نسيت كمان ابارك لكل الاخوة اللي اشتروا العربية الجميلة دي وعلى رأسهم زيمانوفا صاحب التقرير والتوبك
:tumb:
سيارة جميلة وتستحق ان يكون لها نصيب وافر في السوق المصري
عرض للطباعة
نسيت كمان ابارك لكل الاخوة اللي اشتروا العربية الجميلة دي وعلى رأسهم زيمانوفا صاحب التقرير والتوبك
:tumb:
سيارة جميلة وتستحق ان يكون لها نصيب وافر في السوق المصري
شباب السلام عليكم ورحمة الله وبركاته
تكملة الموضوع الخاص بالبريليانس ومميزاتها وعيوبها لو تحبوا أقولكوا علي أخر التطورات:
العربية خلاص الحمد لله عدت ال 1500 كيلو الأولانيين, واللي كنت فيهم محاسب شويه عشان موضوع التليين وكده. طبعا مصدقت شغلت التكييف اليومين اللي فاتوا كانوا حر أخر حاجة, والحمد لله التكييف كفاءته ممتازة, يعني 8.5 من عشرة (بياخد بس وقت بسيط لو العربية كانت مركونة ف الشمس ولا حاجة عشان يوصل بالحرارة للمستوي اللي انت عايزه وبعد كده تحتاج تهديه عشان مش هتستحمل). وهو بالمناسبة مش مؤثر خالص علي أداء العربية كسحب وكده لدرجة إنك متحسش بفرق في السواقة م بين لو التكييف شغال أو مطفي.
وصلت بالعربية علي استحياء كده لسرعة 120 كم / س وبصراحة كده ولا كأني كنت سايق علي 120. العربية مريحة فعلا علي السرعات العالية وحتي لو الطريق مكسر شويه أو في منحنيات متحسش إنك ماشي بسرعة.
مفيش أي ملاحظات ع الأداء تسيئ للعربية, والحمد لله كل م باسوقها أكتر باحس إني إخترت الإختيار الصح ومش ناوي أغير خالص لأي موديل أو علامة تانية غير لحاجة ألماني مثلا (يعني Jetta أقل حاجة) عشان أحس بفرق.
مع إقتراب ميعاد صيانة الألفين أرجو منكم توضحولي بس أحجز ازاي واكلم مين عشان الصيانة؟ وهل بيبقي في زحمة أيام معينة ف الأسبوع ولا عادي أي يوم؟
عايز بس في نهاية المشاركة أسأل علي خالد ساجا, كان بيدور علي ال fsv ودايخ عليها. كنت عايز اعرف عمل إيه هو وكل الناس اللي كانت بتدور ع العربية؟ لأني سمعت إن في استغلال جامد من جهة الموزعين للبريليانس ومزودين ف سعرها بدون داعي.
معلش يا جماعة قدر الله وما شاء فعل وإن شاء الله ربنا يوفق الجميع لما فيه الخير. أنا كمان اتعرضت للإستغلال ده عند الشرا وحظي كان حلو شويه إني لقيت العربية بسعر معقول وف حدود إمكانياتي (أنا اشتريتها أغلي من السوق ب 3500 جنيه). بس انا علي م عرفت إن البريليانس أصلا ده كان سعرها وتقدروا تتأكدوا من أوائل الناس اللي اشترت العربية دي الدفعات الأولي منها (واللي حصل إن الوكيل نزل سعرها لحد 70000 كنوع من الدعاية وجذب اهتمام المستهلك وفعلا ده حصل) وهو دلوقتي عايز يرجع بيها لسعرها الأصلي. فاحنا بنتكلم هنا عن حالة خاصة لعربية كانت مش منتشرة بسبب سياسة تسعير مش مدروسة كويس. وياريت الناس اللي كانت شارية بالسعر القديم تفيدنا يا جماعة.
شكرا جزيلا لمشاركاتكم
تحياتي
http://www.nileup.com//uploads/image...77c2e0a9c0.jpg
http://www.nileup.com//uploads/image...211668d477.jpg
http://www.nileup.com//uploads/image...1452df34b3.jpg
http://www.nileup.com//uploads/image...f5b2e25e6d.jpg
http://www.nileup.com//uploads/image...9bcec0b028.jpg
http://www.nileup.com//uploads/image...1e1481aba0.jpg
http://www.nileup.com//uploads/image...3ab49046fe.jpg
http://www.nileup.com//uploads/image...f8c73ebfae.jpg
http://www.nileup.com//uploads/image...a2ce71fcd4.jpg
تصدق لما شفت اول صورة فكرتك راكن فوق السطح قولت ف بالى يبن الاية عملتها ازاى دى هههههههه
وكمان نمر مميزة زيى
وحتى الفلاشة اخت بتاعتى يا لهوى عالصدف
أكرم بيه, واحشني والله
النمر دي كلفتني كتير وحياتك, وبالنسبة لموضوع فوق السطوح ده عادي بالنسبة للعربية بتاعتي أصلها بتمشي ع الحيط. (الصور فوق محور صفط اللبن المؤدي للدائري, الساعة 2 الظهر ده لو كان عندك فكرة عن محور صفط اللبن).
محتاج مساعدتك إنت بالذات في موضوع. أتصل بمين وبكام عشان احجز للصيانة (لسه جديد بأه أعذرني), وبعدين هل في أيام معينة بتبقي زحمة ولا عادي.