الطريق من المنصورة......لفندق كتراكت بالهرم

**MoStAfA MaHmOuD** · 23-03-2011 07:01 PM

لو سمحتم عايز اعرف الطريق من المنصورة......لفندق كتراكت بالهرم
انا عارف لحد قليوب واطلع الدائرى بس مش عارف انزل منين بقى

**egypttoc** · 25-03-2011 03:12 PM

لغاية لما يرد عليك حد من الاستاذة علشان انا مبتديء

حتطلع طلعه قليوب و تبقا في الدائري اتجاة الهرم و تمشي علي طول علي طول حتعدي علي النيل في الوراق و حتعدي علي كنيسة علي اليمين و بعدين حتلاقي الطريق بقا ضيق و بطيء و واقف اوي تعالي انت بقا علي الشمال لغاية لما حتلاقي نزلة ميدان الرماية و هي النزلة الوحيدة في الدائري اللي علي الشمال بعدها حتنزل تمشي مسافة صغيرة لغاية لما تلاقي اشارة مرور في ميدان الرماية حتعديها و تخليك في نفس مسارك طوالي لغاية اخر الطريق و تدخل شارع الهرم بعد لما تلف شمال ( اللف يمين بيوديك علي الاهرامات نفسها) انت كدة دلوقتي في شارع الهرم
حتخليك ماشي في شارع الهرم لغاية لما تلاقي جسر المريطية و دة كبري قاطع شارع الهرم بالعرض حتدخل من تحتة يمين حتلاقي ترعة المريطية علي شمالكو تنيك ماشي مسافة كبيرة لغاية لما تعدي من تحت الدائري و تخليك ماشي طوالي حتلاقي الفندق هناك

و فية طريق تاني افضل من دة بكتير هو انك تاخد طلعه قليوب و تنيك واخد الدائري و تاخد جسر المريوطية و لما توصل دائري المنيب تنزل نزلة المريوطية لكن انا معرفش اوصفهولك تفصيلي علشان مجربتوش و الاستاذة هنا ينصحوك افضل مني

**egypttoc** · 25-03-2011 03:17 PM

و دي الخريطة من جوجل يا زعيم
29.964699,31.179068 - Google Search

**egypttoc** · 25-03-2011 03:24 PM

الطريقة الثانية

تاخد طلعه قليوب و تنيك واخد الدائري و تدخل جسر المريوطية و دة حيكون قبل نزلة ميدان الرماية اللي قلتلك عليها في الطريقة الاولي وتنيك ماشي في جسر المريطية لغاية لما توصل دائري المنيب تنزل نزلة المريوطية في الطريق بتاع ترعة المريطية تمشي شمال ( اليمين بيودي الهرم و فيصل) لغاية لما توصل الفندق