الموضوع: حصريا تركيب مرايا طيارة لنيسان صنى و اكسسوارات أخري

تم تركيب على سياراتى نيسان صنى موديل ex 2009 مرايا ضم كهرباء مثل مرايا السوبر صالون ولكن المفاجاءة انها مرايا طيارة مثل مرايات البى ام تغلق وتضم لاعلى

اليكم تفاصيل اليوم والاسعار والتركيبات والشرح

* وصلت لتوكيل مودرن ابورواش الساعة 11:00 صباحا و تم استلام العربية مني في نفس الوقت و استلمت العربية الساعة 4:00 بعد غسلها كاملة وتركيب كافة الاكسسورات اللى طلبتها

* شكر خاص وحار لاخي الحبيب احمد مصطفي اللي تعب معايا اوي اليوم ده و جاء التوكيل و فضل معايا من الصبح لغاية ما العربية خلصت اخر النهار ..فعلا ونعم الاخ والصديق الحقيقى

* وكمان شكر عميق على الخصم الكبير اللى جبهولى عن طريقه , ومكنتش مصدق انى حاخد خصم محترم وكبير كدا ..عملت الواجب وزيادةةةةةةةةة ياحمادة

اسعار التركيبات

* المرايا "طيارة" تمنها الاصلى 1750 وبعد الخصم 1600 جنيه تايواني ... شامل معاها مفتاح سوبر صالون الاصلي اليابانى
* وحدة غلق المرايات 225 وبعد الخصم 125جنيه
* زراع الفوجات سوبر صالون ب 185 جنيه وبعد الخصم 165جنيه
* انذار 550 جنية بعد الخصم ب 440 جنيه
* ميدالية نيسان صني ب30 جنيه من غير خصم

المرايا "الطيارة" ... بمفتاح سوبر صالون الاصلي اليابانى

المرايات بيكون ضمها الي اعلي و هذا عكس مرايات السوبر صالون التي تضم الي الداخل و مرايات الطيارة كما يطلقون عليها .. طريقة ضمها جديدة للنيسان و طبعا مش جديدة كما توجد بالإبيزا و البي ام دابليو و الاوبل.

(مزايا المرايا)

* يوجد بالمرايات تعتييم و هي ميزة رائعة عند القيادة بالليل لأنها مش بتعكس علي السائق النور العالي او الاضاءة من السيارات الخلفية

* يوجد ايضا بالمرايات اشارات التوجيه يمين و يسار وطبعا بتعطى شكل رائع

* و ايضا بيركب مع المرايا زرار و مفتاح العربية السوبر صالون الياباني ويتحكم بالمرايات من الداخل "زجاجة المرايات" و الخارج "جسم المرايات"

* الحاجه الجميلة والمميزة ان للمريات ليها قطع غيار ميكانيكا "تروس" في التوكيل في حالة حدوث اي مشاكل في ميكانيكية المريات من الداخل.

وحدة الغلق

ووظيفتها فقط عند تدوير العربية من الكونتاكت بيتم فتح المرايات اوتوماتيكيا ً و اذا حولت الزرار الي الناحية الاخري فبيكون فتح المرايات Manual من الداخل بدون اللجوء الي الكونتاكت
يعني مثلا و انت ماشي بالعربية و صادف ان في عربية هتعدي من جانبك و يجب غلق المرايات لضيق المسافة يبقي تضغط علي الزرار لغلق المرايات و العربية دائرة في نفس الوقت

زراع الفوجات

قررت تركيب زراع فوجات زي اللي في السوبر صالون لأن لما ركبت الفوجات كان الزرار اللي جاي مع الفوجات مفتاح منفصل و كان متركب بدل السدة اللي مركبة جنب مفتاح المرايات فقررت تركيب زراع الفوجات عشان يكون التحكم من نفس زراع النور لأن كان في اوقات بركب العربية و بيكون المكان مظلم و بدور علي المفتاح لأنارة الفوجات فتركيب الزراع اصبح التحكم اسهل بكتير

جهاز انذار علي نفس ريموت العربية:

الجهاز مالوش ريموتات يعني شغال علي ريموت العربية الاصلي
لو حد خبط العربية بيصدر صوت سرينة الانذار فقط
لو الزجاج اتكسر و حد فتح العربية بيصدر صوت من السرينة و ايضا كلاكس العربية يشتغل في نفس الوقت يعني فضيحة
لو حصل ان الحرامي حط المفتاح في الكونتاكت عشان يشغل العربية مش هتدور خالص
و طبعا جميع وظائف ريموت العربية الاصلي شغالة 100%

اسيبكم مع فيديو وصور تركيب المرايا
اولا الفيديو


[media]http://www.youtube.com/watch?v=EOyOOhMtcNk&feature=player_embedded[/media]

ثانيا الصور



هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x488 الابعاد 100KB.


هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x488 الابعاد 119KB.


هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x488 الابعاد 79KB.


هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x488 الابعاد 87KB.



هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x488 الابعاد 81KB.



هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x488 الابعاد 88KB.


هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x488 الابعاد 101KB.


هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x488 الابعاد 75KB.



الميدالية من مودرن





أتمني يكون التقرير عجبكم
بيشوي Peaceman

المشاركة الأصلية كتبت بواسطة darshing

الف مبرووك يا باشا شكلها تحفه
هو ينفع تركب المريات الضم كهرباء دي في لانسر بومه

الله يبارك فيك يا باشا متشكر جدا لمرورك الكريم
بالنسبة لتركيبها علي اللانسر ممكن حضرتك تسأل كده في الكوربة او الاماكن اللي فيها اكسسوارات عربيات علي المرايات ديه بس لعربيتك لأن معتقدتش ان مراياتي ممكن تركب عند حضرتك و ان شاء الله تلاقيهم

المشاركة الأصلية كتبت بواسطة ahmed88hassan

ما شاء الله
ربنا يباركلك فيهم

متشكر يا استاذ احمد علي محبتك و مرورك الكريم

المشاركة الأصلية كتبت بواسطة ecybrarian

جامد جدا الموضوع دا..احييك عليه..على فكرة انا لقيت الموضوع منشور على موقع "akhbarak.net". مبروك عليك الشغل الجامد دا

الله يبارك فيك يا باشا و متشكر جدا علي مرورك و مباركتك