عرض للطباعة
السلام عليكم
أنا عندى مشكله بالريداتير هوه موش مخروم ولا حاجه كل ما امشى بالعربيه واركن وابطلها يطرد الميه من خرطوم الفايظ بتاع القربه قالولى غير غطاء الريداتير علشان بيسرب غيرته مرتين وبردوه نفس الوضع قالولى غير الشكمان علشان مسخن العربيه وغيرت الشكمان وبردوه بيطرد الميه كل ما اروح مشوارين افتح الكابوت علشان احط ميه أنا زهقت:10_9_133: إيه الحل يارجاله
مع العلم عربيتى سوزوكى سويفت 93
إيه يا جماعه محدش عارف الحل ؟؟؟؟
متاكد ان المروحة شغالة مظبوط
السبب ان العربية بتسخن ابحث عن سبب السخونة
بص ياسيدى
اولا شوف المروحه بتشتغل عند سخونه السيارة ام لا
لو كانت شغاله يبقى اكيد فى انسداد فى الريداتير مما يودى الى سخونه المياه ثم اتجاها الى اضعف نقطه عندك الا وهى غطاء القربه
الحل
حاول والعربيه برده تملا القربه على الاخر وضع فمك فى فوهه القربه وتنفخ بقوه
لو وجده المياه راحت من القربه تعرف انه كان فيه انسداد تملا القربه مره تانيه وثالثه وتنفع فى القربه
لكن لو وجده المياه بالقربه ذى ماهيه اذا يجب تسليلك الريداتير والتاكد من ان الخراطيم سليمه
طيب لو المروحه مش شغاله
الحل
تعمل قفله فى الافيزين اللى متوصلين بالترمستات اسفل الريداتير لو المروحه اشتغلت ماشى الحال لو مشتغلتش يبقى العيب فى المروحه ويجب تغيرها
هذا ماعرفه والله اعلم
السلام عليكم ورحمة الله
اخى الكريم المياة بتخرج من خرطوم فايز القربة دة معمول سيفتى عشان المية بتغلى جوة القربة وعشان يحافظ عليك بيخلى المية تخرج من الفايظ عشان ايدك ما تتحرقش لقدر الله ..........يبقى احنا هنا ادام وضع طبيعى ان اما المياة تغلى فى القربة لازم تخرج من الفايظ يبقى مش هانلعب فى الحتة دى .....ولازم نعالج مشكلة السخونية بتاعة العربية ودة بالتوجه الى ورشة ردياتير يكشفلك على دورة التبريد بالكامل ويؤلك اية الخلل عندك وحاول على اد ما تقدر تعمل الموضوع دة بسرعة لان سخونية الموتور دة شىء غلط
نظف الرادياتير واتاكد ان المروحة شغالة كويس..منفعش يبقى جوان وش السلندر
أه المروحه شغاله يا باشااقتباس:
المشاركة الأصلية كتبت بواسطة meeezo333eg
هجرب انفخ فى القربه وبالنسبه للمروحه شغالهاقتباس:
المشاركة الأصلية كتبت بواسطة amro1965
وعليكم السلام ورحمة الله وبركاته هاروح ان شاء الله لبتاع الريداتيرات وهطمنكاقتباس:
المشاركة الأصلية كتبت بواسطة mrastra
ماله جوان وش السلندر ؟؟؟:36_8_1[1]:اقتباس:
المشاركة الأصلية كتبت بواسطة yyy
اكشف على الريدياتير لو مافيهوش حاجه
يبقى لازم تكشف على جوان وش السلندر هاتلاقيه ضارب
قبل ما تعمل اي حاجه اتاكد ان طلمبة الميه شغاله عندك و بتقلب ميه كويس و ان ترموستات الكوعه شغال و مش قافش على القفل
هتملى الرديتير و تسيب الغطا مفتوح و تدوس بنزين وانت بتبص على الميه جوه الرديتير المفروض هتشوف الميه بتجرى جوه الردتير
لو الميه مش بتقلب فى الموتور هتسخن و تغلى و تبخر
و حجمها يزيد تقوم طارده جزء من مية الراديتير الى القربه
لان ده لو محصلش الضغط فى دورة التبريد هيزيد و اضعف حاجه فيها هتفرقع (ممكن خرطوم و ممكن كوعة الترموستات) ز
وديه عمليه بسيطه ولا مشكله الجوان ده ؟؟اقتباس:
المشاركة الأصلية كتبت بواسطة razini89
هجرب والف شكر يا زعيماقتباس:
المشاركة الأصلية كتبت بواسطة l0new0lf
أنا نزلت النهارده وروحت للميكانيكى قالى موش جايبه جوان ولا حاجه وترمبة الميه شغاله وميه ميه والريداتير سليم وعجز عن حل المشكله
!!!!!
الميكانيكى رفع خرطوم الفايز لفوق وبقتش تنقط :36_1_1[1]: وألف شكر يارجاله كان سبب هايف والحمد لله بعد عذاااب المشكله إتحلت
انا عندى نفس المشكلة
عربيتى كانت بموتور ١٤٠٠ سي سي وغيرت المتور ل ١٦٠٠
والموتور بيطرد المياة الى القرية وبتطلع بارده .
وغيرت طلمبة المياة وجوان وش السلندر وشلت بلف الكوعة والمشكلة زى ما هى .
اعمل ايه ؟؟
غير غطا الرادتير واتاكد انك مليت القربة بين الماكس والمينى
يعنى متملاش القربة على الاخر