ازاى العربيات الجديدة بتتسرق؟؟؟؟

**eldell** · 28-03-2011 01:34 PM

المشاركة الأصلية كتبت بواسطة محمد عز

بيفتح قفل الدركسيون ازاااى؟
على حسب علمى لازم تدور العربيه علشان قفل الدريكسيون يتفتح وده يعيدنا لنقطة البدايه ان العربيه لو فيها امبوليزر مش هيقدر يدورها

طب لو قدر يفتح قفل الدركسيون ، لو العربيه اتوماتيك والفتيس على p بيقدر يحرك الفتيس ازاى؟ علشان العربيه تمشي

+111111111111111111111111
ياريت التوضيح فعلا

**محمد عز** · 28-03-2011 02:24 PM

إزاي يعني العربية تدور عشان القفل يفتح ؟؟ هو حضرتك لما بتيجي تدور العربية بتفتح قفل الدركسيون الأول ولا بتدور الأول !!!

ياسيدى العزيز لما تطفى العربيه ، بتحرك الدركسيون يمين او شمال حركة خفيفة يقوم الدركسيون مقفول ميتحركش ، وميتحركش تانى الا لما تشغل العربيه

انا بسال ازاى بيفك قفلة الدركسيون ده من غير تشغيل

**eldell** · 28-03-2011 02:34 PM

المشاركة الأصلية كتبت بواسطة محمد عز

ياسيدى العزيز لما تطفى العربيه ، بتحرك الدركسيون يمين او شمال حركة خفيفة يقوم الدركسيون مقفول ميتحركش ، وميتحركش تانى الا لما تشغل العربيه

انا بسال ازاى بيفك قفلة الدركسيون ده من غير تشغيل

انا فاهم قصدك ياستاذى العزيز بس انا قصدى على الاستاذ الفاضل الى بيقول يفك القفل بتاع الدركسيون ازاى يفكه

**sanhory** · 28-03-2011 02:42 PM

المشاركة الأصلية كتبت بواسطة محمد عز

ياسيدى العزيز لما تطفى العربيه ، بتحرك الدركسيون يمين او شمال حركة خفيفة يقوم الدركسيون مقفول ميتحركش ، وميتحركش تانى الا لما تشغل العربيه

انا بسال ازاى بيفك قفلة الدركسيون ده من غير تشغيل

حضرتك لو معاك مفتاحك بتاع عربيتك بتعمل إيه , أول تكة بتفتح قفل الدركسيون بعد كده تكة التانية بتنور نور التابلوه اللي احنا مسمينها الكنتكت تالت تكة اللي هي المارش لو فرضنا إن الحرامي معاه مفتاح مضروب وده وارد , حيعمل كل حاجة وييجي عند تكت المارش مش حتدور عشان الامبوليزر إيه المشكلة فلي أنا بقوله مش فاهم :)

**sanhory** · 28-03-2011 02:54 PM

المشاركة الأصلية كتبت بواسطة eldell

انا فاهم قصدك ياستاذى العزيز بس انا قصدى على الاستاذ الفاضل الى بيقول يفك القفل بتاع الدركسيون ازاى يفكه

هو يا جماعة أنا جايب حاجة من عندي مش في عربيات فعلا اتسرقت وكان مقفول دركسيونها وكان فيها امبوليزر ؟ أنا نقطتي هي دلوقتي إزاي الحرامي بيتغلب عاليمبوليزر مش إزاي بيفك قفل الدركسيون وبعدين الحرامي تطفيش قفل بالنسباله كلام فاضي وغالبا أصلا بيبقى معاهم مفتاح ماستر , اللي بيقرفوا بقى التكنولوجي اللي هي الامبوليزر يقوم يوجع دماغه ليه يزاها بعربية تانية وكل شيء خلص

يعني ما 100 حالة قالوا نزلنا ملقناش أي اثر ل إزاز , ليه محدش سأل فتح الباب إزاي , عشان ده حرامي دي شغلته إذا كان في ناس بتفتح خزن لو حرامي متمرس مش حيعرف يفتح قفل دركسيون !!!