تجربتي السيئة مع منصور فرع التجمع الخامس وصيانة ال15000

**sh3sh3** · 24-03-2011 05:21 PM

السلام عليكم ورحمة اللة وبركاتة على السادة الاعضاء نايل موتور كنت كتبت قبل كدة في موضوع هعمل صيانة ال15000 والحمد للة عملتها ودة التقرير بتاعي بس انا مش مبسووووووووط
كنت سمعت من السادة الاعضاء على ان المصنعية 250جنية وناس قالت دة كدة حرامية وكدة بنتسرق وناس قالت امال انت عايز تدفع كام يعني ؟؟ مقولناش اااي حاجة خالص بس المفروووض اني لما ااروح الصيانة ااحس فعلا ان العربية عملتلها الصيانة الكاملة
اللي حصل كالتالي:
روحت قابلت الاستاذ محمود وقولتلة جايلك من طرف العمدة الكبيير اللي دايما مصدرينة في وش المدفع(لامؤاخذة ياعمدة ياكبير) الراجل رحب بيا ودخل العربية وقابلت مصطفى اللي كان شغال في العربية وقالي الاستاذ محمود الصيانة هتكلف 250 قولت مفيش مشكلة وكنت جايب الزيت معايا موبل

بالزبط نص ساعة وكانت العربية خلصت انا مستغرب جدا بقول اية دة هيا كدة خلصت ولم يتم عمل الاتي:
1. التشيك على ماء السيارة محتاج تزويد ولا لا
2.التشيييك على هواء وضغط الكفرات
3.تنظيف المتور ونفخة بالهواء
3.الغسيييل
4.هل حضرتك بتشتكي من العربية وكانت شكوتي ان العربية بطلع صوت تصفير في الفرامل
ولا اتعمل اي حاجة.

بس وكل سنة وانت طيب ومبروك اتعملتلللك الصيانة طبعا في ناس ممكن تقول اية ياعم البخل دة مستخسر تتدفع 250جنية ااحب ااقول لا مش مستخسر ولا حاجة بس يعني ال250جنية دي اللي هيا ااد تمن الزيت اللي انا شارية الراجل بيحطهولي ونص ساعة وسلاموعليكم ااة اتربطلي على العفشة وكل حاجة وتنضيف الفلتر البنزيييين كل دة تمام بس انا روحت فرع التجمع الخامس دة بنائا على السادة الاعضاء وتشكريهم في الفرع دة بس انا محستش ابدا يعني الفرع اللي جة في دماغي دة فرع الرحاب ااحسن بكتيييييييييييييييييييييي ييييير جدا جدا مع العلم اني من سكان الشروق وروحت وقابلت الاستاذ تقريبا اسامة وتم عمل اللازم وزيادة كمان وكنت طالع مبسوووووووووووووووووووووو وووووووووط بس حبيييت ااوضح لسياتدكم تجربتي والصيانة الجاية هعملها في فرع الرحاب ان شاء اللة حتى لو كلفتني 300جنية بس اهم حاجة ااكون مبسووط والسلام عليكم

**engaass** · 24-03-2011 05:33 PM

طيب حضرتك بلغت م/ محمود باللى لم يتم عمله ولا خدتها ومشيت لان بصراحة الناس هناك بتعمل كل اللى بتقدر علية ولو فى حاجة ما اتعملتش بيقولولك انك مثلا تروح فرع الهرم لو معندهمش تجهيزات ليها اما بالنسبة للسعر فده ثابت فى كل مراكز خدمة شيفرولية

**aymanmaly** · 24-03-2011 09:46 PM

ياخبر كل دة حصل و ما تتصلش بية
طيب احنا بنقول ان من ضمن مميزات فرع التجمع انك بتكون جنب العربية فلو فية حاجة الفنى ماعملهاش تقول لة اعملها ما تسكتش على حقق انت دافع فلوس
تانى ميزة ان مدير الفرع المهندس محمود حقانى و محترم
كان لازم لو الفنى ما عملش الى انت عايزة ترجعلة
لكن قدر الله ما شاء فعل
لو فية اي حاجة اقدر اقوم بيها انا تحت امرك
و نسجلها كاول شكوى فى فرع التجمع الخامس
و اذا جت شكاوى منة ثانى نوقف التعامل معاة على طول
بس سيبك انت الف مبروك الصيانة و عقبال صيانة ال 250000
و يجعلة عامر

**sh3sh3** · 25-03-2011 01:06 AM

حبيبي واللة ياااستاذ اايمن زي ماحضرتك قولت قدر اللة ماشاء فعل

**ahmedaglan** · 26-03-2011 10:31 AM

الف مبروك ياباشا علي الصيانة واحب اقولك ان من كتر الشكاوى الناس بدئت تزهق من التوكيلات
يعنى انا ليا واحد صحبي معاة اوبترا 2009 وهو قلي ان انا عملت الصيانة الاولنية ببلاش وبعد كدا مبقاش يروح وبقي يعمل بقيت الصيانات عند واحد حبيبة كان شغال في شيفورلية وربنا كرمة وفتح ورشة ف الحرفيين
قلي لما الوضع يستدعى التوكيل هبقي اروحلة
انا اقصد من كلامى ان فعلا التوكيل ممكن نلجئلة لما يكون فية مشكلة عويصة وكدا ولا كدا بتدفع فلوس
علي العموم متزعلش نفسك ياباشا وزى ما قلك عمدتنا
قدر الله وما شاء فعل

**amribrahim** · 26-03-2011 02:21 PM

المشاركة الأصلية كتبت بواسطة ahmedaglan

الف مبروك ياباشا علي الصيانة واحب اقولك ان من كتر الشكاوى الناس بدئت تزهق من التوكيلات
يعنى انا ليا واحد صحبي معاة اوبترا 2009 وهو قلي ان انا عملت الصيانة الاولنية ببلاش وبعد كدا مبقاش يروح وبقي يعمل بقيت الصيانات عند واحد حبيبة كان شغال في شيفورلية وربنا كرمة وفتح ورشة ف الحرفيين
قلي لما الوضع يستدعى التوكيل هبقي اروحلة
انا اقصد من كلامى ان فعلا التوكيل ممكن نلجئلة لما يكون فية مشكلة عويصة وكدا ولا كدا بتدفع فلوس
علي العموم متزعلش نفسك ياباشا وزى ما قلك عمدتنا
قدر الله وما شاء فعل

باشا ماينفعش انك تعمل مثلاً 2 صيانة و تفقس للباقي علشان لو عملت مثلاً 5000 و 10000 و روحت التوكيل و العربية عاملة 30,000 أو 40,000 إنت كدة برا الضمان علشان إنت عميل مش ملتزم و الكلام دة مكتوب في كتاب الضمان .. واحد صاحبي عمل نفس الموضوع بس هو عمل بس أول 50000 و راح فرع الهرم عند 30,000 و رفضوا يعملو العربية علشان هي برا الضمان

**aymanmaly** · 26-03-2011 07:11 PM

كلام حضرتك مضبوط بالنسبة للضمان
بس لو عايز يروح الصيانة على فترات هايعملوا الصيانة لكن لو لا قدر الله فى مشكلة هايدفع التكلفة بالكامل
بالتوفيق فى القرار السليم