الموضوع: تجربه قياده السيراتو الجديده بالفتيس ال6 سرعات

انا حبيت انقل تجربتي لقياده الفتيس الجديد هي اه كانت قصيره لكن هقول انطباعي عنها و هي كانت لم تدعدي ال130 كم في العداد
صوت محرك هادء نسبيا في المشي لكن و هي وقفه واحد طبعا
الكراسي اطري من الجلد الي عندي و اطري من العاديه لاني كان معايا 3 سيراتو دي و واحده 2010 ex و بتعتي و اتشقلبت مبنهم
هي كانت الكامله ex خليجي
و الفرق الي لحظته
البلوتوث و هو جميل فعلا و عملي
نور الطبلو ليه لمبه و الشبوره لمبه اما عندي الطبلو ملهوش
النقلات جوه الكمبيوتر مش في مربع لوحدها و الكمبيوتر شكله متغير للأجمل
مفيش طبعا الفيار الاحمر ولا السي دي ال6 اسطوانات ولا الزرار الي بيرفع النور الامامي و ينزله ولا الدواسات النيكل ولا شكمان نيكل ولا ال ebd ولا الفرش الجلد ولا بصمه ولا سينسور!! و مفيش جلد في الطبلو خالص و 1 اير باج بس مش فاهم ليه!
الليدات الي في المرايات شيك الحقيقه و بردو الفتيس شيك و نوره احمر هادي و بيكون النور احمر قوي علي النقله الي انت عليها و واضح جدا و عجبني الحقيقه دراعات النور و المساحات مختلفه و حاسس ان خاماتها اعلي و المفتاح الجديد الحقيقه شيك اوي هو كمان

انا جربتها جوه البلد بس و نفس كبسه البنزين الي بدوسها في ال4 نقلات الي بيكون عندها ال rbm عند 2000 في دي عند 1500 و صوت الموتور بيكون هادي و بردو الاداء كويس لكن الي اديقت منه جدا اني بردو بحس بالنقلات زي ال4 دي حاجه قفلتي جدا جدا لاني كنت بجربها و عاوز انزل و اقول هي دي الفنتزيا الصغره!
اما عن الاداء هو فعلا حاسس انه اقل شويه من ال4 بس مش بفرق كبير و ان شاء الله بعد ما يخلص تليين و يفتح الموتور هبقا اعمل ريس معاه و اصوره و نشوف فعلا في فرق في الاداء ولا مجرد احساس
و العفشه هي هياها بنشوفيتها برزعتها بعصبيتها مفيش ادني فرق
بس هي دي اهم نقاط يارب اكون افدكم
تقبلو تحياتي
وشكرا

المشاركة الأصلية كتبت بواسطة tiger45

ربنا يباركلك فيها

الله يخليك يا باشا

المشاركة الأصلية كتبت بواسطة amr mokhtar

شكرآ على التقرير
فى إنتظار تيست درايف ما بين الفتيس ال4 نقلات و ال6 نقلات
ده هيوضح الفرق جدآ

بس انت تقصد إيه انك بتحس بنقلات الفتيس جامد؟؟

ان شاء الله اول ما يفتح الموتور هنعمل ريس و هرفعه هنا
يعني اني بحس بالنقلات مش زي ال4 اه بس بحس بيها بشكل ملحوظ

المشاركة الأصلية كتبت بواسطة thunder155

فى الاعلان بتاعها بيقولوا 6 أنعم من 4

هل فعلاً حسيت الفرق ده , و هل الموضوع يستاهل ؟

لا مش فرق يستاهل خالص الفرق بنها و بين ال4 مش كبير يعني لما اقارن بنها و بين الاوكتفيا ولا الباسات في النعومه فرق السما من الارض و دي حاجه ديئتني جدا يعني منين 6 نقلات و منين احساس بالنقلات و النتشه بتاعت التاني زي ما هي
لكن ربنا يسهل ان شاء الله يكون في تطور و هنشوف الانترا الجديده الفتيس بتعها نظامه ايه