب و منة انزل المعادي