| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 12

  1. #1

    الصورة الرمزية hobiko

    رقم العضوية : 6280

    تاريخ التسجيل : 23Feb2008

    المشاركات : 2,284

    النوع : ذكر

    الاقامة : Alexandria

    السيارة: TOYOTA Corrola 2007

    السيارة[2]: KIA Cerato SX 2010

    دراجة بخارية: N/A

    الحالة : hobiko غير متواجد حالياً

    افتراضي فيلم نظرية المؤامرة ....... الجزء الأول: انت مين ياد ؟؟؟!!!! - Facebook Twitter whatsapp انشر الموضوع فى :

    hasad">

    فاكر فيلم نظرية المؤامرة Conspiracy Theory بطولة ميل جيبسون و القطة جوليا روبرتس ...... فاكر لما كان طالع فى الفيلم لاسع و مجنون و فاكر ان كل حاجة بتحصل فى الدنيا لازم يبقى وراها مؤامرة......


    انا انهاردة قررت اتقمص دور ميل جيبسون فى الفيلم .... حبقى مجنون و لاسع وحاعتبر ان كل حاجة وراها مؤامرة ..... وانى لما نزلت و سبت باب الحمام مفتوح و رجعت لاقيته مقفول .... ده أكيد اللى كان بيزرع اجهزة التصنت فى البيت عندى مش هوا الشباك .


    هو ايه اللى حصل ..... الأستفتاء نتيجته طلعت نعم ؟ ما احنا كنا متوقعين كده ...... ايه ماكنتش متوقع نسبة نعم تبقى كبيرة كده؟ ...... خد شفطة من العصير (كان فين العصير ده لما كنا نايمين على الأسفلت فى التحرير) و ريح كده فى الكرسى و ادينى ودانك وخلي ليك عقلك ...... كفاية اللى عندى تعبنى اوى


    1) كام واحد نزل الشارع لما مبارك تنحى .... 10 مليون 20 مليون ..... ال20 مليون دول نسبتهم كام من 85 مليون ؟ 20% ده معناه ان فى 65 مليون احتمال كبير جدا انهم مش عاجبهم اللى انت عملته ده ...... مفتقدين الأمن و الأستقرار بتوع النظام القديم ..... متعودين انهم يقولوا نعم مادام واكلين شاربين نايمين متجوزين ...... سيبك من اللى مقتنع فعلا بنعم من غير ماتكون كل الحاجات اللى فاتت دى مأثرة عليه ده غير ان ممكن تكون ليه اسباب خاصة ...... بصراحة انا متفاجىء ان نعم طلعت 77 % بس مش اكتر


    2) مصر مش القاهرة و اسكندرية ...... بطل تفكر بطريقة ان مدينتك الجميلة دى هى مركز العالم ...... 20 او 25 مليون فى القاهرة و اسكندرية ..... و الباقى فى حتت تانية ممكن اوى تكون عمرك ما روحتها فى حياتك ...... خلينا صرحا مع بعض الناس بتاعت لأ ماعرفتش توصل للناس اللى فى الحتت دى ...... ولا حتى فى عن طريق التلفزيون ..... الراجل المحترم اللى قاعد يكلم عن عوار الدستور ..... و تناقض التعديلات .... والمادة مش عارف كام مع المادة دى تحطهم على بعض تتطلع تانى اكسيد النيتروجين ..... يا عم ده انا نفسى اتلخبط ...... كلمت قرايبك و اصحابك و جيرانك ..... محاولات فردية شجاعة بس للأسف غير منظمة


    3) الجيش و الأخوان المسلمين و السلفيين و الحزب الوطنى الديموقراطى كانو بيقولوا نعم ..... حتروح فين انت يا صعلوك وسط الملوك (على رأى عمنا محمود السعدنى) ...... الجيش عايز يطلع من البهدلة دى ونعم ببساطة كانت معناها انه حيمشى فى اسرع وقت من وجع الدماغ يا عم الحج ..... و الباقيين نعم بتديهم احسن و اسرع فرصة للحصول على اكبر عدد من مقاعد البرلمان و بالتالى كتابة دستور جديد على مزاجهم ..... كل دول معاهم الفلوس و التنظيم و الأدوات ..... وانت معاك ايه ؟ يامولاى كما خلقتنى


    4) انت ما بقتش بتمثل الشعب خلاص ..... الحقيقة انت عمرك ما كنت بتمثلهم ..... خصوصا فى نقطة طلباتهم واهتماماتهم الأساسية ...... اهتماماتك و اهتماماتهم مختلفين مش زى بعض ...... انت مهتم بالثورة ... عايز تمسك رؤوس الحزب الوطنى ... تحط مصر على الطريق الصحيح ...... هما مهتمين بالأمن الغذائى و المادى ..... عودة الأستقرار و الحياة الطبيعية بأسرع ما يمكن ..... الناس دى شايفين الجيش هو القوة الوحيدة المنظمة فى البلد اللى بتحقق شوية امان ..... انت بتكلم صح انا عارف ..... الجيش هو اللى ضرب الناس بالليل فى ميدان التحرير و قبض عليهم و عذبهم و رجع اعتذر و بعدين مشى المعتصمين بالعنف من الميدان و ادى علقة محترمة لطلبة اعلام و رجع يعتذر تانى ..... يعنى الراجل بيلسوع و يعتذر.... معاك فى كل ده بس انت متخيل ان الكلام ده كفاية عشان الناس ماتسمعش كلام الجيش القوة الوحيدة اللى حامية مصر دلوقتى و تقول لأ ..... لأ طبعا


    بص ..... عشان برضه ما ظلمكش ..... الغلط مش كله غلطك ..... انت بس ماخدتش بالك من شوية حاجات بسيطة ..... انت كنت عمال تخسر الناس بانتظام ..... ماكنتش مركز فى أحلامهم و طلباتهم ..... عارف كام واحد مثلا خرجوا المظاهرات معاك و هما بيحلموا برفع الحد الأدنى ووضع حد اقصى للأجور ..... ليه الطلبات اللى من النوع ده مش على الساحة دلوقتى ايه اللى حصل ؟؟؟


    احمد شفيق ..... خسرنا بسببه شوية ناس برضه ..... فى ناس كتير عاجباها شياكته ..... طريقة كلامه .... ادبه ..... رقته .... كلمتين الأنجليزى اللى بيتقالوا فى النص ...... فاكر انه لما استقال وبانت الفضايح اللى حكومته كانت مغطية عليها كده الناس بقيت معاك لما عرفوا انك صح ؟؟؟؟ لأ طبعا .... ده فى ناس عايزين ينتخبوه رئيس جمهورية ..... ده فى ناس اتغاظت اصلا من انك طلعت صح


    انت برضه ماخدتش بالك ان الجيش مش بيحبك اصلا ..... حيحبك على ايه ؟؟؟ الجيش كان حابب الأستقرار اللى كان عايش فيه ايام النظام القديم ..... جيت انت عملت ثورة مش بس اتسببت فى انهيار النظام اللى كان مخليه فى استقرار و راحة ..... لأ ده انت خليته يشتغل كمان جامد جدا اكتر ما هو اتعود بكتيربقاله سنين.


    انت فاكر انه مهتم بيك ولا بمطالبك ؟؟؟ انت فاكر انهم لو طالوك حيرحموك ؟؟ ده مش هبل .... ده منطق .... الشباب اللى اتسببوا فى انهيار النظام القديم بكل جبروته ...... يقدروا يهدوا اى نظام تانى طبعا بما فيه النظام العسكرى ..... طب بذمتك لو كنت مكانه ازاى حتسمح للشباب دول يستمروا و يكبروا و يبقى ليهم دعم و تأييد شعبى ..... لو ما كنتش اخدت بالك بس ..... الجيش كان بيسمع لك بس كل ما كان عدد الناس اللى كانوا فى التحرير كتير و بيسقع كل ما كان العدد اصغر و اصغر ....... هو مش بيحبك و لا عاجباه افكارك ..... هو ساكت عليك بس عشان يفضل محافظ على صورة مخلص الشعب و منقذ البلد ...... و عشان البلد تستقر شوية و يكسب شوية وقت ..... انت نسيت كنا بنقول ايه على قادة الجيش زمان ..... مش هما دول اتباع مبارك و اعضاء كبار فى النظام السابق ؟؟؟ عموما هما عارفين انت كنت بتقول عليهم ايه و مش عاجبهم برضه الكلام ده ...... يبقى مش ممكن حيسبوك .... طب يعملوا ايه ؟؟؟ ايه ؟؟؟ ايه ؟؟؟


    .................................................. .................................................


    الكلام ده كله داخل اطار التهييس و الهبل و التحشيش ...... برجاء عدم ذكر مكان الغرزة عند النقل

    بس لو التهييس ده عجبكوا ممكن اكمل ..... مش عاجب خلاص يا دار ما دخلك شر


  2. #2

    الصورة الرمزية Qmax

    رقم العضوية : 28547

    تاريخ التسجيل : 27Dec2008

    المشاركات : 982

    النوع : ذكر

    الاقامة : EGYPT

    السيارة: لا يوجد

    السيارة[2]: daihatsu shared-92

    دراجة بخارية: لا يوجد

    الحالة : Qmax غير متواجد حالياً

    افتراضي -

    كمل يا معلم
    خُذ الحكمه من أفواه المجانين وبعد 25 يناير من كيبورد المجانين
    وفعلا الجنان عامل شغل معاك وكلامك كله حكم
    هههههههه إستمر


  3. #3

    الصورة الرمزية tito_1980

    رقم العضوية : 80986

    تاريخ التسجيل : 23Sep2010

    المشاركات : 764

    النوع : ذكر

    الاقامة : cairo

    السيارة: lanos

    السيارة[2]: fiat

    دراجة بخارية: g

    الحالة : tito_1980 غير متواجد حالياً

    افتراضي -

    ده معناه ان فى 65 مليون احتمال كبير جدا انهم مش عاجبهم اللى انت عملته ده ...... مفتقدين الأمن و الأستقرار بتوع النظام القديم ..... متعودين انهم يقولوا نعم مادام واكلين شاربين نايمين متجوزين ...... انا من الناس دي و فعلا انا مفتقد النظام القديم اي نعم نظام فاسد و ظالم بس كنا نايمين متطمنين و كنا شغالين و معانا فلوس و ممكن نتجوز كمان ... انا بتكلم عن نفسي علي فكره... بعد الثوره لا عاد في نوم و لا امان و لا استقرار و لا الشغل وقف و معتش في فلوس و الامل في الجواز هرب بعيييييييييد


  4. #4

    الصورة الرمزية tameraast

    رقم العضوية : 70430

    تاريخ التسجيل : 12May2010

    المشاركات : 755

    النوع : ذكر

    الاقامة : alex

    السيارة: toyota corola 2001

    السيارة[2]: polo 2009 rio 2013

    دراجة بخارية: no

    الحالة : tameraast غير متواجد حالياً

    افتراضي -

    انت بوب يا معلم
    كممممممممممممممممممممل


  5. #5

    الصورة الرمزية zyadahmed

    رقم العضوية : 14494

    تاريخ التسجيل : 10Jul2008

    المشاركات : 1,075

    النوع : ذكر

    الاقامة : اسكندرية

    السيارة: لا يوجد

    السيارة[2]: سكودا فيليشيا

    دراجة بخارية: لا يوجد

    الحالة : zyadahmed غير متواجد حالياً

    افتراضي -

    اقتباس المشاركة الأصلية كتبت بواسطة eng_ahmed_90 مشاهدة المشاركة
    ده معناه ان فى 65 مليون احتمال كبير جدا انهم مش عاجبهم اللى انت عملته ده ...... مفتقدين الأمن و الأستقرار بتوع النظام القديم ..... متعودين انهم يقولوا نعم مادام واكلين شاربين نايمين متجوزين ...... انا من الناس دي و فعلا انا مفتقد النظام القديم اي نعم نظام فاسد و ظالم بس كنا نايمين متطمنين و كنا شغالين و معانا فلوس و ممكن نتجوز كمان ... انا بتكلم عن نفسي علي فكره... بعد الثوره لا عاد في نوم و لا امان و لا استقرار و لا الشغل وقف و معتش في فلوس و الامل في الجواز هرب بعيييييييييد

    انا من اكتر الناس اللى ممكن تكون الثورة اثرت على دخلى وشغلى لكن والله العظيم مش زعلان ابدا بالعكس انا فرحان لاولادى انهم مش هايكونوا سلبين زى ما كنت ولا هاشوفوا الذل اللى شوفته انا وابويا وجدى من ايام الملك اللى استعبدنا للدكتاتور اللى ضيعنا للطور اللى باعنا للحنطور اللى قشطنا

    غمة وهاتعدى والخير هايعم والهدوء اللى كنا فيه كنت عارف انه هدوء موقت يسبق العاصفة اللى كنست كل الزبالة واثارت الغبار فى عيونا لكن اكيد بعد فترة بسيطة هانمسح عيوننا ونشوف اللى عمره ما خاطر فى بالنا ان شاء الله من نعمة ورخاء وامن وامان وعزة وكرامة

    مصر تستحق الخير


  6. #6

    الصورة الرمزية otefa

    رقم العضوية : 27285

    تاريخ التسجيل : 10Dec2008

    المشاركات : 11,282

    النوع : ذكر

    الاقامة : الكرة الأرضية

    السيارة: -Cabrice-LTZ

    السيارة[2]: ِAlfa156 seles-جيب جراند شيروكي

    الحالة : otefa غير متواجد حالياً

    افتراضي -

    كمل والنقاش يجي بعدين ليا تحفظ على كذا نقطة
    وأنا مع الثورة من الأول بالمناسبة
    ومتفائل أن ألي جاي هايكون أفضل من قبل 25 بأذن الله طول مافيه حوار بين الناس.

    إِن يَنصُرْ.كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ.كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿160)
    م/محمد


  7. #7

    الصورة الرمزية sharpvision

    رقم العضوية : 91707

    تاريخ التسجيل : 18Mar2011

    المشاركات : 218

    النوع : ذكر

    الاقامة : Cairo-Qina

    السيارة: fiat 128

    السيارة[2]: Cerato EX 2010

    دراجة بخارية: ksb

    الحالة : sharpvision غير متواجد حالياً

    افتراضي -

    كمل ياباشا .....


  8. #8

    الصورة الرمزية hobiko

    رقم العضوية : 6280

    تاريخ التسجيل : 23Feb2008

    المشاركات : 2,284

    النوع : ذكر

    الاقامة : Alexandria

    السيارة: TOYOTA Corrola 2007

    السيارة[2]: KIA Cerato SX 2010

    دراجة بخارية: N/A

    الحالة : hobiko غير متواجد حالياً

    افتراضي -

    قشطة يا رجالة ....... إلى اللقاء في الجزء التاني


  9. #9

    الصورة الرمزية medo_2060

    رقم العضوية : 2951

    تاريخ التسجيل : 02Nov2007

    المشاركات : 3,099

    النوع : ذكر

    الاقامة : Mansoura

    السيارة: A113

    السيارة[2]: lanos

    دراجة بخارية: لايوجد

    الحالة : medo_2060 غير متواجد حالياً

    افتراضي -

    تهييس يستحق القراءه ههههههههه ...
    بانتظار الجزء الثانى ياباشا :)

    سبحان الله وبحمده ... سبحان الله العظيم


  10. #10

    الصورة الرمزية M7amD_7amDy

    رقم العضوية : 42820

    تاريخ التسجيل : 22Jun2009

    المشاركات : 3,171

    النوع : ذكر

    الاقامة : Damietta

    السيارة: Skoda Octavia A7 2015

    السيارة[2]: Kia Cerato 2010

    دراجة بخارية: no

    الحالة : M7amD_7amDy غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة zyadahmed مشاهدة المشاركة
    انا من اكتر الناس اللى ممكن تكون الثورة اثرت على دخلى وشغلى لكن والله العظيم مش زعلان ابدا بالعكس انا فرحان لاولادى انهم مش هايكونوا سلبين زى ما كنت ولا هاشوفوا الذل اللى شوفته انا وابويا وجدى من ايام الملك اللى استعبدنا للدكتاتور اللى ضيعنا للطور اللى باعنا للحنطور اللى قشطنا

    غمة وهاتعدى والخير هايعم والهدوء اللى كنا فيه كنت عارف انه هدوء موقت يسبق العاصفة اللى كنست كل الزبالة واثارت الغبار فى عيونا لكن اكيد بعد فترة بسيطة هانمسح عيوننا ونشوف اللى عمره ما خاطر فى بالنا ان شاء الله من نعمة ورخاء وامن وامان وعزة وكرامة
    +111

    كمل دانت برنسسسس :)

    [sor2]http://www10.0zz0.com/2011/02/23/13/799582098.gif[/sor2]
    ورايــــــا



 
صفحة 1 من 2 1 2 الأخيرةالأخيرة

المواضيع المتشابهه

  1. فيلم نظرية المؤامرة ........ الجزء الثاني : بابا عايز أتصور جمب الدبابة
    بواسطة hobiko في المنتدى المنتــــــدى الاجتمــاعى
    مشاركات: 23
    آخر مشاركة: 27-03-2011, 12:50 AM
  2. نظرية المؤامرة في زحام القاهرة
    بواسطة OlaOsman في المنتدى المنتــــــدى العـــــــــــام للسيــارات
    مشاركات: 30
    آخر مشاركة: 14-09-2008, 09:19 PM
  3. هل تصدق نظرية المؤامرة هذه ؟
    بواسطة أبو عبد الله*** في المنتدى المنتــــــدى الاجتمــاعى
    مشاركات: 14
    آخر مشاركة: 23-05-2007, 01:52 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2