حقيقى لافض فوك يادكتور قولت كل اللى كنت عاوز اقوله واكتر وبطريقه اكتر تنظيما من اللى كنت هاعمله
عصام شرف ليس كل مطالب الثورة ...و اى كان سبب الاعتصام فى التحرير او فى كلية الاعلام دى
مافيش ما يبرر استخدام القوة المفرطة دى ..الا لو هناك من يريد القضاء على اى اشكال التجمهر والاعتصام و لة مصلحة فى اجهاض الثورة و كل اشكلها باى شكل ..و قانون منع التظاهر اللى وقع علينا دة من كام يوم مش صدف ...
د علاء الاسوانى وضح ان فولو الوطنى بتلعب على الكتلة الغير فعالة ..اللى هى شافت الثورة فى التلفزيون ..و دى لا يهمها شرف و لا حسنى ولا غيرة ..دى يهمها اكل عشيها و خلاص و الحياة تمشى اى كان مين اللى موجود ..
و غريبة ان مثلا هذا الجيش لم يفض مظاهرة الشرطة امام وزارة الداخلية ..و كان فى حريق كمان فى ثلاث ادوار لحرق مستندات الله اعلم بالل فيها ...
يعنى الجيش عندة خيار و فقوس ..اللى فى التحرير و الطلبة فى الكلية و فى حالهم دول يضربو انما اللى بيحرقو وزراة الداخلية دول حقوقهم مهضومة ..
و يقولك بالصدف الحريق يوم المظاهرة .. و لو نرجع شوية بالذاكرة كام اسبوع كان فى برضو تمثلية مظاهرة امام الداخلية و كان فى حريق برضو ..دة اية الصدف العجيبة دى ..
صحيح "رب صدفة خير من الف حريق "
المجلس العسكرى للاسف خيب امال الكثيرين ..و حديثة عن دعم الثورة و محاربة الفساد و مطاردت قيادات الحزب الوطنى مجرد كلام مرسل لاستهالك الناس فى التحرير و فى الفضائيات
انما الصفقة على ارض الواقع مختلفة تمام.....
المجلس العسكري يبقي مش بيخيب امال الكثيرين ازاي ؟ انه يجيب الاسواني وفضل ونوارة والبرادعي ويقولهم اتفضلوا البلد واعملوا اللى انتم عايزينه ؟ ولا انه يترك كل من يريد عمل مظاهرة وقطع الطريق في اي وقت واي مكان لاي سبب يعمل اللى هو عايزه ؟ ولا يقيل حكومة شرف اللى اصدرت قانون تجريم التظاهر رغم ان الثوار هم اللى اختاروها ؟ ولا انه ميقبضش على الحرامية والبلطجية علشان يبقي لا يعتدي على حقوق الانسان ؟ ايه المطلوب بالظبط ؟؟؟؟؟
متهيالي موافقة 77% على التعديلات الدستورية التي عرضها المجلس العسكري في استفتاء حر برغم كل الاعلام الموجه ضد الموافقة وبرغم اتفاق كل مرشحي الرئاسة على الرفض وبرغم كل اعلانات هاتي معاك خمسة يعني موافقة الشعب على ما يريده المجلس العسكري ورفضه لكل هؤلاء
نقلا عن تويتر :
"عضو المجلس العسكري
لما سألوه عن (ضرب) المتظاهرين قال لهم (هو لما ابوك يتعصب و يضربك بالقلم تنسى كل حسناته ؟)
و
لما سألوه عن (ترك) البلطجية قال لهم ( نعمل ايه ما اللي هانكلمه هايقول لنا حقوق الانسان و بتاع ؟)"
الكلام ده حدث بالفعل في حلقة امبارح
طبعا كل انسان من حقه يصدق او ما يصدقش
"ظپط.ظˆطµ ط¹ط°ط±ظٹط©" ط¥ط¬ط¨ط§ط±ظٹط© ظ„ظ„ظ…ط.طھط¬ط§طھ ط§ظ„ظ…طµط±ظٹط§طھ! | Amnesty International
لو لبجيش لم يتحرك ضد اي مخلوق كلنا نصوت ونقول يا جيش تعال امسك البلطجية والمجرمين
ولو الجيش مسك اي واحد مخالف في الشارع واعتقله نقول الجيش مش بيحترم حقوق الانسان وبيضرب المتظاهرين الابرياء
المطلوب من وجهة نظر البعض ان الجيش هو كمان يشتغل لحسابهم وهم يقولوا له يعمل ايه واضرب ده واترك ده علشان يرضوا عنه
فيه قانون طوارئ وفيه احكام عرفية وفيه قانون منع التظاهر اصدره الدكتور عصام شرف مطلب ثوار التحرير اي شخص يخرج عليهم يطبق عليه القانون فورا ومحدش يتكلم
والله الكلام ده كان محشور في صدري ونفسي اقوله....
فعلا...الدكتور يحيى الجمل يثير تساؤلات عديدة
ابتداء بترحيبه بكلام حسني في خطاب عدم الترشح
ومرورا ببكاؤه وتأثره الشديد والغريب برحيل احمد شفيق
ثم الموضوع الغريب والمستنكر بتاع الاستهانة بالذات الالهية
واخيرا ولعله ليس آخرا...اداؤه في ملف الاعلام والصحافة ....ذلك الملف الخطيير والحساس جدا..
اللي كنا ننتظر منه فيه الحل اللي نستريح بيه من ذيول وطبول النظام البائد...
ربنا يستر...
هو اية اللى دخل التعديلات الدستورية فى موضوع النقاش اللى بنتكلم فية ؟؟؟؟ ولا قصدك ان نعم دى تشمل موافقة المصريين على كل افعال المجلس العسكرى ..دى تبقى مشكلة لو المجلس العسكرى فهم من نتيجة الاستفتاء من المصريين بيباركو القرارات الحكيمة للمجلس فى كل حاجة..
فى معلومات عن مخطط لمحوالات اغتيال ..و تم تاكيد الخبر بوساطة ضباط شرفاء فى امن الدولة من عدة مصادر مش بلال فضل او علاء الاسوانى فقط ....
و كالعادة المجلس العسكرى معملش اى حاجة بخصوص المخطط دة و لم يصدر حتى اى رد فعل يبين اهتمام بالموضوع رغم خطورة ...
و انا مش فاهم لية الضابط اللى اتكلم انبارح و بيدعى انة من قيدات الجيش ..لية لم يذكر اسمة ..هو خايف على نفسة من مين ولا هما ممنوعين يتكلمو فى القنوات الفضائية ولا فى سر احنا مش فاهمينة ..بالرغم انة لم يقول اى اسرار عسكرية او يكشف مخططات عظيمة ..
لما يبقى كل معاونين النظام السابق فى الاعلام و فى الصحف و فى الجامعات مازلات فى مواقعها ..بل و تتبجح بمنتهى الغرابة انها لن تتحرك من مناصبها فى تحدى اوضح لارادة حتى العاملين فى هذة المؤسسات و لا يخفى على احد دعمها السافر للنظام السابق و المشاركة فى خداع المصريين على مدى سنوات .
لو عنك اجابات على الاسئلة دى الحقنى بيها الله يخليك ..و مازال المجلس العسكرى عامل مش واخد بالة و معتمد على طيبة المصريين
http://a6.sphotos.ak.fbcdn.net/hphot..._4434118_n.jpg
اقتباس:
كما أتمنى على الدكتور البرادعى الذى لم أتشرف بلقائه من قبل أن يغير من خطابه الإعلامى سريعا وأن يفكر فى التحالف مع شخصية تحظى بقبول جماهيرى واسع، اعتبرنى مخرفا لكننى أتمنى أن يكون مثلا الدكتور عبدالمنعم أبوالفتوح الذى يشكل وجها مقبولا للتيار الإسلامى ليس لأنه تعرض لاضطهاد طويل داخل جماعة الإخوان، بل لأنه رجل يقر بمدنية الدولة بمفهومها الإسلامى ويؤمن بعدم إدخال الدين فى الصراعات الانتخابية الرخيصة
حتى بلال فضل بيقول " على فكرة انا مش اخوان " بس بطريقته
اقتباس:
بلال توقف عن التعامل معنا وكاننا اطفال تحكي لنا حدوتة قبل النوم او قصر تحت وصايتك لو عندك اي دليل توجه به للمجلس الاعلى لقوات المسلحة او للنائب العام بدلا من الكلام المرسل على اوراق الصحف ومحطات التليفزيون وتوقف عن التلويح بورقة في كل برنامج والقول انك لديك مستندات الخ الخ وتسنتد الى اوراق تقول انها من ملفات امن الدولة بيما المجلس الاعلى للقوات المسلحة منع استخدامها وطلب من الجميع تسليمها
تصدق يا بلال لما بتمسك الورق وتقول معايا المستندات بتفكرني بمرتضي منصور لما كان بيقول انه معاه سيديهات ومستندات لنص البلد
تحياتى الى د محمد
والله لو الجيش عمل كل المطالب والاسئلة الموجودة في الورقة اللى حضرتك وضعتها بردو مش ايعجب وهايتم اختراع حاجات تانية لازم يعملها
معلش فيه ناس ماشية بطريقة اخربها وخلاص ومهما اتعمل له مش عاجبه المهم ثورة حتي النصر ويظهر بمظهر الزعيم والمرشد والعارف ببواطن الامور وطبعا مش بتكلم عن حضرتك بتكلم عن نوعيات كتيرة من اللى بتطلع في وسائل الاعلام وعينات زي الىل عاملين الورقة اللى حضرتك وضعتها
أنا مش عارف انتم بتتكلموا وبتهاجموا الكاتب الرائع بلال فضل كأنه لا يوجد أي مؤامرات على مصر وكأنه فلول النظام البائد والموساد وال cia ساكتين ومبسوطين وهما شايفين مصر بتنهض من جديد
لا طبعا في مؤامره والدليل على وجودها مثلا قيادات الاعلام المنافقه الفاسده التي أفسدت عقول الشعب المصري التي يرفضون تغييرها حتى الان ومحدش يقولي سايبنهم علشان الاستقرار ؟؟؟؟