الموضوع: هكذا تحدث خبراء الغـش التجـارى فى مصـر

خلاص ياباشا انا مت خلاص

هذا الكلام صحيح 100* 100 و لا داعى للتشكيك فيه و خداع الناس اكثر من ذلك لانه من مسؤول كبير فى وزارة التموين و هو زبون عندى و قد تم اضافة تجارب شخصية اليه من الواقع و هناك الكثير و الكثير و اظن ان كل هذا لن يأتى اكثر من دبح الحمير النافقة و بيعها للناس و لكن لا اريد ان اسود الدنيا لكم اكثر من ذلك و الهدف من الموضوع هو الحذر و تجنب اكل الشارع بقدر الامكان و فى نفس الوقت البحث عن حل لهذه الكوارث

المشاركة الأصلية كتبت بواسطة محمدعيسى

يا ريت الأخ صاحب المضوع يقولنا مصدر الموضوع و دليله لأن موضوعات زي دي بتجيب بلبلة لينا و قرف و تخلينا نفقد الثقة في كل حاجة فياريت يجيب الدليل على الكلام ده او ياريت يبطل ينشر كلام ملوش عنده دليل

المشاركة الأصلية كتبت بواسطة MMamdouh

معلش عايز اقول حاجة للمرة التانية... الكلام دة مكتوب فى ايميل اساسا و بيتداول من زمان وواضح ان اللى كتب الجزء دة معندوش فكرة عن اى حاجة فى صناعة التفريخ

اولا انا والدى مهندس زراعى و بيشتغل فى المهنة دى من 40 سنة

الفراخ اللى بيتكلموا عليها دى مش زى الفراخ البلدى العيانة اللى الناس بتشوفها... دى فراخ من سلالات معينة ليها صفات غير الفراخ البلدى خالص

فيه سلالة بتاعت التسمين و دى فى خلال 45 يوم بتتحول من كتكوت الى فرخة وزنها 1.5 كيلو بالتقريب و دى الى بيتكلوا عليها فى الرسالة... الكتاكيت دى مش زى اللى بتتباع على الرصيف بربع جنية و تموت بعد يومين... دى كتاكيت فاطس و بتبقى رايحة للاعدام من معامل التفريخ و ناس بتاخدها تبيعها للعيال بتوع المدارس اما كتاكيت التسمين بتبقى غالية جدا و الكتكوت الواحد بيعمل حوالى 3 الى 4 جنية حسب سعر السوق

اكيد مفيش واحد مربى عايز يكسب حيشترى كتاكيت من اللى بتطلع فراخ بلدى و تاخد علف لمدة 4 شهور عشان يدوبك تحصل الكيلو... كتاكيت التسمين بتكسب وزن عالى فى فترة قليلة و عشان كدة هى مربحة و غالية

حوار الهرمونات و الكلام دة فتية جامدة جدا لان اولا الهرمونات دى لو موجودة اصلا حتبقى غالية و اللى بيربى مبيربيش جوزين فراخ... دا بيبقى عنبر اقل ما فيه 5000 كتكوت... طيب حتجيبلهم هرمونات بكام و تحقنهم بكام؟؟؟ اللى قال القصة دى اكيد كان بيتفرج على الفلم بتاع سعفان ابراهيم لما كان مربى الديك لهيطة و بيديلة حقنة الذرة المغلى

و بردة كانت طلعت اشاعة ان المربييت بيدوا الفراخ حبوب منع الحمل عشان تكبر... ايه دخل حبوب منع الحمل بتاعت البنى ادمين فى الفراخ؟؟؟ و حتشترى حبوب منع حمل بكام عشان عنبر فيه 5000 فرخة على الاقل؟؟

يا ريت محدش يتداول الادعاءات بدون تدقيق... و من خلال النقطة اللى انا اعرفها كويس يبقى لازم اشك فى باقى المعلومات اللى مذكورة فى النشرة دى

MMamdouh

+ 1000000000