هكذا تحدث خبراء الغـش التجـارى فى مصـر

**marsguy** · 12-04-2008 03:17 PM

يا جماعه أنا شفت زيتون أسود بيتباع عتد بتوع الخضار عشان التخليل

يعني في زيتون إسود في مصر عادي، مش كل زيتون إسود يبقى مدهون بصبغة جزم

ولا إيه؟ أصل أنا باحب الزيتون أوي

أفيدونا أفادكم الله

**PRO-DRIVE** · 12-04-2008 03:18 PM

كأن الموضوع مكرر قبل كدا هنا !!

**محمد ابراهيم 1** · 13-04-2008 12:02 AM

يبقى إنت أكيد فى مصر

وتلاقى أصحاب المصانع دى مقاطعين المنتجات الدنماركيه والأمريكيه
عشان الإساءه اللى حصلت للرسول عليه الصلاه والسلام

هؤلاء هم أكبر إساءه للإسلام والمسلمين
( من غشنا فليس منا )

**Karim_Monir** · 13-04-2008 12:43 AM

فعلا في زيتون اسود في مصر بيجي من واحة سيوة
ولونة مش اسود قوي كدة
لون شبة الزيتون الكلاماتا اليوناني اللي الكيلو ابو 60 جنية والحبة منتفخة مش رفيعة وطويلة
لكن الاسود ابو 3 جنية و5 جنية ده فعلا بورنيش جزم ولو مسكتة بايدك هايطلع لون اسود في ايدك
كمان موضوع البنزين ده شبة مستحيل لان محطات ال 95 قليلة وكل الطلمبات عليها ختم مصلحة الموازين

**أبومعاذ** · 13-04-2008 01:13 AM

يا ريت الأخ صاحب المضوع يقولنا مصدر الموضوع و دليله لأن موضوعات زي دي بتجيب بلبلة لينا و قرف و تخلينا نفقد الثقة في كل حاجة فياريت يجيب الدليل على الكلام ده او ياريت يبطل ينشر كلام ملوش عنده دليل

**Mido80** · 13-04-2008 09:50 AM

اللهم ارحمنا وارفع الظلم عنا

**MMamdouh** · 13-04-2008 01:26 PM

فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده

ده غير مزرعة فراخ امريكانا اللي في برج العرب اللي بتورد الفراخ لمطاعمهم ..اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح

معلش عايز اقول حاجة للمرة التانية... الكلام دة مكتوب فى ايميل اساسا و بيتداول من زمان وواضح ان اللى كتب الجزء دة معندوش فكرة عن اى حاجة فى صناعة التفريخ

اولا انا والدى مهندس زراعى و بيشتغل فى المهنة دى من 40 سنة

الفراخ اللى بيتكلموا عليها دى مش زى الفراخ البلدى العيانة اللى الناس بتشوفها... دى فراخ من سلالات معينة ليها صفات غير الفراخ البلدى خالص

فيه سلالة بتاعت التسمين و دى فى خلال 45 يوم بتتحول من كتكوت الى فرخة وزنها 1.5 كيلو بالتقريب و دى الى بيتكلوا عليها فى الرسالة... الكتاكيت دى مش زى اللى بتتباع على الرصيف بربع جنية و تموت بعد يومين... دى كتاكيت فاطس و بتبقى رايحة للاعدام من معامل التفريخ و ناس بتاخدها تبيعها للعيال بتوع المدارس اما كتاكيت التسمين بتبقى غالية جدا و الكتكوت الواحد بيعمل حوالى 3 الى 4 جنية حسب سعر السوق

اكيد مفيش واحد مربى عايز يكسب حيشترى كتاكيت من اللى بتطلع فراخ بلدى و تاخد علف لمدة 4 شهور عشان يدوبك تحصل الكيلو... كتاكيت التسمين بتكسب وزن عالى فى فترة قليلة و عشان كدة هى مربحة و غالية

حوار الهرمونات و الكلام دة فتية جامدة جدا لان اولا الهرمونات دى لو موجودة اصلا حتبقى غالية و اللى بيربى مبيربيش جوزين فراخ... دا بيبقى عنبر اقل ما فيه 5000 كتكوت... طيب حتجيبلهم هرمونات بكام و تحقنهم بكام؟؟؟ اللى قال القصة دى اكيد كان بيتفرج على الفلم بتاع سعفان ابراهيم لما كان مربى الديك لهيطة و بيديلة حقنة الذرة المغلى

و بردة كانت طلعت اشاعة ان المربييت بيدوا الفراخ حبوب منع الحمل عشان تكبر... ايه دخل حبوب منع الحمل بتاعت البنى ادمين فى الفراخ؟؟؟ و حتشترى حبوب منع حمل بكام عشان عنبر فيه 5000 فرخة على الاقل؟؟

يا ريت محدش يتداول الادعاءات بدون تدقيق... و من خلال النقطة اللى انا اعرفها كويس يبقى لازم اشك فى باقى المعلومات اللى مذكورة فى النشرة دى

MMamdouh

-

الموضوع: هكذا تحدث خبراء الغـش التجـارى فى مصـر

LinkBack

أدوات الموضوع

عرض

-

-

-

-

-

-

المواضيع المتشابهه

ظاهرة تحدث مرة كل 2737 سنة في مصر ...!!!

أنا او الفوضى .. هكذ تحدث الرئيس المخلوع

مهزلة تحدث في الأسكندرية ..

تحدث حتى اراك

الكلمات الدلالية لهذا الموضوع

المفضلات

المفضلات

ضوابط المشاركة