يا جماعة كل الكلام اللي قلته في المشاركة بتاعت غزوة الصناديق هو نفس الكلام اللي الشيخ قاله
ودا لإنه اعرف الشيخ كويس وعارف اسلوبه
واكيد مش كنت بتنبأ بشيء من قبلها بيوم
ودا معناه ان كلامي صح
يبقى الناس اللس سخرت تتعلم
والناس اللي بتقول واللي مبيسمعوش يعرف ازاي؟
هقولوا الشيخ قال الكلام دا في درسه مش في التلفزيون حتى
يعني الناس اللي قاعدين فاهمينه
سبحان الله متى سنحسن الظن؟
امتى بجد؟
كل واحد عايز ينقد
وبيبان اوي مين اللي بينقد نقد موضوعي ومين اللي نقده مبني على الهوى
يا سبحان الله
دا الواحد لو عمرو دياب قال كلمة زعلت الناس انصاره هيحملوا الكلمة مليوون معنى عشان ميبقاش قال كلمة وحشة
عمرو اديب لما طلع سب الدين في التلفزيون ملقناش حد علق
حتى ميثاق الشرف الاعلامي اللي ادعوه وقفلوا بيه القنوات الدينية محدش علق
ولا حتى المذيع
ولا حتى هو نفسه طلع اعتذر
تامر حسنى لما شتم الثورة .. بعديها بأسبوعين وبعد دمعتين . عملوا جروب احنا اسين يا تامر وناس بتعتذرله
وبكرا ان شاء الله تفتكروا مع اول فيلم كوميدي ليه .. هنلاقي الناس داخلة وولا كأن فيه حاجة
لعيبة الكورة و اللي باعونا في المظاهرات
واول مالدوري بدأ يا سلاااااام ولا كأن في حاجة
حتى حسن شحاته والمنتخب
استقبلوهم استقبال الأبطال في جنوب افريقيا والشعب يريد الفوز بالمباراة
وبكرا هنشوف الكلام في المباراة
وضاع حسن الظن
واصبح التهكم على المشايخ شيء ميسور
وإن لم يكن تهكم على المشايخ فهو تهكم على كبار السن
إنا لله وإنا اليه راجعون