من التجمع الخامس الى ميدان الجزائر بالمعادى الجديدة

**mohkhattab** · 23-03-2011 01:39 PM

السلام عليكم يا اعضاء احلى منتدى
لو سمحتوا عاوز اعرف ازاى اروح بالعربية من التجمع الخامس الى ميدان الجزائر اللى فى المعادى الجديدة ؟

**mohamed_selim** · 23-03-2011 01:47 PM

اطلع من شارع التسعين على الدائرى و خد اتجاه المعادى ... هتعدى كارفور و عند كادبورى خد يمين علشان تنزل الاوتوستراد ... خليك فى اليمين و اطلع الكوبرى علشان تنزل الاوتوستراد فى اتجاه المعادى (كأنك من الدائرى دخلت شمال فى الاوتوستراد)
هتمشى من تحت الدائرى و تعدى من تحت كوبرى مشاه ... هتخش يمين (المدخل كان عنده صورة مبارك .. معرفش لسه موجوده ولا لأ) المهم هتنزل فى الشارع يمين ... ده الشارع اللى فيه مؤمن (شارع النصر) هتفضل مكمل فيه طوالى هتلاقى نفسك فى ميدان الجزائر

**mohkhattab** · 24-03-2011 09:32 AM

شكرا على ردك يا محمد و ميرسى لذوقك .
بس معلش سؤال هو دا الميدان اللى يوصل لشارع الجزائر اللىى فيه كافور اللى فى المعادى الجديدة ؟

**elmkaneeki** · 24-03-2011 09:43 AM

المشاركة الأصلية كتبت بواسطة mohkhattab

شكرا على ردك يا محمد و ميرسى لذوقك

.
بس معلش سؤال هو دا الميدان اللى يوصل لشارع الجزائر اللىى فيه كافور اللى فى المعادى الجديدة ؟

قصد حضرتك كارفور اكسبريس......لو كدة يبقى هوا

**tiger45** · 24-03-2011 09:58 AM

+11111111111111

ألافراط فى استعمال "متابع" و "+1111111" فى المواضيع قد يعتبر اغراق و بالتالى قد يعرضك لعقوبة لا داعى لها

برجاء اضافة مداخلات مفيدة للمواضيع منعا لتوقيع عقوبات

مشرف القسم

**mailo** · 29-03-2011 06:59 PM

المشاركة الأصلية كتبت بواسطة mohamed_selim

اطلع من شارع التسعين على الدائرى و خد اتجاه المعادى ... هتعدى كارفور و عند كادبورى خد يمين علشان تنزل الاوتوستراد ... خليك فى اليمين و اطلع الكوبرى علشان تنزل الاوتوستراد فى اتجاه المعادى (كأنك من الدائرى دخلت شمال فى الاوتوستراد)
هتمشى من تحت الدائرى و تعدى من تحت كوبرى مشاه ... هتخش يمين (المدخل كان عنده صورة مبارك .. معرفش لسه موجوده ولا لأ)
أكيد لأ بس هو هيعرفها بعد ماينزل من الكبري فيه حرة بطيئة مش هيدخلها هيكمل على طول مع تحت كبري المشاة بعد البنزينة اللي عاليمين ينزل النازلة يمين
المهم هتنزل فى الشارع يمين ... ده الشارع اللى فيه مؤمن (شارع النصر) هتفضل مكمل فيه طوالى هتلاقى نفسك فى ميدان الجزائر

الميدان هو أول ميدان بعد مؤمن ولو عايز كارفور اكسبريس فيه طريق أقرب بس شرحه صعب شوية
ممكن وإنت هناك تسأل وترجع منه