الاخوان و السلفيين اغلبيه فى مجلس الشعب - دعوه مفتوحه للنقاش

**wawoo** · 24-03-2011 11:38 AM

الرد اللى انت عاوزة يا استاذ هيومن ..موجود عند الاخوان والسلفيين نفسهم ..لو حد فيهم معنا يريت يفيدنا فى اى معلومات بالخصوص دة ...

لكن ممكن اتوقع ببساطة اننا حنبقى خليط من فكر عدة دول الاسلامية زى السعودية و افغانستان و باكستان و غزة و غيرها ...

الله وحدة يعلم مصر حتكون ازى وقتها ..بس الارهاصات للاسف غير مبشرة على الاطلاق ..

**تامر.محمد** · 24-03-2011 11:40 AM

يا جماعة يا ريت بلاش الخوف من اسرائيل يكون سبب اننا ناخد قرارات مش صح , المشي جنب الحيط لو ممكن يفيد افراد ماشي , انما مافيش دولة بتستفيد من المشي جنب الحيط

و ادينا ماشيين كدولة جنب الحيط من 30 سنة , و اللي اتعمل فينا اسوأ من الحروب

**hookyelyak** · 24-03-2011 11:44 AM

اقتباس
المشاركة الأصلية كتبت بواسطة hookyelyak

بسم الله الرحمن الرحيم
....هقولكم ايه تصورى للوضع لو السلفيين مسكوا الحكم
..1 هيلغوا اتفاقيه كامب ديفيد.... اسرائيل فى يومين هتدمرالطيران المصرى وتحتل سينا

على اعتبار ان الطيران مركون في الشارع و الدفاع الجوي ماعندوش حتى فليت يرشه عالطيارات المعدية؟

اقتباس
المشاركة الأصلية كتبت بواسطة hookyelyak

2.اثيوبيا هتلاقيها فرصه وتعمل سدود وسلملى على الميه

ممكن تشرح لي العلاقة بين سدود أثيوبيا و السلفيين أو الإخوان؟

اقتباس
المشاركة الأصلية كتبت بواسطة hookyelyak

3.مش هنلاقى قمح لان امريكا مش هتدينا ومفيش بلد عندوا امكانيه انتاج الكميه دى من القمح

مين قال؟ امريكا قالت سنحترم قرار الشعب إذا وصل الاسلاميين للحكم ديمقراطيا .... و على فكرة كندا و روسيا و استراليا و امريكا الجنوبية مليانين قمح ......

اقتباس
المشاركة الأصلية كتبت بواسطة hookyelyak

4ا.لسياحه بخ. وربع الناتج المحلى مع السلامه

لو السياحة هتبخ عشان هنمنع ال couples يخشوا مع بعض الاوض و هما مش متجوزين (يعني هنمنعهم من الزنا و هنبطل الدياثة) او عشان هنمنع الخمور او العري يبقى في ستين داهية ربع الدخل لانها كانت فلوس وسخة و بتقلل لنا البركة

اقتباس
المشاركة الأصلية كتبت بواسطة hookyelyak

.5مفيش استثمار اجنبى

على اعتبار ان - على سبيل المثال - السعودية اللي هي معقل السلفية الأول مفيهاش استثمار اجنبي؟؟؟؟؟؟؟؟؟؟؟

اقتباس
المشاركة الأصلية كتبت بواسطة hookyelyak

ثانيا قفل الصحف ومحطات التلفزيون الخاصه وابقا عارض فى الحمام

مين قال الكلام الفاضي ده ؟؟؟؟؟؟؟؟

اقتباس
المشاركة الأصلية كتبت بواسطة hookyelyak

مفيش انتخابات ولا ديموقراطيه ولا الكلام الكفر ده

على اعتبار اننا هنقلبها ملكية مطلقة ؟؟؟؟؟ انت بتخلط بين النظام الديني و السياسي في الدول المتبعة للمنهج السلفي ...... الدين ما قالش يبقى فيه ملكية و توريث ....... و اللي بيحصل في الديكتاتوريات الاسلامية ليس من الاسلام في شئ ......

اقتباس
المشاركة الأصلية كتبت بواسطة hookyelyak

النقاب والحيه هتبقى بالضرب
هنبقى عايشين زى الصومال وافغانستان كده ناس كل همها اقامه الحدود ومنع الاختلاط والشعب ممكن ياكل من الزباله.

مين قال كده ؟؟؟؟؟؟؟؟؟؟؟؟؟؟؟؟؟ سلفيين مصر غير الصومال و افغانستان تماما...................................
................

مهندس أحمد انا احترم حضرتك ولاكن الى بقوله واقعى تماما
1.الدفاع الجوى والطيارات لازم يشوف الطياره الاول..... سمعت عن الاف35
2.لما نبقى بلد محتل اثيوبيا هتعملنا اعتبار؟
3.السياحه هيلغوها كلها من الاساس
4.السعوديه فيها بترول ولا تقارن بمصر
.........السلفيين لا يفصحون عن رأيهم فى الديموقراطيه لانها ستكشف عن القادم منهم

**ehab_mansour** · 24-03-2011 11:46 AM

المشاركة الأصلية كتبت بواسطة ehab_mansour

انا أسف ان كنت أخطأت في حق العضو الذي رددت عليه ولكن يا أخوة الموضوع كبير ويحتاج الي كلام كثير ولي اقتراح وهو اني حتي الأن لم أقابل من أعضاء المنتدي إلا القليل لو أمكن نخطط لمقابلة ونسميها من أجل مصر ونحضر جميعنا للموضوع وهنتكلم في ايه وهنتناقش في موضوعات ايه ونحدد الجزئيات كلها ونقعد نتكلم مع بعض وفي الأخر هنتطلع بمعلومات عن كل شيء وكل منا يتحدث عما يفهم ونضع أكثر من خطة للنهوض بالبلاد ونتبني جميعا كل هذه الأفكار ونضعها علي أرض الواقع وكل يساهم بما يستطيع

محاور الحديث سوف تتطرق عن كل سلسلة الموضوعات التي تبناها المهندس طارق جزاه الله خيرا بكل ما تحمله من نقاشات هادفه
ايه رأيكم ؟

مستني ردكم بجد وعلي استعداد لذلك ان شاء الله

**tiger45** · 24-03-2011 11:57 AM

اعتقد لو الاخوان وصلوا للحكم مش ممكن يلغوا اتفاقيات ويقعوا في اخطاء اقل ما توصف بها انها غبيه
الاخوان والجماعات الدينيه بيفكروا كويس جدا ومهماش اغبياء زي مكان الاعلام القديم بيصورهم وزي ما عادل امام كان بيمثلهم ان هما بتوع مهلبيه وخلاص
دول ناس مرتبين ومنظمين جدا

**human** · 24-03-2011 12:01 PM

المشاركة الأصلية كتبت بواسطة tiger45

اعتقد لو الاخوان وصلوا للحكم مش ممكن يلغوا اتفاقيات ويقعوا في اخطاء اقل ما توصف بها انها غبيه
الاخوان والجماعات الدينيه بيفكروا كويس جدا ومهماش اغبياء زي مكان الاعلام القديم بيصورهم وزي ما عادل امام كان بيمثلهم ان هما بتوع مهلبيه وخلاص
دول ناس مرتبين ومنظمين جدا

الاخوان قالوا رسميا مش هيلغوا المعاهده
يا ريت مناقشه التأثير الاجتماعى اللى اغلب الاعضاء متخوفين منه اكثر من السياسى

يعنى احمد كمال قال تغور السياحه - قطاع السياحه بيشغله كميه مهوله من العاملين و ارقام رهيبه من الاستثمار لازم يبقى فيه تصور صح لكيفيه مثلا ان تغور السياحه

**dreslam** · 24-03-2011 12:10 PM

المشاركة الأصلية كتبت بواسطة human12

الاخوان قالوا رسميا مش هيلغوا المعاهده
يا ريت مناقشه التأثير الاجتماعى اللى اغلب الاعضاء متخوفين منه اكثر من السياسى

يعنى احمد كمال قال تغور السياحه - قطاع السياحه بيشغله كميه مهوله من العاملين و ارقام رهيبه من الاستثمار لازم يبقى فيه تصور صح لكيفيه مثلا ان تغور السياحه

انا يمكن ما انتخبش حد من الاخوان ويمكن انتخبهم لو قريت برنامج المرشح اللي في دايرتي
لكن لا اعتقد ان حيكون ليهم تأثير اجتماعي سلبي لاني استشعر فيهم قدرا من الاعتدال في الوقت الحالي نظرا لبوادر نضجهم السياسي الحالي
ومعلش لا يوجد شيء اسمه تغور السياحه ولا تصور حتى لذلك لان السياحه هي الدخل القومي الاعلى والحصان اللي حنراهن على تطوره الفتره القادمه وحتى قيام مشروعات قوميه عملاقه تسند جنب السياحه وده حياخد بتاع 10 سنين او اكثر حتظل السياحه فيهم الحصان الرابح "الاوحد"

**تامر.محمد** · 24-03-2011 12:13 PM

المشاركة الأصلية كتبت بواسطة human12

الاخوان قالوا رسميا مش هيلغوا المعاهده
يا ريت مناقشه التأثير الاجتماعى اللى اغلب الاعضاء متخوفين منه اكثر من السياسى

يعنى احمد كمال قال تغور السياحه - قطاع السياحه بيشغله كميه مهوله من العاملين و ارقام رهيبه من الاستثمار لازم يبقى فيه تصور صح لكيفيه مثلا ان تغور السياحه

احمد قال تغور السياحة على نوع معين من السياحة ذكره هو بالاسم و الوصف و ما اظنش حد فينا يحب النوع ده من السياحة يبقى موجود
ناهيك عن ان البلد لو بقى فيها صناعة و زراعة انت مش هاتحتاج للسياحة زي ما انت مزنوق لها دلوقت لأن مافيش لا صناعة ولا زراعة
و خليني افكرك ان عندنا مشكلة اسمها الفساد و عدم التطوير في القطاع السياحي اللي مخلي بلد فيها كمية الآثار دي تعتمد على انواع السياحة المذكورة , و مع ذلك نسبة السياح اللي بتجي لها مش كبيرة و كلها من قطاعات فقيرة في العالم (ده نظرا لسوء حالة البنية التحتية و الخدمات بالطبع)

-

الموضوع: الاخوان و السلفيين اغلبيه فى مجلس الشعب - دعوه مفتوحه للنقاش

LinkBack

أدوات الموضوع

عرض

-

-

-

-

المواضيع المتشابهه

مفهوم الدوله الاسلامية حتى نفهم جميعا - دعوه مفتوحه للنقاش

المسيحيين فى الاسلام مالهم و ما عليهم - دعوه مفتوحه للنقاش

الاخوان و السلفيين و الوهابيه كيفيه التفريق - دعوه مفتوحه للنقاش

تصورك للمرحله القادمه - دعوه مفتوحه للنقاش

إللى يشترى الريجاتا يبقى اشترى العتبه الخضرا... دعوه مفتوحه للنقاش

الكلمات الدلالية لهذا الموضوع

المفضلات

المفضلات

ضوابط المشاركة