فيه حد هنا حاسس نفس الاحساس دا

**ainshouka** · 24-03-2011 05:30 PM

مش غريبة الثورات الكتير اللى عمالة تحصل فى كل البلاد العربية دى

هل هى شئ مدبر

ليبيا دلوقتى اتفرض عليها حظر جوى وحلف الناتو بيناقش الدور السياسى اللى حيقوم بيه بعد فترة القذافى
يعنى مش حيسيبوا البلد فى حالها

اليمن
السعودية
السودان
تونس
مصر

طبعا الثورة قامت فى مصر وكلنا طلعنا فيها بعد المرار والذل اللى مش احنا بس اللى عشناه
لأ كل اباءنا وامهاتنا عاشوا فيه من خمسين سنة

كل دولة عربية دلوقتى بتتقلب من نقطة ضعفها

مصر مثلا بسبب الظلم والفساد
السعودية بسبب الشيعة فى الشرق
تونس نفس السبب بتاع مصر...... الخ

كان مذاع على البى بى سى ان امريكا كانت محذرة رئيس الاركان المصرى بعدم ضرب المتظاهرين ايام الثورة

هل الجيش المصرى ياخذ اوامره من امريكا ام ماذا؟

مبارك فى خطابه الاخير خالص قبل التنحى تحس من كلامه ان فى انقلاب حصل عليه هل حد لاحظ كده ولا انا بيتهيألى؟

مش عارف بقيت احس ان عملية الاستفتاء الاخيرة كانت عبارة عن لعبة ونقعد محتارين نقول نعم ولا لأ

كأن الحيرة دى كانت مقصودة مثلا

يعنى يدوك بعض المميزات فى نعم وبعض العيوب وبرضه نفس الحال فى لأ ويخلوا الناس محتارة

وكان قبلها مشاكل الفتنة الطائفية ونجيب رموز معروفة من كلا الطرفين ويدلوا بتصريحات عشان الشعب ينقلب على بعضه

فى حد بيلعب بينا

هو فعلا فلول النظام السابق قادرة تعمل كده فعلا؟

النظام السابق دا انهار فى 18 يوم تقريبا بعد استقراره لمدة 50 سنة واكتر بعد ماظهر بكل الضعف دا قادر انه يعمل كل المشاكل دى

هل فيه حد بيلعب بينا من برة وبيحركنا زى ماهو عاوز؟

لما تكون انت مثلا قاعد فى اوضة مظلمة 50 سنة وانت نفسك تشوف النور وجه خد بايدك عشان تفتحوا الشبابيك

قمت انت بكل حماسة وبتفتح معاه

اللى باين طبعا ان اللى ساعدك دا منقذك

لانه ساعدك فى حاجة كانت لمصلحتك

بس الشخص دا انت عمرك ماشوفته قبل كده ولا تعرفه

هل ممكن تثق فيه كده بكل سهولة ؟

ولا حيملأ نفسك بالشكوك منه

هل حد حاسس بنفس الاحساس دا ولا انا بس اللى مخوف نفسى زيادة عن اللزوم

**alaa_dash** · 24-03-2011 05:44 PM

تفتكر انه اللي بيحصل مش في مصلحتنا ؟ و انا حتى لو كان ده بترتيب و تخطيط .. و طبعا لو صحيح ..يبقى فعلا امريكا تستحق

المكانة اللي هيه فيها ديه ..ولا اعتقد هذا ...لكن يبقوا هما كده قومونا ...و غالبا مش هتبقى القومة في صالحهم ابدا

العرب مش اليابان و لا المانيا ..يعيشو في فقر مدقع و بهدلة بينهم و بين بعض ...لكن تبقى نظرتهم للغرب مش ودية

**Tarek Gen 2** · 24-03-2011 05:51 PM

بعيدا عن اى اسباب ولا ردود
انا هسألك سؤال واحد

فى دولة من اللى فيها مظاهرات رئيسها محترم و محترم شعبه و مهنيهم و مراعى الله فى شعبه ؟؟
ده ردى على سؤالك
اما دليل او دعم لاجابتى فممكن اقولك انه يكفى ان الامارات و قطر و الكويت و الدول المحترمة من ناحية الدخل و الشعب و الخدمات مفيهاش حاجة و ده دليل

**ainshouka** · 24-03-2011 05:52 PM

بالعكس طبعا فى مصلحتنا اكيد

بس ايه المقابل قصاد كده

يعنى مهى ممكن تمشى معاك لتحقيق جزء من مصلحتك فى سبيل تحقيق مصلحة اكبر ليها

**dr-mohamed** · 24-03-2011 05:57 PM

المشاركة الأصلية كتبت بواسطة tarek gen 2

بعيدا عن اى اسباب ولا ردود
انا هسألك سؤال واحد

فى دولة من اللى فيها مظاهرات رئيسها محترم و محترم شعبه و مهنيهم و مراعى الله فى شعبه ؟؟
ده ردى على سؤالك
اما دليل او دعم لاجابتى فممكن اقولك انه يكفى ان الامارات و قطر و الكويت و الدول المحترمة من ناحية الدخل و الشعب و الخدمات مفيهاش حاجة و ده دليل

حكام غير محترمين وشعب مظلوم مضطهد اسهل وسيلة لتحقيق اهدافك
الامارات بها مشاكل لكن دورها ليس الان الموضوع بالدور مش اكتر يعني عندك السودان الشغل فيها من اكتر من 25 سنة كله هايجي دوره
الكويت حصل فيها فعلا اضطرابات من البدون
قطر لا يوجد حاجة لعمل ثورة او انقلاب بها لان الانفلاب المطلوب تم بالفعل حين عزل حمد ابوه واصبحت قطر الولاية 52

**zkralla** · 24-03-2011 06:17 PM

الناس بعد تونس حست انه ممكن الظلم ينتهى وبعد مصر زاد الأمل اكتر
احنا كنا فاقدين الأمل ان ممكن يحصل تغيير
لكن العمليه مفيهاش مؤامرات لأن الى بيعملوا مؤمرات كانوا اصدقاء للانظمه الى اسقطت
يعنى مثلا حسنى مبارك كان حليف قوى جدا جدا لاسرائيل وامريكا واسرائيل كان ناقص تنكس الاعلام بعد تنحيه
يبقى ليه يعملوا مؤمرات عليه ؟؟؟؟؟؟؟؟

**ainshouka** · 24-03-2011 06:50 PM

وامريكا حتسيب حلفائها يسقطوا كده ويتحرر الشرق الاوسط من قبضتها بكل سهولة

بدون متكون عاملة حسابها على حليف جديد فى كل بلد خاصة لما تكون بلد محورى زى مصر ومدى تاثيرها الكبير على البلدان الاخرى تخرج من تحت ايديها بكل سهولة كده

فاكرين زمان ايام العراق وموضوع الشرق الاوسط الكبير والفوضى الخلاقة ليه ميكونش دا جزء من المخطط مثلا

**otefa** · 24-03-2011 07:02 PM

((فاكرين زمان ايام العراق وموضوع الشرق الاوسط الكبير والفوضى الخلاقة ليه ميكونش دا جزء من المخطط مثلا))
+1
في رأي الشخصي مافيهاش شك أن أمريكا متابعة ومدية ضوء أخضر لمايحدث في مصر ومتابعة جيدا للحركة السياسية وتطورها ولن تقف مكتوفة أذا تعارضت مصاحها مع أنظمة حكم تضر بمصالحها
ليبيا واضح تماما أنها كانت كبش فداء(بترول+غاز) حاجة كده زي لعبة الشطرنج أخليك تاكل وزير والحركة ألي بعدها كش مات........ها أعمل أيه بلوزير بعدها ما الملك مات والدور خلص

**otefa** · 24-03-2011 07:16 PM

http://www.nilemotors.net/Nile/201048-a-6.html
http://www.nilemotors.net/Nile/201048-a-7.html

-

الموضوع: فيه حد هنا حاسس نفس الاحساس دا

LinkBack

أدوات الموضوع

عرض

فيه حد هنا حاسس نفس الاحساس دا - انشر الموضوع فى :

-

-

-

-

-

-

-

-

المواضيع المتشابهه

الاحساس بالذنب

قمة الاحساس

حد من البيمرز جاله الاحساس دة؟

الاحساس نعمه

الكلمات الدلالية لهذا الموضوع

المفضلات

المفضلات

ضوابط المشاركة