نصيحة في عدسات بولاريزد ولا نضارة

السلام عليكم يا شعب :-)
كنت عايز راي الافاضل اللي ليهم علاقة بالنضارات ودكاترة العيون
انا مقاس نظري ناقص 3.5 تقريبا
واخر كشف عملتة من 3 سنين
وليا السنادي بدل نضارة من شركة التامين الطبي كنت عايز استغلة في نضارة شمس
وبما اني عندي نضارة بربري تمنها يقارب تمن عملية ليزك :-) وعاجباني بفكر اعمل ليها عدسات بولاريزد
هل يستاهلو ال 800 جنيه فعلا
وهل فيه انواع
وهل اعملها للشمس والنظر ولا كفاية الشمس
وايه افضل انواعها
وهل فيه لون مفضل عن لون ولا حسب مزاجي الونها
في سي اند كو بشوف نضارات بعدسات بولاريزد وايطالي بس براندات مجهولة ب 500 جنيه بس
علما بان عدساتي تتكلف 800 جنية
هل الموضوع يستاهل ولا لاء

الموضوع ده كله اعلانات عن اسم نظارة و عن نوع عدسات و عن محل سى اند كو و و و :chatting:
انا اطالب بايقاف العضو و سحب المنتدى منه و اقالته من الادارة و اتخاذ اللازم درئا لهذه الجريمة مستقبلا :) :36_7_4[1]::36_7_4[1]:
( يا اما يجيبلى نضارة معاه ) :shyy:

طيب متعمل عمليه الليزك وتريح نفسك من الحوارات ديه

انا لو منك ومعايا فلوسها اعمل العمليه وعلى فكره انا نظرى سالب 5.5 بعيد عنك ونفسى اعمل عملية الليزك بس الفلوس

معلش بس انا مش فاهم نظاره حضرتك البربري دي شمس ولا نظر
لو هي اصلا شمس اعتقد بالاش تغير العدسه لان ده براند عالي اوي وخساره تخسر العدسه اللي اكيد معموله بتقنه عاليه اوي حتي لو مش بولاريزد وخصوصا ان السعر بتاع التعديل مش مغري اوي فمن الافضل-رائي الشخصي-انك تكمل علي ال800جنيه وتجيب نضاره تانيه بولاريزد (حد يلعب في نظاره بربري ياراجل)
دا طبعا اذا كنت فلهم صح لكن لو النظاره دي نظر يبفي الكلام مختلف

ليزك مستحيل على جثتي :-)
اذا كان دكاترة العيون مابيعملوهاش :-)
البربري شمس بس طبعا قالب عدساتها نظر عشان اشوف

انا و 4 اصحابى و ابن خالتى و اختى عاملين ليزك و زى الفل :) طالما الدكتور معروف وبعد ارادة الله لا تخف :)

ليه ياكريم باشا ده انا بفكر اعملها ياريت لو تعرف ليها اى اضرار تقولى

انا اختى عاملاها وزى الفل ماشاء الله
وانا لو معايا فلوسها اعملها من بكره بلا نظارات بلا وجع دماغ

اقتباس:

---

المشاركة الأصلية كتبت بواسطة karim_monir

ليزك مستحيل على جثتي :-)
اذا كان دكاترة العيون مابيعملوهاش :-)
البربري شمس بس طبعا قالب عدساتها نظر عشان اشوف

---

بقولك أية يا باشا و الله أنا أعرف دكتور عيون ممتاز جدا جدا جدا جدا بجد عند الحديقة الدولية العيادة بتاعتة والدتى سيدة كبيرة فى السن طبعا ربنا يديها الصحة عملت العملية عند الدكتور دة الاول كان نظرها وحش جدا جدا العملية بسيطة جدا جدا و الحمد لله النظارة الى بتلبسها حاليا لا تقارن بالنظارة السابقة
بجد جرب أكشف عندة مش حا تندم و العائلة كلها بتروح للدكتور دة نعرفة كويس حا أقول للحاجة توصى عليك و بجد حا يعحبك جدا لو حابب قولى و تحت أمرك يا باشا

يا جماعة انتوا خرجتوا لية برة الموضوع الرئيسى بتاع كريم ؟؟
وبعدين ناقص 3.5 دة كلام فاضى ميتعملوش ليزك اساسا لو راح لدكتور حيقولة الليزك يفضل يتعمل من اول ناقص 6
يلريت باة اللى جرب العدسات البولوريزد يقولوا ويقولى انا كمان :]

اقتباس:

---

المشاركة الأصلية كتبت بواسطة tarek gen 2

الموضوع ده كله اعلانات عن اسم نظارة و عن نوع عدسات و عن محل سى اند كو و و و :chatting:
انا اطالب بايقاف العضو و سحب المنتدى منه و اقالته من الادارة و اتخاذ اللازم درئا لهذه الجريمة مستقبلا :)
( يا اما يجيبلى نضارة معاه )

---

متضامن مع العضو ولو لم تنفذ طلباتنا هانعمل اضراب واعتصام على باب المنتدي وهانهد معتقل المغول ونهرب المعتقلين - اقصد الموقوفين - الذين تم اعتقالهم في عهده

اقتباس:

---

المشاركة الأصلية كتبت بواسطة tarek gen 2

انا و 4 اصحابى و ابن خالتى و اختى عاملين ليزك و زى الفل :) طالما الدكتور معروف وبعد ارادة الله لا تخف :)

---

ابعت لي اسمه وتليفونه لو معاك

ايه النظارة البربري دي يا كريم ؟؟؟؟؟
يعني لونها اسود ؟؟؟؟
ولا مستوردة من قبائل البربر بتوع الصحراء الكبرى ؟؟؟
ولا من عند البربري بتاع النابوليا ؟؟؟
...
انا متابع الموضوع بس عشان اعرف معنات الكلام .... وايه البولازريد دي كمان ؟؟؟
هو انت بقى كلامك غريب كدة ليه ؟؟؟
انا حاسس اني سافرت بآلة الزمن :dumb:

اقتباس:

---

المشاركة الأصلية كتبت بواسطة aif

ايه النظارة البربري دي يا كريم ؟؟؟؟؟
يعني لونها اسود ؟؟؟؟
ولا مستوردة من قبائل البربر بتوع الصحراء الكبرى ؟؟؟
ولا من عند البربري بتاع النابوليا ؟؟؟

غلط يا حاج عاطف
دي بيبقي واحد اسمه بربري ماسكها طول الوقت اول ما كريم يحب يلبسها بربري يلبسها له ويفضل ماسكها من الدراعات علشان متقعش اول ما يحب يقلعها بربري يشيلها ويمسكها في ايده

...
انا متابع الموضوع بس عشان اعرف معنات الكلام .... وايه البولازريد دي كمان ؟؟؟
هو انت بقى كلامك غريب كدة ليه ؟؟؟
انا حاسس اني سافرت بآلة الزمن :dumb:

---

تصدق وانا معاك
احنا اخرنا البيبرسول والريبا والكاريرا وجبرت

اقتباس:

---

المشاركة الأصلية كتبت بواسطة dr-mohamed

تصدق وانا معاك
احنا اخرنا البيبرسول والريبا والكاريرا وجبرت

---

عاوزين ترجمة لو سمحت يا كريم
ع الاقل لما حد يقول الكلام ده قدامنا .... نقدر نقاوح يعني
قولها تاني كدة
هو انت اللي قولتها ... ولا هي اللي اتقالت
قولها بس ... انا عارفها بس انت قولها
مش انت اللي بتقول الكلام للناس اللي جاية من برا ....

اقتباس:

---

المشاركة الأصلية كتبت بواسطة tarek gen 2

انا و 4 اصحابى و ابن خالتى و اختى عاملين ليزك و زى الفل :) طالما الدكتور معروف وبعد ارادة الله لا تخف :)

---

ياريت تبعتلى اسم الدكتور والتكلفه على الخاص ولو سمحت ياريت برضه تقولنا ايه الى بيتم معاك بالظبط ولازم يبقى نزرق قليل جدا انا عندى عين سالب 2.75 والتانيه سالب 2.25 ومشكور جدا

الأخ العزيز كريم .. أنا لو منك و بدون تفكير أتوكل على الله و أعمل الليزيك ..

أنا الحمد لله ربنا وفقنى و عملتها السنة الى فاتت فى شهر 6 .. يعنى تقريباً من 10 شهور .. و كل ما أقدر أصفهولك أن فيه دنيا ثانيه إنت ما شفتهاش و مستنياك .. بجد معجزة من عند الله .. و علاج يجب أن تعرف أن هذا وقته .. كما كانت النظارة علاج فى وقت طويل و كان لها وقتها .. و بخصوص ردك إن دكاترة العيون مبيعملوهاش .. فده ليه سببن من وجهة نظرى .. و من ردود لبعضهم:
1 - العملية نسب نجاحها بتقل بعد سن ال 40 عام .. و قد يحتاج الشخص لنظارة بعد العمليه فى هذا العمر (معظم دكاترة العيون تعدوا ال 50 من عمرهم)
2- الناس ديه معندهاش وقت تقعد كام يوم من غير شغل بعد العمليه فى فترة النقاهه :))

بالنسبه لحالتك .. العمليه بتكون نسب نجاحها لما أقل من 6- درجات تقترب من 99% .. ولو معندكش إستيجماتيزم .. يبقى تقدر تقول إن بإذن الله تعالى نسبة نجاح العمليه 99.9% و ثانى يوم على الأكثر هتبقى 6/6

أنا و أختى و 5 أصدقاء لى عملناها و الحمد لله .. نعمه ما بعدها نعمة

و بإذن الله بعد ما تعملها هتلاقى النظارات الشمس أشكال و ألوان .. و حاجه إيه بقى على كيفك .. :))

أنا كنت -6 و -6 .. و بعد العملية جبت نظارة ماركة ريفو بولوريزد .. و فعلاً تقنية البلوريزد بتفرق حقيقى مع الأضاءة و خصوصاً فى الأوقات الى الشمس بتكون ساطعه فيها جداً

شوف يا صديقى .. أنا بعد العمليه تقريباً عملت دكتوراه فى عملية الليزك ... من كثر ما قرأت عنها فى كل مكان على الإنترنت .. و من زيارة لما يقل عن 20 دكتور لإطمئنان على عينى (إستغلال سىء للتأمين الطبى من الشركة :d) فلو محتاج تطمئن أو تسمع أى حاجه عن العمليه يسعدنى إنى أجاوبك (لو فكرت فيها) و من خلال تجريه حقيقية .. و ليس قصة تسمعها على لسان شخص لم يخوض التجرية

بالتوفيق .. و ربنا يعملك الى فيه الخير

م. محمد الشافعى
0102207274

ممكن اعرف وجه نظر حضرتك لية الليزك لاء ؟؟؟

ده سؤال بس عايز اعرف لية .. لان اخويا عامل عملية الليزك برضوا ..

انا مابفهمش اوي في المواضيع دي بس فضول :)

اقتباس:

---

المشاركة الأصلية كتبت بواسطة tarek gen 2

انا و 4 اصحابى و ابن خالتى و اختى عاملين ليزك و زى الفل :) طالما الدكتور معروف وبعد ارادة الله لا تخف :)

---

من فضلك ياريت تبعتلى اسم الدكتور والتكلفه على الخاص

اقتباس:

---

المشاركة الأصلية كتبت بواسطة shakshak2011

الأخ العزيز كريم .. أنا لو منك و بدون تفكير أتوكل على الله و أعمل الليزيك ..

أنا الحمد لله ربنا وفقنى و عملتها السنة الى فاتت فى شهر 6 .. يعنى تقريباً من 10 شهور .. و كل ما أقدر أصفهولك أن فيه دنيا ثانيه إنت ما شفتهاش و مستنياك .. بجد معجزة من عند الله .. و علاج يجب أن تعرف أن هذا وقته .. كما كانت النظارة علاج فى وقت طويل و كان لها وقتها .. و بخصوص ردك إن دكاترة العيون مبيعملوهاش .. فده ليه سببن من وجهة نظرى .. و من ردود لبعضهم:
1 - العملية نسب نجاحها بتقل بعد سن ال 40 عام .. و قد يحتاج الشخص لنظارة بعد العمليه فى هذا العمر (معظم دكاترة العيون تعدوا ال 50 من عمرهم)
2- الناس ديه معندهاش وقت تقعد كام يوم من غير شغل بعد العمليه فى فترة النقاهه :))

بالنسبه لحالتك .. العمليه بتكون نسب نجاحها لما أقل من 6- درجات تقترب من 99% .. ولو معندكش إستيجماتيزم .. يبقى تقدر تقول إن بإذن الله تعالى نسبة نجاح العمليه 99.9% و ثانى يوم على الأكثر هتبقى 6/6

أنا و أختى و 5 أصدقاء لى عملناها و الحمد لله .. نعمه ما بعدها نعمة

و بإذن الله بعد ما تعملها هتلاقى النظارات الشمس أشكال و ألوان .. و حاجه إيه بقى على كيفك .. :))

أنا كنت -6 و -6 .. و بعد العملية جبت نظارة ماركة ريفو بولوريزد .. و فعلاً تقنية البلوريزد بتفرق حقيقى مع الأضاءة و خصوصاً فى الأوقات الى الشمس بتكون ساطعه فيها جداً

شوف يا صديقى .. أنا بعد العمليه تقريباً عملت دكتوراه فى عملية الليزك ... من كثر ما قرأت عنها فى كل مكان على الإنترنت .. و من زيارة لما يقل عن 20 دكتور لإطمئنان على عينى (إستغلال سىء للتأمين الطبى من الشركة :d) فلو محتاج تطمئن أو تسمع أى حاجه عن العمليه يسعدنى إنى أجاوبك (لو فكرت فيها) و من خلال تجريه حقيقية .. و ليس قصة تسمعها على لسان شخص لم يخوض التجرية

بالتوفيق .. و ربنا يعملك الى فيه الخير

م. محمد الشافعى
0102207274

---

ياريت اسم الدكتور والمستشفى اللى عملت فيها العملية وتكلفتها كام

الدكتور: مصطفى الحلو .. دكتور إستشارى
المستشفى: مستشفى النور للعيون فى المهندسين
التكلفه: 3600 جنيه سعر العمليه + كشف قرنية و ضغط عين ب 200 جنيه .. صافى 3800 جنيه ..
تاريخ العملية: 8/6/2010

بالتوفيق للجميع .. و لأى إستفسار بخصوص العمليه .. تليفونى فى المشاركة السابقه مفتوح للجميع .. و هيسعدنى إنه أنقل تجربتى بكل ما لها و ما عليها

شكراً

البولاريزد
بتوفر اعلى حماية من الشمس والافضل تتعمل طبى وشمس علشان تشوف بيها عادى كأنها طبى
احسن نوع عدسات فى الموضوع ده يكون يابانى
اللون والتكلفة
بتتحدد حسب الكشف لان الربع درجة بتفرق فى التكلفة فى الحاات دى
ابعت لى الكشف على الميل بقى
بس ابقى ادينى رنة ولا قوللى هنا علشان مش بفتح الميل كتير
وانا هأسالك صاحبى هو شغال فى البصريات

((1 - العملية نسب نجاحها بتقل بعد سن ال 40 عام))
أنا معلومتي بالعكس فوق ال40 نسبة نجاحها وثباتها أكثر

اقتباس:

---

المشاركة الأصلية كتبت بواسطة a.saad

البولاريزد
بتوفر اعلى حماية من الشمس والافضل تتعمل طبى وشمس علشان تشوف بيها عادى كأنها طبى
احسن نوع عدسات فى الموضوع ده يكون يابانى
اللون والتكلفة
بتتحدد حسب الكشف لان الربع درجة بتفرق فى التكلفة فى الحاات دى
ابعت لى الكشف على الميل بقى
بس ابقى ادينى رنة ولا قوللى هنا علشان مش بفتح الميل كتير
وانا هأسالك صاحبى هو شغال فى البصريات

---

هي مش حماية من أشعة ما قد ماهي بتمنع الأنعكاسات للي بيسوق مثلا أنعكاسات الأسفلت وأنعكاسات التابلوه على الزجاج الأمامي وكده
هي البلورايزد طبقة وجودها في النظارة الشمسية سهل التأكد منه عكس طبقات الحماية من uv صعب وعايزة جهاز مخصوص.




رابط المشاركة
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gif
http://www.nilemotors.net/Nile/Arabi...ot-by-left.gif المشاركة الأصلية كتبت بواسطة otefa http://www.nilemotors.net/Nile/Arabi...t-by-right.gif
http://www.nilemotors.net/Nile/Arabi...p-right-10.gif



أسمحولي أشارك عن تجربة أنا عملت العملية من حوالي سنتين وللحظة دي مش مستريح منها وحاسس الفترة دي أن نظري بدأ يضعف تاني ده غير بقه لو الجو فيه رطوبة بأحس أنها مزغلله ولغاية اللحظة دي باستعمل قطرة مرطبة للعين مرة في اليوم تقريبا
هي أحلي حاجة فيها الأستغناء عن النظارة ومللها بس مع السلبيات دي كلها!
http://www.nilemotors.net/Nile/Arabi...t-bot-left.gif
http://www.nilemotors.net/Nile/Arabi...-bot-right.gif
كلام حضرتك مضبوط و وارد حدوثه بنسبة لا بأس بها ...

و علشان كده بارجع و بأقول لازم المريض يعرف كل حاجة بالحقيقة قبل ما يدخل العملية و هو حر فى قراره بعد كده ... بلاش نقول ان كل حاجة فل الفل و تمام التمام ... يعرف الحقيقة و اللى ممكن يحصل حتى لو بنسب ضئيلة ، و له مطلق الحرية فى تحديد احتياجه للعملية و قبوله لها ..

و تحياتى

معلش يا احمد معرفتش ارد عليك عشان في اجتماع
حاج احمد ابراهيم ده بيت ازياء انجليزي بتتميز حاجتة بالرقي شوييتين ومشهورة العلامة بتاعتة انها كاروهات بيج في بني وتقدر تشوف نضارات ليها في اللينك ده :-)
burberry sunglasses - بحث Google‏

الليزك متحفظ علية لاسباب كتير وتجارب سيئة كتير خاصة ان مقاس عيني واحدة 3.5 والتانية 2.5
فحرام اني اقطع واحرق في القرنية بقول كمان شويتين

على فكرة كان في موضوع كبير قوي هنا عن الليزك في المنتدى يعتبر موسوعة بجد
وتقريبا بسببه خدت القرار ان ليزك لاء
يا ريت حد يدور عيه ويجيب المفروض يتثبت في العيادة لانه موسوعة فعلا

حاول تبعت الكشف النهاردة على الميل علشان ابعته لصاحبى

اقتباس:

---

المشاركة الأصلية كتبت بواسطة karim_monir

معلش يا احمد معرفتش ارد عليك عشان في اجتماع
حاج احمد ابراهيم ده بيت ازياء انجليزي بتتميز حاجتة بالرقي شوييتين ومشهورة العلامة بتاعتة انها كاروهات بيج في بني وتقدر تشوف نضارات ليها في اللينك ده :-)
burberry sunglasses - بحث google‏

---

نورت المحكمة يا باشا
صحيح يا ولاد ... العلم نورون

كريم باشا

نصيحة صغيرة من اخوك

روح اتفرج على العدسات النيكون فى بركة قبل ما تشترى البلورايزد

انا عندى الاثنين والنيكون عجبانى اكتر

وبلاش تعملها على شبنر شمس واعملها على شنبر نظر احسن

أستاذ كريم أهلا بيك فى عالم النظارات :)

العدسات البولاريزد ألوانها : بنى , رمادى , أخضر غامق ( زيتى )

وطبعا لو هتعملها هتكون نظر وشمس فى نفس الوقت مش شمس فقط

ومفيش منها أنواع عشان محدش يخدعك

هو نوع واحد فقط المتوفر فى شركة العدسات :)

وسعرها 600 جنيه بس

وتحت أمرك فى اى حاجة :)

اقتباس:

---

المشاركة الأصلية كتبت بواسطة karim_monir

معلش يا احمد معرفتش ارد عليك عشان في اجتماع
حاج احمد ابراهيم ده بيت ازياء انجليزي بتتميز حاجتة بالرقي شوييتين ومشهورة العلامة بتاعتة انها كاروهات بيج في بني وتقدر تشوف نضارات ليها في اللينك ده :-)
burberry sunglasses - بحث google‏

الليزك متحفظ علية لاسباب كتير وتجارب سيئة كتير خاصة ان مقاس عيني واحدة 3.5 والتانية 2.5
فحرام اني اقطع واحرق في القرنية بقول كمان شويتين

على فكرة كان في موضوع كبير قوي هنا عن الليزك في المنتدى يعتبر موسوعة بجد
وتقريبا بسببه خدت القرار ان ليزك لاء
يا ريت حد يدور عيه ويجيب المفروض يتثبت في العيادة لانه موسوعة فعلا

---

ياريت فعلا يارجاله حد يقدر يجيب اللينك بتاع عمليه الليزك ده عشان انا ناوى ان شاء الله

محمد المصري ماشي هاروح بركة اتفرج عليها

محمد حمدي انا قالولي انها في ياباني وفي فرنساوي وفي الماني
ايه الكلام ؟؟

اقتباس:

---

المشاركة الأصلية كتبت بواسطة karim_monir

محمد حمدي انا قالولي انها في ياباني وفي فرنساوي وفي الماني
ايه الكلام ؟؟

---

مهو ده الشو بقه :)

كله واحد ياباشا والخامات واحدة وفى الغالب بتكون فرنساوى. ده لو هنعملها نظر وشمس

انما لو شمس فقط من غير مقاس فممكن يكون موجود ماركات وصناعات كتير

اذن اطلع على بركة اتفرج على العدسات الشمس نظر
شكرا جزيلا يا باشا