السلام عليكم
معلوش سؤال للخبراء هوه الجى إم بياخود سلك كام ميلى بالنسبه للسالب والموجب وحوالى كام متر من البطاريه للشنطه مع العيلم السياره سوزوكى سويفت
عرض للطباعة
السلام عليكم
معلوش سؤال للخبراء هوه الجى إم بياخود سلك كام ميلى بالنسبه للسالب والموجب وحوالى كام متر من البطاريه للشنطه مع العيلم السياره سوزوكى سويفت
3-4 ملى يبقى تمام
و الطول بتاع الكهربا اعتقد هايبقى ممكن 5 متر
مش عارف بالظبط بس قول 6 متر مثلا 6 متر و نص
كهربا و ارضى
5 متر كهرباء 3 مللي على الأقل (يفضل 4 مللي) --- وإذا الجي إم أقوى من 1000 واط يبقا لازم سلك 5 مللي
4 متر سيجنال أو ريموت (إشارة من الكاسيت للجي إم) وده ينفع نصف مللي أو فردة واحدة من سلك سماعات
نصف متر فقط للأرضي نفس تخانة سلك الكهربا
مع مراعاة التالي:
سلك الكهربا من البطارية للجي إم مباشرة وضروري جدا تحط فيوز بعد 15 أو 20 سم من البطارية
سلك السيجنال من الكاسيت للجي إم
إذا الكاسيت مافيهوش خرج سيجنال يبقا يتوصل على فيوز من الكونتاكت للجي ام (عشان مايشتغلش غير لما تفتح كونتاكت)
ولو حابب تتحكم في القفل والفتح يبقا السيجنال من الكونتاكت + تعملله مفتاح
سلك السيجنال لا يتم توصيله على البطارية مباشرة في أي حال من الأحوال (خطأ شائع)
لأنه كده الجي ام هايفضل شغال على طول والبطارية هاتنام
وحتي ولو عملته بمفتاح فانت ممكن تنساه مفتوح وتصحي الصبح تلاقي البطارية ميتة
سلك السيجنال لا يتم توصيله على سلكة الأنتنا الكهربا في الكاسيت (خطأ شائع)
حيث أن معظم الكاسيتات الحديثة مش بتدي إشارة للأيريال غير لو قلبت على الراديو
سلك الأرضي لا يتم توصيله بالبطارية على الإطلاق (ده خطأ شائع)
سلك الأرضي يتربط في أقرب مسمار أو صامولة تحت الكنبة أو قرب مكان تثبيت الجي إم لمنع أي تشويش في الصوت
سلك الأرضي لا يزيد طوله عن نصف متر
جميع سلوك الكهرباء تمشي من جانب السواق
جميع سلوك الـrca تمشي من الجانب الآخر
لأن لو سلوك الـrca مشيت جنب سلوك كهرباء بتعمل تشويش من المجال المغناطيسي الصادر من سلوك الكهرباء
وماتقلبش الجنبين (يعني ماتجيبش سلوك الـrca جانب السواق وسلوك الكهرباء الناحية التانية)
ليه ؟
لأن ضفيرة العربية أصلا اللي رايحة للجزء الخلفي والشنطة والفوانيس بتكون أساسا ماشية ناحية السواق
ولو فيه صب ووفر ماتوصلهوش للجي إم بسلك سماعات..
وصله بسلك كهربا 3 مللي عشان تقلل مقاومة السلك وتطلع أحسن باور للصب
و ممكن تريح بالك وتشتري kit كاملة من التوفيقة تحتوي على كل الكلام ده والأسعار من 35 حتى 50 جنيه
وحاول تجيب أنضف حاجة مع العلم انه مش شرط يكون الغالي هو اللي نضيف
(تبص على سلك الكهربا من جوة وتجيب النوع اللي فيه أتخن سلك)
5 mm
ولو فيه اكبر هات انت مش خسران حاجه
:)
اقتباس:
سلك الكهربا من البطارية للجي إم مباشرة وضروري جدا تحط فيوز بعد 15 أو 20 سم من البطارية
شكرا على المعلومات يا سلامونتى باشا استاز فى الصوتيات
بس موضوع بعد 20 سسم ده صعب لان كده الفيوز حيبقى فى الحوض جنب البطاريه وكل مره تغسل الحوض والموتور حتغير الفيوز طبعا لان المياه حتبوظه
انا عامله اول ما السلك داخل العربيه يعنى تحت التابلوه كده وعامل 2 فيوز واحد للأرضى وواحد للموجب
بس فيه سؤال انا واخد من السلك للكاسيت والولاعه عشان mp3 يعنى سلك 4 مللى جاى من البطاريه على الكاسيت وبعد كده على الجى ام ورا ده كده صح ولا غلط على الكاسيت او الجى ام
وارضى الجى ام واخده من مسمار فى الشنطه فعلا
لو هاتجيب الكيت بتاع راديو شاك مش هاتلاقي معاه فيوز
هاتشتري علبة الفيوز + الفيوز بتاعها من التوفيقية بعشرة جنيه
ومافيش أي مشكلة لو مدي الكاسيت من نفس كابل الكهربا إذا مافيش كهربا ليه أساسا من ضفيرة العربية
وبالنسبة لأن الفيوز هايبقا في حوض العربية جنب البطارية فده شيء عادي ومافيهوش أي مشاكل
ما نص فيوزات وكتاوت العربيات الحديثة بتبقى في الحوض جنب البطارية
غير ان الفيوز بيبقا مغلف في علبة بلاستيك تمنع دخول المية ليه
وحتى لو دخلت فيه مية نشفها عادي ومافيهاش أي ضرر ومش هاتحتاج تغيره ولا حاجة لأن المية مش هاتبوظه
طب دلوقتي انا عندي جي ام 600 وموصله ع صب 1100 بسلك 2 مللي ايه الكلام:shyy:
وكمان مش ع بطاريه انا موصله ع سلك اللي داخل لعلبه الفيوزات
وجبت ع فكره كيت من التوفيقيه ب 35 جنيه وشلته تاني يوم حسيته مش تمام
الكلام دة عنب اوى
لو جي إم منهم اتحرق أو حصلت فيه قفلة هاتولعلك ضفيرة العربية كلها وتسيحلك كل حاجة السلك معدي من عليها
ابتداءاً من اي حاجة بلاستيك في حوض العربية جنب البطارية مروراً بالكاوتشة اللي معدي منها السلك للصالون وبعدها الفايبر بتاع التابلو والعتب ثم الموكيت وأخيرا الكنبة الخلفة..
يعني بالبلدي احتمال كبير أوي لو ماعرفتش تتصرف يبقا العربية هاتولع وانت واقف جنبها
التصرف الوحيد اللي ممكن ينقذك في الحالة دي هو فصل قواطيش البطارية
وده بالتأكيد هايكون شيء صعب جدا لو كانت مربوطة بضمير
تستخسر فيوز بعشرة جنيه يغنيك عن كل الكلام اللي فوق ده ؟!؟!
مش عارف اوصفلك شكله ازاي بصراحة..
انزل التوفيقية واسأل على الكيت بتاعة توصيل الجي إم
لما تشوفها بص على شكل الفيوز اللي جواها
(حتة بلاستيك شفافة طول صباعك بس تخينة شوية وجواها فيوز زجاجي كبير)
كده عرفت شكله ..
هاتلاقيه بيتباع لوحده من غير الكيت في حدود 7 أو 10 جنيه
اشتريه لوحده بدل ما تشتري الكيت كلها لأن أسعار الكيت من 40 لـ60 جنيه تقريبا
ولو رحت لأي كهربائي مابيفهمش هايركبهولك في دقيقتين واديله 5 جنيه تبقا كرمته آخر كرم
أو لو بتفهم شوية في الفك والتركيب والحركات دي هاتعرف تركبه لوحدك مش هاياخد في إيدك 5 دقايق
أو يا سيدي لو انت قريب من المهندسين أو الهرم يبقا راسلني عالخاص اديك رقمي نتقابل واركبهولك في دقيقة واحنا واقفين مع بعض
واهي فرصة نتعرف ببعض وكل واحد يشوف الصوت في عربية التاني
بعيد عنك الحركة دي إدمان
ماينفعش عربية فيها عدة تعدي من قدامي غير لما ابقا عايز اسمع الصوت فيها شكله إيه
أنا تقريبا عامل تعديلات على عدد الصوت بتاعة نص عربيات المنتدى :shyy:
أنا نزلت التوفيقيه إمبارح وجيبت الكيت ديه كامله وقالى بـ 45 قولتلوا 35 قالى أوك وهيه عباره عن كابل 5 متر وكابل نص متر أرضى ووصلة أر سى إيه و فيوز وفعلا الفيوز زى ما قال الباشمهندس سلامونتى
حتة بلاستيك شفافة طول صباعك بس تخينة شوية وجواها فيوز زجاجي كبير بس أنا هحط الفيوز ده فى الكابوت علشان موش طالبه زحمه تحت التابلوه المهم موش لاقى وقت علشان أركبهم ده غير إنى جيت أدور العربيه الصبح وأنا رايح الشغل لقيتها نامت وروحت عند بتاع البطاريات قالى البطاريه بايظه
وجيبت واحده جديده ب 270 جنيه .... كويس إنها باظت قبل ما أعمل الموضوع ده لحسن كنت هفكر إنها باظت من توصيلاتى
:d
لالا ماتكروتنااش صورهلنا عشان انا نازل الاثنين اشترى الكيت ده؟؟؟
طيب يا استاز سلامونتى انا وصلت الجى ام بتاعى انهارده سيمفونى eq 500 القديم 600 وات
وفيه زنه فى السماعات وبتزيد مع دوسه البنزين لكن والعربيه مش دايره مفيش اى اصوات ولا الهوا
وقبل مركب الجى ام برضه مكانش فيه زنه او اى حاجه
وانا عامل كل اللى انت كاتبه بالظبط وسلك الارض تقريبا 80 سمم وهو والموجب 4 مم
اعمل ايه عشان اضيع الزنه الغبيه دى
اوبا كده الفكرة فى السلوووك يارجااالة
متابع
كل عيوب الزنة والصفارة والتشويش هي أولا وأخيرا بتكون عيب أرضي مالهاش أي سبب تاني
الهدف كله بقا تفتيح مخ وشوية مجهود لحد ما تعرف عيب الأرضي ده منين بالظبط وإيه سببه
الحجات الشائعة كالتالي:
سلك الأرضي بتاع الجي ام رفيع
النقطة أو المسمار اللي الأرضي مربوط فيه عليه دهان عامل عزل
أرضي الآر سي إيه مش كويس (السلك رديء)
دايرة الأرضي بتاعة الآر سي إيه مش مقفولة
جسم الكاسيت وجسم الجي ام واخدين أرضي ولا مش واخدين أرضي
لو فيه صوت تكتكة مع الأنوار معينة أو مع الكلاكس راجع الكتاوت الخاصة بيهم
وأخيرا سعات بتطلع عيب موبينة أو سلوك بوجيهات
ا[SIZE="4"]نا لسه مجربتش حاجه لانى ركبت الجى ام الساعه 1 باليل والكهربائى كان عاوز يروح وهو انا اللى مركبه والكهربائى روحتله عشان يخرم ويثبت الجى ام ويعدى السلك من تحت الفرش فى الجنبين
نمسك نقطه نقطه معاك واشوف المشكله فين
لا كويس وهو مسمار انا خرمته فى جسم العربيه وسلك الارضى نفس سلك الموجب بالظبط 4 مم تقريبا وممكن ازود ارضى كمان لو حيضيع الزنهاقتباس:
سلك الأرضي بتاع الجي ام رفيع
النقطة أو المسمار اللي الأرضي مربوط فيه عليه دهان عامل عزل
السلك تخيييييييين جدااااااااااا بس ممكن يكون من جوه رفيع فعلا انت عارف الغش بتاع الاسلاك وانا مش عاوز اقطعه وابوظه عشان اشوف السلكاقتباس:
أرضي الآر سي إيه مش كويس (السلك رديء)[
بس حخليه ااااخر حاجه لو هو وحش حغيره
مش فاهم يعنى ايهاقتباس:
دايرة الأرضي بتاعة الآر سي إيه مش مقفولة
بس سمعت ان فيه ناس بتاخد طرف ارضى وتوصله بأرضى ال rca[/COLOR]
جسم الجى ام متثبت فى شاسيه العربيه بمسماراقتباس:
جسم الكاسيت وجسم الجي ام واخدين أرضي ولا مش واخدين أرضي
وجسم الكاسيت هو اللى مش ملمس اى ارضى خالص
للا مفيش تكتكهاقتباس:
و فيه صوت تكتكة مع الأنوار معينة أو مع الكلاكس راجع الكتاوت الخاصة بيهم
وأخيرا سعات بتطلع عيب موبينة أو سلوك بوجيهات
وبالنسبه للموبينه او الاسلاك فلو كان فيهم مشكله كانت حتظهر مع الكاسيت الاول ومكانش فيه اصوات خااااااالص
بس هل ينفع اجيب مكثف 10000 واوصله بموجب وارضى الجى ام عشان لو فيه اى شوشره من الموبينه او الدينامو تضيع ولا مينفعش اعمل الفكره دى
مبدئيا وصل جسم الكاسيت بأرضي..
ونقطة المكثف فهي مالهاش أي علاقة بالزنة نهائيا..
قفل دايرة الآرسي إيه فعلا عبارة عن توصيل الطرف الخارجي من كل فردة بأرضي العربية
(الطرف الخارجي المدور مش الصباع اللي في النص)
بس دي خليها التجربة التانية بعد توصيل الأرضي لجسم الكاسيت
شكرا يا رجاله حجرب وارد عليكم واقولكم على النتيجه ان شاء الله