انجدوني العمره اللي عملتها هتضيع في ثانيه

**MEDO84EG** · 23-03-2011 03:13 PM

السلام عليكم و رحمه الله و بركاته
الموضوع باختصار اني حسيت ان المحرك بيدخن و حسيت انه خف فقلت اعمل عمره
وديت العربيه لميكانيكي وصفهولي زميل هنا في المنتدي ( ربنا يباركله العضو زميلنا ده و الله )
المهم قلتله افتح و شف محتاجين ايه
فتح و طلب طلبات اللي هيا طقم صباب و شنبر و جوانات و طقم كهربا الخ
المهم ركب المحرك و شغله
لقينا المحرك شغال 3 اسطوانه بس
بعد اختبارات الكهربا و التاكد من سلامه البوجيه الميكانيكي فك تاني
و خد وش السلندر للخراط
قال الخراط ان الكامه متأكله و و عاوزه تتغير بواحده جديده و هو يعملها جلب
تاني شيء و هو المصيبه الكبري انه بيقول ان مش عارف الشيميز فيه ايه و قال ايه قال ايه هيخرطلي شيميز !!!
السؤال هنا
ايه رأيكم في اللي قلته
و خاصه موضوع الشيميز
معقول ارميه و اخرط غيره ؟
انا سألت لقيت طقم بستم + شيميز + طقم شنبر = 800 جنيه جديد تركي
و فيه زيه صيني ب 500 جنيه
قولولي اعمل ايه في المصيبه الي انا فيها
و كمان سؤال
هل انه يخرطلي شيميز احسن و لا اجيب اي واحد مستورد لو حتي صيني اكيد هيبقي احسن من اللي معمول في ورشه
و لا قولولي اعمل ايه
ربنا يعوض عليا في الفلوس اللي عمال ادفعها
لحد دلوقتي صارف 1500 جنيه و لسه العمره مخلصتش و داخله في حوارات
يا ريت تقولولي اعمل ايه
الف شكر مقدما

**zakiali** · 23-03-2011 03:29 PM

هات موتور استيراد اريح

**Ashraf_Ashraf** · 24-03-2011 04:38 PM

الاخ العزيز اللى عملته ده اسمه طقم شمبر مش عمره وعملت عمره لوش السلندر وواضح ان الشميز عندك تعبان راى بجمله المصاريف عشان متضيعش اللى صرفته قبل كده اشترى التركى وابعد عن الصينى والله يعينك ويتمها على خير

**HotRide** · 24-03-2011 10:49 PM

مش مشكله يا كبير انت كده زبط وش سيلندر بتغير كوتش الصباب و الصباب و ظبط الكامه كده مفضلش الا البلوك

اعمل طقم شنبر و الساتم و خرط الشمايز و الخراط خليه يعمل طبب الميه جديده بالمره ووديله الكرانك يبص عليه و غير سبايك برده الحاجات ديه مش غاليه

و بكده هكون عملت عمره كامله و جددت كل حاجه و ان شاء الله هكون مكنه جميله جدا

نصيحه من اخ: في خراط مواتير اسمه خالد في عين صيره عند الورش الي هناك...عارف مستشفي 57357 تكون علي ايدك الشمال كمل لحد اخر الطريق علي نحيه تانيه في سور وراه في ورش كتير و هناك خالد الخراط مشهور جدا محلهم ما شاء الله 4 محلات مفتوحه علي بعض دورين يعني مكان كبير مش هتوه......دول احسن ناس يعملو خرط مواتير و اسمع كلام من واحد اضي نص عمره في تجارب مواتير و عمرات والله ناس من الاخر بجد و عندهم كمان محل قطع غيار فيه الشنابر والبساتم لجميع السيارات و كل كلام ده

**MEDO84EG** · 26-03-2011 08:31 AM

اخواني الاعزاء
جزاكم الله خيرا
انا زودت شويه
جبت وش سليندر تاني نمره واحد استيراد بالكامه و عمود تاكيهات بالشواكيش
ووديت الشمايز و البساتم لواحد في ام المصريين بيظبطهم و بيعمل شنبر علي قدهم بنفسه و يركبهم كمان
و هخلي الميكانيكي يبص علي الكرنك و السبيكه علشان لو كده نخرط الكرنك و نغير سبيكه بالمره
و يبقي كله جديد في جديد
و الحمد لله رب العالمين
الف شكر للاخوة الافاضل

**HotRide** · 26-03-2011 10:46 AM

المشاركة الأصلية كتبت بواسطة medo84eg

اخواني الاعزاء
جزاكم الله خيرا
انا زودت شويه
جبت وش سليندر تاني نمره واحد استيراد بالكامه و عمود تاكيهات بالشواكيش
ووديت الشمايز و البساتم لواحد في ام المصريين بيظبطهم و بيعمل شنبر علي قدهم بنفسه و يركبهم كمان
و هخلي الميكانيكي يبص علي الكرنك و السبيكه علشان لو كده نخرط الكرنك و نغير سبيكه بالمره
و يبقي كله جديد في جديد
و الحمد لله رب العالمين
الف شكر للاخوة الافاضل

مش برتحلهم الجماعه بتوع ام المصريين دول
انت رحت لمين هناك و المكانيكي مين ؟

**MEDO84EG** · 27-03-2011 09:47 AM

في واحد في ام المصريين اسمه كايرو موتورز
انت تعرف
اصل البساتم كويسه
و الشيميز ما شاء الله مفيهوش عتب
انا كشفت عليه بنفسي
و بجد ما شاء الله راكبين صح و مفيش سنه خلوص
خاصه انهم اتظبطت المجاري بتاعتهم تاني
و بالنسبه للميكانيكي في زميل رائع هنا في المنتدي عمر عنده قبل كده و هو اللي وصفهولي
بس انسان رائع و امين اوي
و ان شاء الله لما اخلص هعمل تقرير شامل و بالاسعار
و ايه السلبيات اللي وقعت فيها

**saadelden** · 27-03-2011 10:10 PM

المشاركة الأصلية كتبت بواسطة medo84eg

في واحد في ام المصريين اسمه كايرو موتورز
انت تعرف
اصل البساتم كويسه
و الشيميز ما شاء الله مفيهوش عتب
انا كشفت عليه بنفسي
و بجد ما شاء الله راكبين صح و مفيش سنه خلوص
خاصه انهم اتظبطت المجاري بتاعتهم تاني
و بالنسبه للميكانيكي في زميل رائع هنا في المنتدي عمر عنده قبل كده و هو اللي وصفهولي
بس انسان رائع و امين اوي
و ان شاء الله لما اخلص هعمل تقرير شامل و بالاسعار
و ايه السلبيات اللي وقعت فيها

انت عملت العمره ف ام المصريين ؟
و عملتها عند مين ؟

**tito_1980** · 28-03-2011 12:05 AM

حضرتك بتهول الموضوع شويه , دي مش عمره اصلا دي تعتبر نص عمره , طالما دخلت في العمره يبقي تكملها لاخرها , العربيه قديمه نوعا ما فالخرط اختيار مطروح فميش مشاكل , لو اتلاقيت الاجزاء المطلوب خرطها استيراد يبقي افضل , و هون الامور علي نفسك يا باشا

**MEDO84EG** · 28-03-2011 09:27 AM

كل ده و نص عمره
طب ايه اللي باقي في الموتور بقي :d?
دنا من فضل الله ظبطه و بقي احسن من مليون استيراد
اهو حطيت شويه من خبرتي في العربيات علي شويه من اللي درسناه في الكليه و ظبطنا الحال و ربنا ييسر
و بالنسبه للعمره انا معملتهاش في ام المصريين
انا عملتها مع ميكانيكي متخصص 305