| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 6 من 6

  1. #1

    الصورة الرمزية human

    رقم العضوية : 20140

    تاريخ التسجيل : 25Sep2008

    المشاركات : 6,879

    النوع : ذكر

    الاقامة : Cairo

    السيارة: مافيش عربيه تانيه!!

    السيارة[2]: ميجان

    دراجة بخارية: عجله شوبر

    الحالة : human غير متواجد حالياً

    افتراضي تصورك للمرحله القادمه - دعوه مفتوحه للنقاش - Facebook Twitter whatsapp انشر الموضوع فى :

    hasad">

    - هذا موضوع عام للنقاش حول المرحله القادمه و ما نستطيع ان نقدمه او ما نستشفه من قراءه الوضع الحالى و التحديات الاقتصاديه و الاجتماعيه و السياسيه كفيفيه العمل لتخطى المرحله الحاليه


    - الموضوع غير مخصص للنقاش الدينى و المذهبى برجاء الالتزام بحدود الموضوع

    مصر هتفضل غالية عليا
    -------------------------------
    الديك الحلبي هايفضل يدن لغاية ما يتدبح


  2. #2

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    شفت مش قلتلك انك لما تفتح موضوع بيتكلم عن المرحلة المقبلة والعمل والجد والاجتهاد مش هتلاقي حد يرد عليك ولكن مواضيع الدين والاخوان وغيرهم ياااااااااااااااه انت عارف الباقي

    ردي ده كان في الموضوع اللي انت كتبت فيه .......استمروا

    م / إيهاب منصور
    SEAT CORDOBA 2002 1.0 16V AVZ


  3. #3

    الصورة الرمزية human

    رقم العضوية : 20140

    تاريخ التسجيل : 25Sep2008

    المشاركات : 6,879

    النوع : ذكر

    الاقامة : Cairo

    السيارة: مافيش عربيه تانيه!!

    السيارة[2]: ميجان

    دراجة بخارية: عجله شوبر

    الحالة : human غير متواجد حالياً

    افتراضي -

    اقتباس المشاركة الأصلية كتبت بواسطة ehab_mansour مشاهدة المشاركة
    شفت مش قلتلك انك لما تفتح موضوع بيتكلم عن المرحلة المقبلة والعمل والجد والاجتهاد مش هتلاقي حد يرد عليك ولكن مواضيع الدين والاخوان وغيرهم ياااااااااااااااه انت عارف الباقي

    ردي ده كان في الموضوع اللي انت كتبت فيه .......استمروا
    هيظهروا ان شاء الله

    مصر هتفضل غالية عليا
    -------------------------------
    الديك الحلبي هايفضل يدن لغاية ما يتدبح


  4. #4

    الصورة الرمزية Ahmed Anwer

    رقم العضوية : 794

    تاريخ التسجيل : 27May2007

    المشاركات : 3,700

    النوع : ذكر

    الاقامة : Cairo

    السيارة: هيونداي فيرنا أوتوماتيك 2007

    السيارة[2]: رينو فلوينس

    دراجة بخارية: No

    الحالة : Ahmed Anwer غير متواجد حالياً

    افتراضي -

    * إئتلاف إنتخابي لقوي الثورة بناء علي أرضية مطالب مشتركة ،، بما فيهم الأخوان المسلمين

    (( علي فكرة مش لازم يعني المرشحين يكونوا من شباب الثورة أو كوادر الأحزاب ،، الصح إن يتفق علي المبادئ ،، ثانيا تحديد اسم (( ائتلاف الثورة )) المتبني لهذه المبادئ (( علي أن لا تتعارض هذه المبادئ مع الدين و يذكر ذلك جيدا )) ،، بعدين إعلان بعد كده عن المبادئ و فتح باب للمرشحين المستعدين لخوض الإنتخابات تحت لواء و مبادئ (( إئتلاف الثورة )) ،، دراسة مرشح كل دائرة من ناحية شعبيته و قابليته عند أهل الدائرة و من ناحية تاريخه لا يكون ملوث فقط (( مش لازم يعني يكون معاه شهادة بات كام ليلة في ميدان التحرير و لا وقف كام مرة وقفات احتجاجية )) و تعهده بالإخلاص للمطالب المشتركة

    بالصورة دي الإئتلاف هيكون قادر أما علي الحصول علي الأغلبية أما أن يكون نسبة كبيرة من البرلمان تضمن توجيهه لتحقيق أمال الشعب

    دي رؤيتي للعبة الانتخابات ،، عشان لو اعتمدنا علي الشباب و المثقفيين كمرشحين ،، يبقي نستناهم خمستاشر سنة عقبال ما يبنوا أرضية في قري و مدن مصر المختلفة

    دي اهم نقطة دلوقتي ،،، و خوضت فيها بالتفاصيل عشان أحاول أحط خطة محددة الملامح و منطقية


  5. #5

    الصورة الرمزية Abo_Lina

    رقم العضوية : 624

    تاريخ التسجيل : 13May2007

    المشاركات : 2,860

    النوع : ذكر

    الاقامة : cairo

    السيارة: corolla 07 - wife's

    السيارة[2]: megane 05

    دراجة بخارية: none

    الحالة : Abo_Lina غير متواجد حالياً

    افتراضي -

    مرحلة صعبة نمارس فيها الديموقراطية لأول مرة في حياتنا و نبدو فيها كشعب كطفل في أول مراحله التعليمية ..
    و لكني متفائل أن القادم أفضل .. طريق وعر و لكن لابد أن نمشيه كما مشاه غيرنا من قبل

    Tyler_durden سابقا
    المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب


  6. #6

    hh

    الصورة الرمزية hh

    رقم العضوية : 3040

    تاريخ التسجيل : 06Nov2007

    المشاركات : 772

    النوع : انثى

    الاقامة : cairo

    السيارة: toyota corolla 2009

    السيارة[2]: Nissan Sunny 2008

    دراجة بخارية: لا يوجد

    الحالة : hh غير متواجد حالياً

    افتراضي -

    hasad">

    أنا كنت عملت موضوع أسمه "بعد الاستفتاء كيف نعيد تنظيم الصفوف" بس الحقيقة الردود كانت قليلة, الناس كانت منهمكة في الخناقة بين نعم و لا

    ده كان رأيي للي المفروض يحصل الفترة القادمة

    "
    يا جماعة في البداية أحب أوضح ان أنا مش بنتمي لأي حزب أو تيار سياسي أو ديني. أنا بس واحدة مصرية شايفة ان المصريين عملوا انجاز رائع اتمنيناه كلنا من سنين, و نفسي يكمل على خير و نقدر نوصل ببلدنا لبر الأمان.

    اللي أنا شايفاه قدامي دلوقتي ان الناس ابتدت تتفرق و كل مجموعة ليها رأي و عايزة توصله بأي طريقة وبقيت شايفة محاولات واضحة - الله أعلم مين بيدعمها - للفتنة بين الناس و للأسف اننا منقادين وراها من غير تفكير.

    اللي انا عايزة أقوله - و لأول مرة اكون نفسي ابقى منضمة لأي تيار سياسي عشان أقدر أوصل صوتي - انه لسة بدري أوي على اننا ننقسم بالشكل ده لأن الهدف الاساسي اللي وحدنا و خلى المصريين باختلاف تياراتهم و توجهاتهم يتوحدوا لسة منتهاش. أحنا يمكن حطينا رجلنا على أول الطريق, انما الطريق لسة طويل و صعب و فيه ناس كتير مصلحتها انها تخلينا نحيد عنه.

    دلوقتي الناس كلها مشغولة بالاستفتاء و بتخون بعض و عمالين نرمي الاتهامات يمين و شمال, انما المفروض انه خلاص الاستفتاء ده مرحلة و عدت و مكانش متش كورة واحد كسب و عمال يغيظ التاني و التاني يقول له أصل انتو اشتريتوا الحكم!!!!!!!! النتيجة في الأخر كلنا عارفين انها متقاربة المهم الخطوة الجاية المفروض نعمل ايه؟؟؟

    دلوقتي احنا داخلين على انتخابات مجلس شعب و شورى, و كدة كدة الأخوان قالوا انهم مش حينافسوا الا على 30-40% من المقاعد. ده على فكرة ذكاء سياسي من الأخوان, و هو ده الصح انهم يعملوه, لأنهم لو فتحوا صدرهم و حاولوا يسيطروا على المجلس حيدوا فرصة لأي حد ضدهم انه يضرب فيهم و يخوف الناس منهم و من أنهم عايزين يسيطروا على الحكم و يقلدوا نموذج الحكم الايراني. و ساعتها كتير من الناس بدل ما تبقى معاهم حتبقى ضدهم لأن الأغلبية من المصريين للأسف يمكن عندهم تعصب لدينهم انما من غير تدين حقيقي - الا من رحم ربي طبعا - فسهل تقول له المادة التانية و مسلمين و كفار فيجري يصوت بنعم, انما لو ابتدى شغل التخويف و دول حيلغوا السياحة و يمنعوا التليفزيون و يضربوا الناس عشان تصلي زي السعودية.....الخ, الناس حتبعد عنهم و يبقوا بينتحروا سياسيا. مش معنى كدة انهم مستحيل يوصلوا لأغلبية في يوم من الأيام - و أكيد ده هدفهم - انما مش من أول مرة يشتغلوا في النور, لازم يبنوا ثقة مع الناس الأول.

    البرادعي قبل كدة بعد مبارك ما مشي على طول كان قال في لقاء على العربية ان البديل لو الدستور متلغاش و الأنتخابات البرلمانية كانت قبل الرئاسية انه يحصل أئتلاف بين قوى المعارضة بحيث تمثل جبهة قصاد بقايا الحزب الوطني و رجال الأعمال اللي حيحاولوا يدخلوا بكل قوتهم عشان ياخدوا أكبر عدد ممكن من المقاعد, و الأخوان برضه كانوا قدموا مبادرة شبه كدة. طبعا فيه ناس حتقول ان الحزب الوطني انتهى و بقى كارت محروق و محدش حينتخبهم انما الكلام ده مش واقعي لأكثر من سبب. أولا اغلبنا ميعرفش من الحزب الوطني غير الصفوف الأولى أو الناس الكبيرة بس, انما فيه صف تاني و تالت منعرفش حاجة عنه و أسهل حاجة انه يدخل كمستقل و يكسب و لينا في انتخابات 2005 عبرة. ثانيا مازال فيه دوائر كتير في مصر بتتحسم بالعائلات و العصبيات القبلية خصوصا في الصعيد و القرى و ساعات في المدن كمان و في الحالة دي مش حيفرق مع الناس اذا كان المرشح حزب وطني و لا لأ.

    يبقى المطلوب دلوقتي أن كل القوي السياسية تتوحد مع بعض و تدخل الأنتخابات كائتلاف قوي معلن عنه بغض النظر عن الايدولوجيات. و سهل يتم تقسيم الدوائر حسب التواجد الحقيقي في الشارع, يعني أنا أقترح مثلا ان الأخوان ينافسوا على 35% زي ما هما محددين, و يبقى المفكرين السياسيين المستقلين و شباب الثورة و الأحزاب الجديدة بينافسوا على 30%, و المسيحيين 10%, و الأحزاب القديمة(وفد, تجمع, ناصري........الخ) 25%. طبعا توزيع الدوائر لازم يكون واقعي باختيار مرشحين ليهم تواجد في كل دايرة بحيث انك تضمن ان بشعبية المرشح زائد دعم انصار التيارات المختلفة ليه انه فرصته تكون كبيرة جدا و تقدر تاخد أغلبية عريضة في المجلسين.

    المفروض كمان الائتلاف ده بعد ما نخلص من الانتخابات و قصة الدستور اللي متوقع انه حيحصل فيه خلافات تاني و شد و جذب و خناقات (ده كدة كدة حيحصل سواء المعارضة اتحدت او لأ) و الدستور الجديد يطلع للنور, المفروض بقى ان قوي الائتلاف دي تتجمع تاني و يدعموا كلهم مرشح واحد ضد مرشح العهد البائد, بحيث يقدر يكون منافس قوي , لأن لو حصل انه مرشح الائتلاف ده نجح مع وجود برلمان ائتلافي بالشكل ده يقوم بعملية التشريع و المراقبة و دستور جديد مفيهوش سلطات مطلقة, يبقى حنشوف 4 سنين على الأقل من الممارسة الديمقراطية الاصلاحية الحقيقية اللي تبتدي تحط مصر على أول طريق التنمية و الاصلاح و مقاومة الفساد و يبقى المصريين قدروا فعلا يعملوا أنجاز رائع, و حيبقى مستحيل على أي حد ييجي بعد كدة انه يلتف عى الناس أو يعمل ردة.

    ملحوظة أخيرة: اتمنى و اتوقع ان الأخوان عندهم من الوعي و التمرس السياسي اللي ميخليهمش يقعوا في الفخ و يتخدعوا بالكلام المعسول المتوقع من مرشحي العهد البائد لاستمالتهم, فمن شب على شئ شاب عليه, و ليكم في اللي حصل في عهد جمال عبد الناصر عبرة و عظة."

    الحقيقة أنا كتبت الكلام ده أول ما ظهرت نتيجة الاستفتاء انما دلوقتي بقيت حاسة انه للأسف الكلام ده مش حيحصل. القوى السياسية أفتكرت ان الحرب خلصت و كل واحد بقى عايز ياخد أكبر حته من التورتة



 

المواضيع المتشابهه

  1. الاخوان و السلفيين اغلبيه فى مجلس الشعب - دعوه مفتوحه للنقاش
    بواسطة human في المنتدى المنتــــــدى الاجتمــاعى
    مشاركات: 101
    آخر مشاركة: 29-03-2011, 05:14 PM
  2. مفهوم الدوله الاسلامية حتى نفهم جميعا - دعوه مفتوحه للنقاش
    بواسطة human في المنتدى المنتــــــدى الاجتمــاعى
    مشاركات: 20
    آخر مشاركة: 26-03-2011, 12:12 AM
  3. المسيحيين فى الاسلام مالهم و ما عليهم - دعوه مفتوحه للنقاش
    بواسطة human في المنتدى المنتــــــدى الاجتمــاعى
    مشاركات: 7
    آخر مشاركة: 25-03-2011, 06:39 AM
  4. الاخوان و السلفيين و الوهابيه كيفيه التفريق - دعوه مفتوحه للنقاش
    بواسطة human في المنتدى المنتــــــدى الاجتمــاعى
    مشاركات: 32
    آخر مشاركة: 24-03-2011, 11:06 PM
  5. مشاركات: 30
    آخر مشاركة: 05-09-2010, 05:30 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2