الموضوع: أخرجوا آل نعم من قريتكم .... خالد عبدالله

المشاركة الأصلية كتبت بواسطة ain2006

جبت الكلام ده من فين؟!

عندنا فى الاسكندرية السلفيون وزعوا منشور فيه تكفير الدستور والديمقراطية وان الحكم لله فقط وليس للدستور وقالوا لالالا للتعديلات الدستورية ومحدش يروح اصلا واللى يروح يعلم على الاتنين علشان ده نوع من الفسق والذنب

وجزء تانى من السلفيين وزعوا ورق وقالوا نعم لان ده تعديل للحياة وعلشان المادة التانية فى الدستور (( عصاية بيضربوا بيها الناس علشان مصلحتهم بس ))

الاخوان قالوا نعم كلهم علشان يدخلوا مجلس الشعب وده من كلام واحد اخوانى قالى من بوقه ولما اقنعته بمزايا لا والله قالى عندك حق

المشاركة الأصلية كتبت بواسطة aboelnagah

عندنا فى الاسكندرية السلفيون وزعوا منشور فيه تكفير الدستور والديمقراطية وان الحكم لله فقط وليس للدستور وقالوا لالالا للتعديلات الدستورية ومحدش يروح اصلا واللى يروح يعلم على الاتنين علشان ده نوع من الفسق والذنب

وجزء تانى من السلفيين وزعوا ورق وقالوا نعم لان ده تعديل للحياة وعلشان المادة التانية فى الدستور (( عصاية بيضربوا بيها الناس علشان مصلحتهم بس ))

الاخوان قالوا نعم كلهم علشان يدخلوا مجلس الشعب وده من كلام واحد اخوانى قالى من بوقه ولما اقنعته بمزايا لا والله قالى عندك حق

يا أخي الفاضل
انا مش هتفرق معايا ولكن انا بس مش عاوز الناس تبقى فاهمه غلط مش اكتر
مفيش حد من السلفيين دلوقتي حاليا في زمننا هذا بيقول باللي انت قولته ده بتكفير الدستور والكلام ده يعني
ولو حضرتك كنت متابع الأخبار كنت عرفت انهم مسكو اتنين منقبات وهما بيوزعوا الورق بتاع التكفير
وطلعوا انهم اتنين من الحزب الوطني ومعروفين بنشاطاتهم السابقة في انتخابات الوطني في حشد الناس

سيدى الفاضل لم يكن معنى كلامى ان من قال نعم هو ضد مصلحة الوطن
ماعنيته ان من قال لا من العلمانيين كما وصفهم كاتب المقال قد اعطى وجهة نظره الخالصة ولم يلبس السياسة لباس الدين كما راينا وسمعنا كلنا بانفسنا اى انه لم يستعن بالدين لارهاب رقيقى الحال والثقافة

جزاك الله خيرا

مع احترامى لصاحب الموضوع ..بس حضرتك شايف ان ده وقت مناسب لكتر الكلام
المنتدى الاجتماعى اتحول لساحة خناق
موضوع يعمله حد اخوانى او سلفى او جهادى او اى كان تياره تلاقى العلمانين واللبيرالين والناس اللى خايفين من حكم الدين يدخلوا يتخانقوا معاه
وواحد من الحزب الثانى يعمل موضوع تلاقى الحزب الأول بيتخانق معاه
طب وبعدين ..اخرة اللى بيحصل ده ايه ؟؟؟حضرتك ليك مطلق الحرية فى التعبير عن رأيك دون التجريح فى الطرف الاخر والعكس صحيح

يا ريت نشوف ايه اللى جاى زبلاش نستنزف طاقتنا وجهدنا فى جدال
لان لا حضرتك هتقتنع بوجهة نظر حد من الجزب الاخر ولا حد من الحزب الاخر هيقتنع بوجهة نظر حضرتك
خصوصا لما بيبقى الكلام بطريقة تهكمية من الطرفين

تحياتى لحضرتك